Breaking News

Jonga Kandemiiri

Produced by Jonga Kandemiiri

Chikumi 02, 2020
Hurumende Yokurudzirwa Kuisa Zvikwanisiro Zvekudzivirira Covid-19 Zvikoro Zvisati Zvavhurwa

Hurumende yakazivisa kuti bvunzo idzi dzinofanirwa kutanga kunyorwa musi wa 22 mwedzi uno kusvika musi wa 19 mwedzi unouya, asi PTUZ inoti hapana zvati zvaitwa nehurumende muzvikoro zvinoratidza kuti iri kudzivirira varairidzi pamwe nevana vechikoro kubva kuchirwere cheCovid-19.
Chikumi 01, 2020
Vanachiremba veKodzero Voendesa Hurumende kuMatare Pamusoro peNzvimbo Dziri Kuchengeterwa Vanhu Munguva yeCoronavirus

Doctor Nyamande vanoti hurumende inofanirwa kuwanisa vanhu ava zvikwanisiro zvakakwana, sezvo vanhu ava vari kunzi havana mvura yakakwana uye vari kugara vakamanikidzana, vasiri kupana mukaha sezvinokurudzirwa kuti vanhu vasatapurirana chirwere ichi.
Chivabvu 29, 2020
Huwandu hweVanhu Vabatwa neCovid-19 Hunoramba Huchikwira Munyika

Bazi rezvehutano rakazivisa neChina manheru kuti huwandu hwevanhu vane chirwere cheCovid-19 munyika yose hwange hwave pazana nemakumi mana nevapfumbamwe (149).
Chivabvu 28, 2020
Sangano reZimbabwe United For Progress Rinobatsira Vasingaoni Vari muSouth Africa

Mhuri idzi dzaimborarama nekupemha mumigwagwa yeguta reJohannesburg asi nekuda kwemutemo unorambidza kufambafamba kwevanhu munguva ino yeCovid-19 munyika, mhuri idzi dzakasara dzisisana chekubata.
Chivabvu 28, 2020
Kutongwa kweNhengo Nhatu dzeMDC Dziri muChipatara Kwokonzera Mutauro

Madzimai matatu aya ari kupomerwa mhosva yekutyora mutemo unorambidza vanhu kufamba-famba munguva ino yeCovid-19, mushure mekunge vapinda mukuratidzirwa kwakaitwa nenhengo dzevechidiki dzebato ravo kuWarren Park masvondo maviri adarika.
Chivabvu 28, 2020
Sangano Idzva Robatsira Vanoshaya muSouth Africa

Sangano idzva rakaumbwa nezvizvarwa zveZimbabwe zviri muSouth Africa kuti ribatsire vana veZimbabwe vanoshaya vangadai vari kutambura munyika iyi nezuro rakapa zvekudya kumhuri dzevasingaone dzinodarika makumi mashanu.
Chivabvu 27, 2020
Matunhu Akawanda Munyika Dzinosanganisira America Ovhura Zvishoma Zvishoma

Matunhu akawanda muAmerica ave kubvumidza vanhu kuenda kumabasa uye kuungana, asi achikurudzira kuti vanhu vasiye nzvimbo pakati pavo pavanenge vakaungana.
Chivabvu 26, 2020
High Court Inorasa Chikumbiro cheEcoCash Chekuti Vanhu Varambe Vachichinja Mari paMafoni

Richipa mutongo waro, dare repamusoro iri rati haringarambidze kushanda kwemutemo, richiti kutonga richitsigira EcoCash kunotadzisa R-B-Z kuita mabasa ayo sezvinobvumidzwa nemutemo.
Chivabvu 25, 2020
Vana vemuAmerica Vanorangarira Zuva reMauto Akafa Achidzivirira Nyika Yavo, reMemorial Day

Mutungamiri weAmerica VaDonald Trump nemudzimai wavo Amai Melania Trump, mangwanani vashanyira marinda eArlington Cemetary vakanoisa maruwa paguva regamba risingazivikanwe kumarinda anovigwa magamba.
Chivabvu 24, 2020
Sangano rePlatform for Youth Development Robatsira Mhuri Dziri Kuda Kubviswa kuChipinge

