Vamwe Vari Kunze Vokurudzira Kubata Kugadzirisa Zviri Kunetsa Munyika

Zvime zvizvarwa zveZimbabwe zviri kunze kwenyika zviri kukurudzira hurumende kuti igadzirise nekukasika matambudziko akatarisana nenyika mune zveupfumi, zvichiti matambudziko aya ave kuzviita kuti zviwedzere kuremerwa nemutoro wekuchengeta hama neshamwari kumusha.

Mumwe wevana veZimbabwe vari kunze kwenyika vari kuti kusagadzikana kwezvinyu kumusha kwave kuvaomera, ndaAmai Chenaimwoyo Mutambasere, avo vari kuBritain.

Amai Mutambasere vanoti chave kuremedza vakawanda vari kunze inyaya yekuti havachatarisirwa kungobatsira hama neshamwari dzavo chete, asiwo kubatsira veruzhinji kuburikidza nekubatsira mukutsvagwa kwezvinhu zvakawanda zvinosanganisira mishonga yekushandisa muzvipatara zvinorapa veruzhinji.

Vanotiwo vana veZimbabwe vari kunze kwenyika vagara vaine bandiko guru kwazvo mune zveupfumi hwenyika kuburikidza nemari dzavanotumira.

Matambudziko ari kutarisana nenyika pari zvino anosanganisira kukwira kwemitengo yezvinhu, kushaikwa kwemafuta edzimotokari, pamwe nekushaikwa kwemari yekunze.

Amai Mutambasere vanoti chave kudiwa munyika iye zvino kuvandudzwa kwenyaya dzezvematongerwo enyika kuitira kuti vari kunze vave nechivimbo chekudyara mari dzavo munyika.

Vanoti chikuru chave kudiwa ndechekuti vana veZimbabwe vese vabatane vatsvage nzira dzekugadzirisa nadzo matambudziko aya kuitira kuti nyika ifambire mberi.

Embed share

Hurukuro naAmai Chenaimoyo Mutambasere

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:08 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player