Jonga Kandemiiri

Vanoongorora zveMatongerwo eNyika Vokurudzira Mapato eMDC Alliance neMDC-T Kutaurirana

Mapato maviri aya ari kurwisana kumatare edzimhosva kuti bato rimwe nerimwe ringe riri iro riri kutungamira MDC yakasiiwa namushakabvu VaMorgan Tsvangirai.

Zimbabwe Haisati Yavhura Mabhodha Ayo?

Vamiriri vehurumende kumuganho weBeitbridge neSouth Africa vanonzi nezuro vakazivisa kuti nyika haisi kuzovhura miganho yayo nhasi, zuva riri kuvhurwawo miganho yenyika yeSouth Africa, sezvanga zvakatarisirwa nevakawana.

Dare Rinopa Mutongo Unoti Vechidiki Vakatora Muzinda weMorgan Tsvangirai House neSvondo Vabviswe

Dare ramejasitiriti muHarare rakatura neChipiri mutongo wekuti bato reMDC-T iri kufanotungamirwa naMuzvare Thokozani Khupe ribvise vechidiki vanonzi ndivo vakabvuta muzinda weMorgan Richard Tsvangirai House uri muHarare neSvondo.

Vari Kunze kweNyika Voshanda neKambani yeNyaradzo Funeral Home

Chimwe chezvizvarwa zveZimbabwe zviri muchirongwa ichi, VaEsau Mavindidze, vanoti ivo nevamwe vavo vatanhatu vakabatana vakaumba kambani yeMKI, iyo yakazobatanawo neNyaradzo Funeral Home mukutengesa chirongwa ichi.

Varairidzi Vanotadza Kuenda Kubasa Muzuva Repiri Zvikoro Zvavhurwa

Varairidzi vari kuti vanoda kuti vapiwe mihoro yavo iri mumadhora ekuAmerica, uye kuti vawaniswe zvikwanisiro zvekuzvidzivirira kubva kuchirwere cheCovid-19.

Veruzhinji Voyambirwa Kusakanganwa Kuzvichengetedza Zvichitevera Kuderera kweVari Kubatwa neCovid-19

Bazi rezvehutano rakazivisa neSvondo kuti vanhu vabatwa nechirwere cheCovid-19 munyika vakanga vasvika pazviuru zvinomwe nemazana masere ane gumi nevaviri kana kuti 7 812, zvichitevera kuwanikwa kwevamwe vapfumbamwe vaine chirwere ichi.

ZINATHA Yokurudzira Veruzhinji kuMhan'garira N'anga Dzinoti Dzinorapa Dzichishandisa Nhengo dzeMunhu

Munyori wedzidzo musangano revarapi vechivanhu reZimbabwe National Traditional Healers Association, ZINATHA, Sekuru Prince Mutandi Sibanda, vanoti sangano ravo hari bvumidze nhengo dzaro kushandisa ropa remunhu.

Mamwe Masangano Anomirira Vashandi veHurumende Anoumba Sangano Guru reZimbabwe Confederation of Public Sector Trade Unions

Sangano rrinomirira vamwe vashandi vehurumende, reApex Council, nemusi weChina rakashanduka kuve sangano rinomirira vashandi vehurumende vose kusanganisira nevashandi vemakambani ari pasi pehurumende kana kuti parastarals, richishanda seZimbabwe Confederation of Public Sector Trade Unions (ZCPSTU).

VaMnangagwa Vanoudza Musangano weUNGA Kuti Zvirango Zviri Kurwadza Zimbabwe

Mutungamiri wenyika, VaEmmerson Mnangagwa, nemusi weChina vakashandisa mukana wemusangano weUnited Nations General Assembly (UNGA) wegore rino kukurudzira kuti zvirango zvavanoti zvakatemerwa Zimbabwe nenyika dzekumawirira zvibviswe.

Nyanzvi yeHutano Yoyambira Kusimbiswa kweMitemo Inodzivirira Kupararira kweCovid-19 Kana Miganhu neSouth Africa Yavhurwa

Imwe nyanzvi mune zvehutano inoti kuderera kwehuwandu hwevanhu vari kuwanikwa vaine chirwere cheCovid-19 munyika pamwe nevari kufa nacho chinhu chakanaka chose, asi izvi hazvifanirwe kuita kuti vanhu vavarairwe vokanganwa kuzvichengetedza.

