Breaking News

Jonga Kandemiiri

Produced by Jonga Kandemiiri

Chikumi 22, 2020
Nhengo dzeARTUZ Dzinoratidzira kuMasvingo, Imwechete Ichisungwa

Hurumende yakawedzera vashandi vayo mari dzemihoro svondo rapera asi iri kurambwa nemasangano ose anomirira vashandi vachiti havana kutanga vagarwa navo pasi.
Chikumi 21, 2020
ZINATHA Yotarisira Kupiwawo Mukana weKurapa Varwere veCovid-19

Munyori anoona nezvedzidzo muZINATHA, Sekuru Prince Mutandi Sibanda, vanoti nhengo dzavo dzinogona kunge dziine mishonga inogona kurapa Covid-19, sezvo dzagara dzichirapa zvirwere zvakasiyanasiyana kubva kare, zvekuti vanofunga kuti vanokwanisa kubatsirawo nekurapa varwere.
Chikumi 19, 2020
Vashandi wezveHutano muHurumende Vanoenderera Mberi neKuramwa Mabasa

Kuramwa mabasa uku kunouya munguva iyo hurumende yakawedzera vashandi vayo vose mihoro nezvikamu makumi mashanu kubva muzana, uye kuvapa madhora ekuAmerica makumi manomwe nemashanu semari yekubatsirika munguva ino yeCovid-19.
Chikumi 19, 2020
Nyanzvi Dzofarira Kugeza Kwakaita Hurumende Maoko Ayo Pakutara Mitengo yeMari yeKunze

Gwaro rakaburitswa neRBZ neChitatu rinoti kutanga musi wa 23 Chikumi, panenge poitwa musika wekutengesa mari yekunze svondo roga roga izvo zvichange zvichizotara mutengo wemari yekunze iyi.
Chikumi 18, 2020
Vashandi veHutano muHurumende Vanoramwa Mabasa

Kuramwa mabasa kwevashandi vezvehutano uku kunouya panguva iyo nyika yakatarisana nedambudziko rechirwere cheCovid-19, icho chiri kuramba chichibata vanhu vakawanda munyika.
Chikumi 17, 2020
Vari Kunze kweNyika Vakadzokera kuMabasa Vokurudzira Hutsanana kuMabasa Kudzivirira Covid-19

Vana veZimbabwe vari munyika dzakasiyanasiyana vakadzokerawo kumabasa kwavo vachiedzawo chose kuti vatevere mitemo yehutano hwakanaka mumabasa mavanoshanda, inosanganisira kupfeka nhumbi dzinodzivirira kutapuriranwa kwechirwere, kugeza maoko nesipo uye kusiya mikaha pakati pavo.
Chikumi 16, 2020
Huwandu hweVanhu Vari Kubva kuSouth Africa Vane Covid-19 Hwotyisa Nyanzvi dzeHutano

Vanhu vanosvika mazana matanhatu nemakumi mashanu nevatanhatu vakavhenekwa neMuvhuro kuti vane chirwere che covid-19 here kana kuti kwete. Vapona kubva kuchirwere ichi vasvika pamakumi mashanu nevana uye vashaya vachiri vana.
Chikumi 15, 2020
Vanofamba neMichovha Vanotadziswa Kupinda Muguta reHarare neMapurisa

Vanhu vakawanda vanofamba nedzimotokari pamwe nemichovha vanonzi nhasi mangwanani vakundikana kupinda nekubuda muguta reHarare mushure mekurambidzwa nemapurisa pamwe nemauto, avo vanonzi vanga vakarinda migwagwa mikuru yose inopinda muguta.
Chikumi 15, 2020
Sangano reFrontline ZW Rotungamira Mberi Mukubatsira Vari Kuzvipira Kurwisana neCovid-19

Svondo rino muchirongwa chedu ‘Hupenyu Hwedu’, tiri kutarisa nezvemabasa akanaka ari kuitwa nesangano reFrontline Zimbabwe, iro riri kubatsira vari pamberi mukurwisana pamwe nekudzvirira kupararira kwechirwere cheCovid-19 kuguta reHarare.
Chikumi 12, 2020
Sangano reAfrican Diaspora Forum Rokurudzira Kuvhenekwa kweVanhu Vakawanda Munyika

Huwandu hwevanhu vabatwa nechirwere cheCovid-19 hwakakwira neChishanu manheru kusvika pamazana matatu nemakumi mana nevatatu zvichitevera kuwanikwa kwevanhu gumi nemumwe chete vaine chirwere ichi nemusi weChishanu.
Chikumi 11, 2020
Vamwe Voti Hurumende Ine Zvainoziva paMashoko eKuda Kupidigurwa neMauto

