Breaking News

Jonga Kandemiiri

Produced by Jonga Kandemiiri

Chikumi 17, 2019
Inflation yePagore Yoda Kusvika paZvikamu Zana muMwedzi waChivabvu

Boka reZimbabwe Statistics Agency, Zimstats, rinoti kuramba mitengo yezvinhu ichiita chamurambamhuru zvakaita kuti inflation yepagore ikwire zvakanyanya mumwedzi waChivabvu zvichienzaniswa nenguva imwecheteyo gore rapera.
Chikumi 14, 2019
Vashandi veHurumende Votsamwiswa neKusawedzerwa Mihoro Mwedzi Uno

Zvinhu zvinonzi hazvichina kumira zvakanaka muvashandi vehurumende zvichitevera kusawedzerwa kwemari dzemihoro yavo nehurumende, sezvavaitarisira kuti ichaita mwedzi uno.
Chikumi 13, 2019
Vamwe Vanoti Nhaurirano Chete Hadzigadzirise Matambudziko ari muNyika

Izvi zvinotevera kuita chamurambamhuru kuri kuramba kuchiita mitengo yezvinhu asi mihoro yevashandi isina kwairi kuenda, pamwe nekusungwasungwa kunonzi kuri kuitwa vemasangano akazvimirira vachipomerwa mhosva yekuda kupidigura hurumemende yaVaMnangagwa.
Chikumi 12, 2019
Zvizvarwa zveZimbabwe Zvove neMaonero Akasiyana paNyaya yeDual Citizenship

Sachigaro wekomiti yeparamende inoona nezvekudyidzana nedzimwe nyika vachimirira Makonde muparamende, VaKindness Paradza veZanu PF, vanoti kutanga mwedzi unouya vachange vachitenderera vachisangana nevana veZimbabwe vachivapa magwaro aya.
Chikumi 12, 2019
Mutengo weMafuta eDzimotokari Unokwira Zvakare

Kukwira kwemitengo wemafuta uku kuitika masvondo mana abva kukwira zvakare nezvikamu zviri pakati pemakumi mana nezvitanhatu kubva muzana nemakumi mana nezvipfumbamwe kubva muzana.
Chikumi 10, 2019
VaRugeje Vomiswa Basa naVaMnangagwa muZanu-PF

Mutauriri webato reZanu-PF VaSimon Khaya Moyo vazivisa nhasi kuti munyori anoona nezvemabasa emusangano VaEngelbert Rugeje vabviswa pachigaro ichi chichipihwa VaVictor Matemadanda vange vachiona nezvevakarwa hondo yerusununguko.
Chikumi 10, 2019
Vashandi vezveHutano muHurumende Voronga Kuramwa Mabasa

Sangano rinomirira vashandi vezvehutano, reHealth Apex Council, rinonzi rakatopa hurumende mazuva gumi nemana ekuti igadzirise zvinhu, kukundikana kwayo vashandi voramwa mabasa.
Chikumi 06, 2019
Mutungamiri weARTUZ, VaMasaraure, Vanopambwa Pakati peUsiku

Mutungamiri wesangano rinomirira varairidzi vekumaruwa, reAmalgamated Rural Teachers Union of Zimbabwe, ARTUZ, VaObert Masaraure vanonzi vapambwa pakati peusiku nevarume vakapakata zvombo vasingazivikanwi.
Chikumi 04, 2019
Mutungamiri weAmerica VaTrump Vanoshanya kuBritain

Mutungamiri weAmerica, VaDonald Trump vakasvika kuBritain neMuvhuro murwendo rwavo rwemazuva maviri, rwunosanganisira kusangana nemhuri yehumabo, mabiko uye hurukuro nemutungamiri wehurumende vave kusiya basa, Amai Theresa May.
Chikumi 04, 2019
Kushaya Simba kweMari yeMunyika Kwoderedza Huwandu hweMari yeAids Levy

Sangano reNational Aids Council rinoti kushaya simba kwemari yemunyika yeRTGS zvichienzaniswa nedhora rekuAmerica kwakaderedza zvakanyanya mari yarinowana kubva kumutero weAids levy.
Chikumi 02, 2019
Chiremba Vanorwira Kodzero dzeVanhu, Doctor Bonde, Vanoshaya

