Breaking News

Jonga Kandemiiri

Produced by Jonga Kandemiiri

Gunyana 16, 2020
Engineer Mudzuri veBato reMDC-T Vanozivisa Kuti Vakabatwa neChirwere cheCovid-19

Mutewedzeri wemutungamiri weMDC-T iri kufanotungamirwa naMuzvare Thozane Khupe, Engineer Elias Mudzuri, vakazivisa neChipiri kuti vakabatwa vaine chirwere cheCovid-19.
Gunyana 15, 2020
Hurumende Inobvumidza Kufamba kweMabhazi muMaguta neMadhorobha.

Hurumende neChipiri yakazivisa kuti yabvisa mutemo unorambidza kufamba kwevanhu pakati pemaguta nemadhorobha, uyo wakanga wadzikwa muna Kurume pakaparurwa chirongwa che national lockdown senzira yekudzivirira kupararira kwechirwere cheCovid-19.
Gunyana 15, 2020
Israel Inonyorerana Zvibvumirano zveKudyidzana neBahrain Pamwe neUnited Arab Emirates muWashington D.C.

Chiitiko ichi chakaitirwa kumuzinda weWhite House muWashington D.C., VaTrump vachipembedza danho iri vachiti kunyoreranwa kwechibvumirano cheAbraham Accords uku kuchashandura mafambiro enhoroondo mudunhu reMiddle East.
Gunyana 14, 2020
Hurumende Inowedzera Nguva dzeKunge Mabhizimusi neZvitoro Zvakavhurwa

Senzira yekuvhura bandiko rezvehupfumi, iro ranga rakadzipwa nemitemo inodzivirira kuraraira kwechirwere cheCovid-19, hurumende yakazivisa neMuvhuro kuti yawedzera nguva dzekuvhurwa kwezvitoro, mahorosero pamwe nemamwe mabhizimusi akaita semabhanga kutanga neChipiri.
Gunyana 14, 2020
Mhuri yeZimbabwe iri muAmerica neDzimwe Nyika Inochema Kushaya kwaSekuru Crispen Masuka

Sekuru Crispen Msuka vaizivikanwa nekubatsira vamwe, vangave vehukama, vavakidzani kana vavainamata navo, kunyange vanhu vavaisaziva.
Gunyana 14, 2020
Dunhu reOregon Nderimwe reMatunhu Aparadzwa neMoto kuMawirira eAmerica

Mamwe matunhu ari kumawirira kweAmerica anoti Washington State neCalifornia ari mudambudziko remoto wesango uyu, uko vanhu vane chitsama vaurayiwawo vakawanda vachitizawo misha yavo.
Gunyana 14, 2020
Bato reSACP rekuSouth Africa Rinoti muZimbabwe Mune Dambudziko, Kunyange Hazvo Zanu PF iri Kuramba

Hurumende pamwe nebato reZanu PF vagara vari kuramba kuti munyika hamuna matambudziko, kunyange hazvo vanopikisa pamwe nemamwe masangano akazvimirira vari kuti munyika mune matambudziko.
Gunyana 14, 2020
Huwandu hweVanhu Vari Kuvhenekwa Covid-19 muNyika Hunonzi neDzimwe Nyanzvi Hushoma

Bazi rezvehutano rakazivisa neSvondo kuti huwandu hwevanhu vabatwa nechirwere checovid-19 munyika hwakakwira kusvika pazviuru zvinomwe nemazana mashanu ane makumi maviri vatanhatu.
Gunyana 11, 2020
Nyanzvi yeHutano hwePfungwa, Doctor Guri, Vanoti Zvinopa Kugadzikana kuMhuri Kana Hama Yakanoradzikwa Kumusha

Imwe nyanzvi yemagariro pamwe nehutano hwepfungwa, inoti zviri muvanhu vakawanda vanobuda kunze kwenyika kuti kana vakazoshaya vanoda kunovigwa kumusha kwavakabva.
Gunyana 11, 2020
Vanamukoti Vanoramba Mari Yanga Yauya neHurumende Vachiti Ishoma, Vanovimbisa Kuramba Vari paMabasa

Izvi zvinouya panguva iyo bazi rezvehutano rakazivisa nemusi weChina kuti huwandu hwevanhu vakanga vabatwa nechirwere cheCovid-19 hwakanga kwasvika pazviuru zvinomwe nemazana mana nemakumi mashanu ane vatatu, kana kuti 7 453.
Gunyana 10, 2020
Bhuku reNhoroondo yeAfrica Rinoparurwa muZimbabwe naVaMnangagwa