Sangano rinorwira kodzero dzevechidiki pamwe nebudiriro yematunhu, rePlatform for Youth and Community Development, riri mushishi kubatsira vagari vemudunhu reChipinge rose vanonzi vakatarisana nekubviswa munzvimbo dzavagere.
Chivabvu 22, 2020
Masangano eVarairidzi Opokana neHurongwa Hwekuti Vana Vaenderere Mberi neKunyora Bvunzo dzeMuna Chikumi

Izvi zvinotevera chiziviso chakasvitswa kuparamende nemusi weChina chekuti dare remakurukota rakanga rawirirana kuti bvunzo idzi dzienderere mberi, uye kuti hurumende yakanga yatotara mazuva ekunyorwa kwebvunzo idzi kubva musi wa 29 Chikumi kusvika musi wa 22 Chikunguru.
Chivabvu 21, 2020
Vanorwira Kodzero dzeVanhu Voti Mutemo weLockdown Unoomesera Varombo Zvakanyanya

Huwandu hwevanhu vabatwa nechirwere cheCovid-19 hunosvika pamakumi mana nevsere zvichitevera kubatwa kwevaviri vaine chirwere ichi ichi nemusi weChitatu
Chivabvu 20, 2020
Pasi Rose Romirira Kuwanikwa kweMushonga Unodzivirira Covid-19

Asi dzimwe nyanzvi mune zvehutano hadzioni dambudziko rechirwere ichi richikasika kupera nekuti hadzioni pachiwanikwa nekukasika mushonga wenhomba kana kuti vaccine, unokwanisa kudzivirira kutapuriranwa pamwe nekupararira kwechirwere ichi.
Chivabvu 20, 2020
Hurumende Inodaidzira Musangano weChimbichimbi neVarairidzi

Hurumende inonzi yakoka masangano ose anomirira varairidzi kumusangano wechimbichimbi, uyo unonzi uchapindwawo negurukota rezvedzidzo yepasi, VaCain Mathema.
Chivabvu 19, 2020
Kurambidzwa Kushanda kweMakombi Kwokonzera Dambudziko reChekufambisa Kune Veruzhinji

Vanhu vakawanda vanonzi vari kutambura kushaya chekufambisa, zvikuru munguva dzemanheru, izvo zviri kuita kuti vatsikirirane kana vopinda mumabhazi mashoma anenge awanikwa.
Chivabvu 18, 2020
Vanhu Vabatwa neCOVID-19 muNyika Vanosvika paMakumi Mana neVatanhatu

Huwandu hwevanhu vapona kubva kuchirwere ichi hwakwirawo kusvika pagumi nevasere, uye vashaya vachiri vana.
Chivabvu 14, 2020
Citizen Initiative Yoenderera Mberi Ichibatsira Zvipatara Zviri Kurwisa Covid-19

Zvikwanisiro izvi, izvo zvinokosha madhora zviuru zvitatu zvemari yekuAmerica, zvinosanganisira magorovhosi, nhumbi dzekupfeka, ma mask ekuvhara miromo nemhino pamwe nemishonga inouraya hutachiwana kana kuti sanitizers.
Chivabvu 13, 2020
Chimwe Chizvarwa cheZimbabwe Chiri kuBritain Chinopona Kubva kuCovid-19

VaPeckson Kazingizi, avo vanofunga kuti vakawana chirwere ichi mukuita basa ravo, vanoti vakazomhanyiswa kuchipatara asi hazvina kunyanya kuvabatsira, izvo zvakazoita kuti mudzimai wavo, uyo anove mukoti pachipatara ichi, akumbire kuvapepa vari kumba.
Chivabvu 12, 2020
Huwandu hweVanhu Vabatwa neCovid-19 Munyika Hunokwira Kusvika paMakumi Matatu neVanomwe

Mashoko akaburitswa neMuvhuro nebazi rezvehutano nekurerwa zvakanaka kwevana anoti vanhu vaponawo kubva kuchirwere ichi vave gumi nevaviri, uye vashaya vachiri vanhu vana.
Chivabvu 11, 2020
Chikwata cheNyanzvi dzeChirwere cheCOVID-19 chekuChina Chinopinda muNyika

Muzinda weChina muZimbabwe wazivisawo kuburikidza neTwitter kuti chikwata chapinda munyika ichi chiri kuuya nerubatsiro rwemishonga yakawanda chose, uye rubatsiro urwu harwusi rubatsiro chete, asi kuti hushamwari.

XS

SM

MD

LG