Sangano ravachiremba vanorwira kodzero dzevanhu reZADHR razivisa nezvekushaya kwaDoctor Rutendo Bonde.
Chikumi 02, 2019
Mamwe Masangano eVarairidzi Ozivisa nezveKuramwa Mabasa kweVarairidzi Kutanga Muvhuro

Mamwe masangano anomirira varairidzi anoti nhengo dzawo dziri kutanga kuramwa mabasa mangwana dzichida kuti hurumende itarisise mihoro yadzo, sezvo mari dzavari kutambira pari zvino dzisisarevi chinhu.
Chivabvu 31, 2019
ZCTU Inonyorera VaMnangagwa Tsamba Ichikurudzira Nhaurirano dzeTNF

VaMutasa vanoti musangano uyu, weTripartite Negotiating Forum, ndiyo chete nzira inogadzirisa matambudziko akatarisana nevashandi pamwe neveruzhinji, avo vavanoti vave kutadza kuenda kumabasa kana kutenga zvekudya nekuda kwekuoma kwezvinhu.
Chivabvu 30, 2019
Mutungamiri weNyika, VaEmmerson Mnangagwa, Voyambira Vanoita zveHuwori

Vachitaura pakuparurwa kwe Procurement Regulatory Authority of Zimbabwe muHarare, mutungamiri wenyika, VaEmmerson Mnangagwa, vavimbisawo kuti mazuva ezvikwata zvevanhu vari kuita huwori asvika kwamvura yacheka makumbo, vakati huwori hahusi kuzopiwa mukana.
Chivabvu 29, 2019
ZIMRA Yotora Zvinhu Zviri Kupinzwa Zvisina Kubhadharirwa Mutero

Vamwe vevanotenga zvinhu kuSouth Africa vachipinda nazvo munyika vanonzi vari kuchema zvichitevera kutorwa kwezvinhu zvavo izvi pamuganho weBeitbridge nevashandi veZimbabwe Revenue Authority, ZIMRA.
Chivabvu 28, 2019
Mutungamiri weTanzania, VaJohn Magufuli, Vanoshanyira Zimbabwe

Mutungamiri weTanzania, VaJohn Pombe Magufuli, vapinda munyika masikati murwendo rwavo rwemazuva maviri, rwuchive zvakare rwendo rwavo rwekutanga muZimbabwe.
Chivabvu 27, 2019
Mutumbi waVaDabengwa Unosvika muNyika

Mutumbi wegamba renyika uye vari mutungamiri webato rinopikisa reZapu, VaDumiso Dabengwa, wasvika munyika neMuvhuro, uye vari kutarisira kuradzikwa nemusi weMugovera kumusha kwavo kuNtabazinduna.
Chivabvu 24, 2019
ZESA Yoyambira Kuti Nguva Dzekudzimwa kweMagetsi Dzinogona Kungoshanduka

Sangano rinomirira vagari vemuHarare, Harare Residents Trust, rinoti vagari vari kushushikana zvikuru nekusateverwa kwenguva dzakaziviswa nekambani yemagetsi ye Zimbabwe Electricity Transmission and Distribution Company, sezvo magetsi ari kudzimwa kwenguva ndefu nguva zhinji.
Chivabvu 22, 2019
Vamwe Vari Kunze Vokurudzira Kubata Kugadzirisa Zviri Kunetsa Munyika

Zvime zvizvarwa zveZimbabwe zviri kunze kwenyika zviri kukurudzira hurumende kuti igadzirise nekukasika matambudziko akatarisana nenyika mune zveupfumi, zvichiti matambudziko aya ave kuzviita kuti zviwedzere kuremerwa nemutoro wekuchengeta hama neshamwari kumusha.
Chivabvu 21, 2019
Zvikoro Zvakaparadzwa neCyclone Idai Zvinovhurwa Zvose kuChimanimani

Vagari vekuChimanimani vanoti vari kufadzwa nekukwanisa kwakaita vana vavo kuvhurwa zvikoro mushure mekunge zvaparadzwa nemafashamu edutumupengu Cyclone Idai. Zvikoro zvave nemasvondo maviri zvavhurwa.

XS

SM

MD

LG