Mutungamiri wenyika, VaEmmerson Mnangagwa, vakaparura bhuku renhoroondo yeAfrica
Gunyana 09, 2020
Murimi Amai Doka-Spandla Vogutsa Zvizvarwa zveAfrica Zviri muAmerica neZvirimwa zveKumusha

Amai Doka-Spandla, avo vanorima zvirimwa zvinozivikanwa nevakawanda vekumusha, vanoti gore rino vakarima chibage chichena, icho vakatotanga kutengesa chiri chinyoro.
Gunyana 08, 2020
Hurumende Yokurudzirwa Kuvheneka Vanhu Vakawanda Pazuva Zvichitevera Kukwira kweHuwandu hweVari Kuwanikwa Vaine Covid-19

Bazi rezvehutano rinoti vanhu zana nemakumi masere nevaviri kana kuti 182 vakawanikwa vaine chirwere cheCovid-19 pavanhu mazana mana negumi nevatanhatu, kana kuti 416 vakavhenekwa neMuvhuro munyika yose pachishandiswa nzira yekuvheneka nemichina yePCR.
Gunyana 07, 2020
Mamwe Mapato ezveMatongerwo eNyika Otarisira Kushanya kweChikwata cheANC muNyika

Chikwata chenhengo dzebato riri kutonga kuSouth Africa, reANC, chave kutarisirwa kupinda munyika mangwana kuti chinzwisise nezvematambudziko anonzi nevamwe akatarisana nenyika, asi hurumende pamwe nebato reZanu PF vachiti munyika hamuna matambudziko.
Gunyana 04, 2020
Mutungamiri weNyika, VaEmmerson Mnangagwa, Vanodzokorora Kuti Munyika Hamuna Matambudziko

Vachitaura pamusangano wevakakwikwidza musarudzo yemutungamiri wenyika wePolitical Actors Dialogue, kana kuti POLAD wechina waitirwa kumuzinda wavo weState House, VaMnangagwa vatiwo hurongwa hwekugoverwa kwevhu kuvatema hahufi hwakashandurwa vatema vachizotorerwa zvakare minda yavo.
Gunyana 04, 2020
Hurumende Yokurudzirwa Kuwedzera Huwandu hweVanhu Vari kuVhenekwa Covid-19 Pazuva

Bazi rezvehutano rakazivisa neChina kuti huwandu hwevanhu vabatwa nechirwere cheCovid-19 hwakanga kwasvika pazviuru zvitanhatu nemazana matanhatu nemakumi manomwe nevasere, kana kuti 6 678, asi huwandu hwevafa hwakaramba huri pamazana maviri nevatanhatu kana kuti 206 sezvo pasina akafa.
Gunyana 03, 2020
Vakawanda Votarisira Kuti Chikwata cheANC Chichabatsira Kugadzirisa Matambudziko Ari muZimbabwe

Mutungamiri weSouth Africa, VaCyril Ramaphosa, neMuvhuro vakazivisa kuti vachaita kuti bato ravo ritumire chikwata nekukasika kuZimbabwe kuti chinzwisise nezvematambudziko akatarisa nenyika.
Gunyana 02, 2020
Zvimwe Zvikoro zvemuAmerica Zvinovhurwa Zvidzidzo Zvichiitwa paMadandemutande

Mwedzi wapera waNyamavhuvhu, zvikoro zvakavhurwa zvakare kutanga kotoro yekutanga yegore idzva rezvidzidzo, zvikoro zvizhinji zvichiita zvakare zvidzidzo zvepamadandemutande, kunyange hazvo mune mamwe matunhu vana nevadzidzisi vakanzi vadzokere kuchikoro.
Gunyana 01, 2020
Nyanzvi Yokurudzira Kusimbiswa kweDziviriro Munzvimbo Dzabatwa Zvakanyanya neCovid-19

Vanhu vabatwa nechirwere ichi munyika yose vakasvika neChipiri chakare pazviuru zvitanhatu nemazana mana nemakumi mapfumbamwe nevanomwe, kana kuti 6,497.
Nyamavhuvhu 31, 2020
Magweta eMutori weNhau, Chin'ono, Anozivisa Kuti Haasi Kunzwa Zvakanaka Ari muHusungwa

Rimwe remagweta aChin’ono, VaDouglas Coltart veZimbabwe Lawyers for Human Rights, vatenda kuStudio 7 kuti mutori wenhau uyu haasi kunzwa zvakanaka izvo zvaita kuti vashevedze chiremba wake kuti amuone nekukasika.

XS

SM

MD

LG