Livetalk, November 9, 2020
Vamwe vana vechikoro vari kuita Form 1 ne 2 pamwe nemagrade 0 kusvika ku5 vakadzokera kuzvikoro neMuvhuro panguva iyo varairidzi vakawanda vasina kuvhunduka kutyityidzirwa nehurumende kuti vadzokere kumabasa izvo zvaita kuti vamwe vabereki vasaendese vana kuzvikororo.
Mutauriri wemhuri yamuzvinabhizimisi VaGenius “Ginimbi” Kadungure avo vakashaya nemusi weSvondo mangwanani munjodzi yemumugwagwa kuBorrowdale anoti vachavigwa neMugovera
VaTrump vane tarisiro yekushandura mamiriro akaita zvinhu pari zvino vachiti sarudzo dzakabirwa mumatunhu akawanda avakakundwa naVaBiden, kunyange hazvo vasina humbowo hwekuti sarudzo dzakabirirwa.
Sachigaro veMDC Alliance mudunhu reNorth America, VaTawanda Dzvokora, vanoti sebato, vanofara nekusarudzwa kwaVaJoe Biden naAmai Kamala Harris.
Muzvinabhizimisi wechidiki, VaGenius Kadungure vaizivikanwa nekuti "Ginimbi' vakashaya nemusi weSvondo mangwanani munjodzi yemotokari muna Borrowdale Road, Harare vachienda kumba kwavo kuDomboshava.
Mutungamiri wenyika VaEmmerson Mnangagwa vabatana nevamwe vatungamiri venyika dzepasi rino mukukorokotedza VaJoe Biden nekukunda musarudzo dzemutungamiri wenyika yeAmerica.
Vakambove mutevedzeri wemutungamiri weAmerica kwematemu maviri, VaJoe Biden, vari kutarisirwa kugadzwa semutungamiri mutsva weAmerica wechimakumi mana nematanhatu gore rinouya musi wa 20 Ndira, zvichitevera kukunda kwavakaita VaDonald Trump musarudzo yemutungamiri weAmerica nemusi weMugovera.
Vaimbove mutevedzeri wemutungamiri weAmerica, VaJoe Biden, vakunda musarudzo yemutungamiri weAmerica zvichitevera kukunda kwavaita mudunhu rePennsylvania.
Mutori wenhau ane mukurumbira, Hopewell Chin’ono, aunzwa kudare akaiswa ngetani dzemumaowoko nedzemumakumbo izvo zvashorwa zvikuru nerimwe remagweta ake, Amai Beatrice Mtetwa Mtetwa mudare.
Vanoongorora zvematongerwo enyika pamwe nemapato ezvematongerwo enyika vanoti kunyange hazvo paine kugunun’una kubva kumutungamiri weAmerica, VaDonald Trump, sarudzo dzekuAmerica dzaikaitwa zvakajeka uye zviri kubuda musarudzo idzi zvinoratidza zvido zvevanhu vemuAmerica
Rodhai zvimwe