Vamwe vanoti izvi hazvisi zvinhu zvitsva kuitika muhurumende yeZanu PF zvekutaura nezvekuda kupidigurwa kwehurumende nechisimba, vachiti kunyange munguva yaVaMugabe vanhu vakawanda vaisungwa vachipomerwa mhosva yekuda kuvabvisa nechisimba.
Chikumi 11, 2020
Vanhu Mazana Matatu neMakumi Maviri Vanobatwa neCovid-19 muZimbabwe

Bazi rezvehutano rakazivisa neChitatu Manheru kuti vanhu vabatwa nechirwere cheCovid-19 munyika vakanga vasvika pamazana matatu nemakumi maviri, vapona kuchirwere ichi vave makumi mana nevapfumbamwe, uye vafa vachiri pavana.
Chikumi 10, 2020
Zvimwe Zvizvarwa zveZimbabwe Zviri Kunze Zvinoti Zvinotya Kushungurudzwa Munyaya dzeRusaruraganda

Kushaya kwaVaGeorge Floyd nemusi wa 25 Chivabvu vari mumaoko emapurisa muguta reMinneapolis, mudunhu reMinnesota kwakasimudza kuratidzira kwakasimba pasi rose vanhu vachinyunyuta pamusoro perusaruraganda rwunonzi rwuri munyika yeAmerica pamwe nedzimwe dzakawanda pasi rose.
Chikumi 10, 2020
Zvikoro Zvovhurwa Musi wa 28 Chikunguru

Hurumende yakazivisa neChipiri manheru kuti dare remakurukota rakanga rawirirana kuti zvikoro zvivhurwe musi wa 28 Chikunguru, unove mwedzi unouya.
Chikumi 09, 2020
Sangano reHarare Residents Trust Ronyunyuta Pamusoro peKukwidzwa kweMitero neKanzuru

Mukuru wesangano iri, VaPrecious Shumba, vanoti sangano ravo riri kukurudzira kuti kanzuru ikoshese pfungwa dzevagari isati yatora matanho akafanana neiwaya ekukwidza mitero.
Chikumi 08, 2020
Masangano eMagweta Anoshoropodza Kusungwa kweMagweta

Gweta riri kumirira vaviri ava, Vapaidamoyo Saurombe veZimbabwe lawyers for Human Rights, vanoti VaMakanza naVaChirambwe vapiwa mukana wekubvisa mari yechibatiso inoita zviuru makumi maviri zvemadhora emunyika, kuzviratidza mukapurisa kamwe pasvondo, uye kusarenda magwaro avo ekufambisa kudare.
Chikumi 06, 2020
Hupenyu Hwedu-VaNick Mangwana Voshoropodzwa neKutuka Kwavanonzi Vakaita Mufundisi Doctor Shingi Munyeza

Doctor Munyeza vakatsamwisa vamwe muhurumende nemuZanu PF mushure mekunge vashoropodza hutongo hwehurumende yaVaEmmerson Mnangagwa.
Chikumi 05, 2020
Kukwira kweMitengo yeMafuta eDzimotokari Kwotyirwa Kuti Kuchakwidzawo Mitengo yeZvakawanda

Peturu yakwira kubva pamadhora makumi maviri nerimwe nemasendi makumi manomwe nemanomwe ($21.77) kuenda pamadhora makumi maviri nemasere nemasendi makumi mapfumbamwe nematanhatu parita ($28.96).
Chikumi 04, 2020
Hurumende Yokurudzirwa Kuvheneka Vari Kubva Kunze Pavanongosvika Munyika

Vanhu ava, gumi nemumwe vari mudunhu reMatabeleland South, vaviri kuMasvingo, vamwe vaviri mudunhu reMidlands nemumwechete muHarare, vanonzi vose vakabva kuSouth Africa, uye vari munzvimbo dzinochengeterwa vanenge vabva kunze kwenyika, kana kuti quarantine centers.
Chikumi 03, 2020
Kuwanda kweVari Kubva Kunze Vari Kubatwa neCovid-19 Kwotyisa Nyanzvi dzeHutano

Kuwanikwa kwevari kubva kunze vari ivo vakawanda vane chirwere cheCovid-19 kwave kuita kuti dzimwe nyanzvi mune zvehutano dzityire kuti munzvimbo dziri kuchengetwa vanhu vanobva kunze umu munogona kuzopedzisira mave imo muri kutapuriranwa chirwere.

XS

SM

MD

LG