Mushandira Pamwe weMokeng neAmerica

Chizvarwa cheZimbabwe Chowana Raramo neKurima kuSouth Africa

VaLeonie Kuchakanya, avo vane makore makumi matatu ekuberekwa, vanoti vakafunga kutamba nevhu mushure mekunge vaona kuti zviroto zvemafuro manyoro vari muSouth Africa zvakanga zvisiri kubereka michero.

Hurumende Yokurudzirwa Kuvheneka Covid-19 Vanhu Vakawanda

Veruzhinji vanonzi havafanirwe kuvarairwa nekuderera kwehuwandu hwevanhu vari kuwanikwa vaine chirwere kana kuti vari kufa neCovid-19 nekuti zvinogona kunge zviri kukonzerwa nehuwandu hwevanhu vari kuvhenekwa pazuva, kanawo kuti nzvimbo dziri kuvhenekwa vanhu.

Nyanzvi dzeHutano Dzofara neKusashaya kweVanhu neCovid-19 muMazuva Manomwe Adarika

Bazi rezvehutano rakazivisa nemusi weChina kuti huwandu hwevanhu vafa nechirwere che Covid-19 hwaramba huri pamazana maviri nemakumi maviri nevana kana kuti 224, sezvo pasina munhu akafa nedenda iri.

Dare Rinomisa Bazi reU.S. Postal Service Kuita Shanduko Dzinokanganisa Mafambiro eMatsamba

Vachitura mutongo wavo, Judge Bastian vakati matunhu aya aratidza pachena kuti vari kupomerwa mhosva vane chekuita chine zvematongerwo enyika mukuda kukanganisa kufambiswa kwematsamba kwakanaka, zvinogona kukanganisa kufambiswa kwetsamba dzekuvhota musarudzo dza 2020 mumatunhu aya.

ZIMSTAT Inoti Mari Inodiwa neMhuri yeVanhu Vashanu Yakakwira munaNyamavhuvu Zvichienzaniswa naChikunguru

Muna Chikunguru mhuri iyi yaida madhora emunyika zviuru gumi nezvishanu nemazana mashanu ane makumi manomwe nematatu, kana kuti ZWL$15 573, zvichireva kuti yakakwira nemadhora chiuru nemazana matanhatu nemakumi manomwe nerimwe.

VaMnangagwa Vanoti Hupfumi hweNyika Huri kuGadzikana Kunyange Nyika Iri muZvirango Pamwe neCovid-19

Mutungamiri wenyika VaEmmerson Mnangagwa neChitatu vakaudza nyika kuti hupfumi hwenyika huri kugadzikana kuburikidza nekupindira kwehurumende yavo, kunyange hazvo nyika iri pasi pezvirango, kusina kunaya zvakanaka uye kuine chirwere che Covid-19.

Vanhu Makumi Maviri neVaviri Vanowanikwa Vaine Chirwere cneCovid-19 muNyika

Bazi rezvehutano rakazivisa neChitatu kuti huwandu hwevanhu vabatwa nechirwere cheCovid-19 munyika hwakakwira kusvika pazviuru zvinomwe nemazana mashanu ane makumi mapfumbabwe nemasere, kana kuti 7 598 mushure mekunge vanhu makumi maviri nevaviri kana kuti 22, vawanikwa vaine chirwere ichi.

Danho reSouth Africa reKunyevenutsa Mutemo weKudzivirira Kupararira kweCovid-19 Rotambirwa neMufaro

Mutungamiri wesangano reInternational Cross Border Traders Association, VaDenis Juru vanoti vana veZimbabwe vari muSouth Africa vakatambira nemufaro mukuru danho rekunyevenutsa lockdown iri, sezvo vanga vasingawanewo mari yekubatsirika yanga ichipiwa zvizvarwa zveSouth Africa.

Huwandu hweVanhu Vabatwa neCovid-19 Hunokwira Mushure meKubatwa kweVamwe Makumi Mana neVashanu

Bazi rezvehutano rakazivisa neChipiri kuti huwandu hwevanhu vabatwa nechirwere cheCovid-19 munyika hwakakwira kusvika pazviuru zvinomwe nemazana mashanu ane makumi manomwe nematanhatu, kana kuti 7 576 mushure mekunge vanhu makumi mana nevashanu kana kuti 45, vawanikwa vaine chirwere ichi.