Breaking News

Jonga Kandemiiri

Produced by Jonga Kandemiiri

Chivabvu 08, 2020
Hondo Pakati paVaChamisa naMuzvare Khupe Yekuti Nderipi Bato Riri paMutemo Yopinzawo Zanu PF Mukati

Asi veZanu PF vanoti bato reMDC yaVaChamisa rinofanirwa kudzidzira kutevedzera bumbiro remitemo yaro pamwe neyenyika, rotambira zvakabuda mudare repamusorosoro iri, ropa matomu kuna Muzvare Khupe zvinhu zvoenda mberi, kwete kupumha vamwe huroyi.
Chivabvu 07, 2020
Makakatanwa Pakati paVaChamisa naMuzvare Khupe Okonzera Mutauro Munyika

Vakuru vakati pafa munhu hapashaike muroyi. Izvi ndizvo zvave kuitika mubato guru rinopikisa munyika, reMDC rinotungamirwa naVaNelson Chamisa, zvichitevera kudzingwa muparamende kwenhengo ina dzebato iri dzichinzi hadzichatevera zvido zvebato re MDC-T inotungamirirwa naMuzvare Thokozane Khupe.
Chivabvu 06, 2020
Zvizvarwa zveHwirisha Zvotsvaga Rubatsiro rweKirinika yeGandami Kuti Ikwanise Kurwisana neCoronavirus

umwe wevari kutungamira hurongwa uhu, uhwo hwavari kuti “Ziva kwawakabva”, VaDewa Mavhinga, vanove zvakare gweta rinorwira kodzero dzevanhu, vanoti vari kufara zvikuru kuti vana veHwirisha vanodarika zana vaungana pamwechete vachibatsira kiriniki yeGandami
Chivabvu 05, 2020
Vanorarama neKutengesera Mumigwagwa Vochema Kuti Hurumende Haina Kuvabvumidzawo Kutanga Kushanda

Vanotengesa zvinhu mumigwagwa vari kuchema-chema zvikuru vachiti hurumende inofanirwa kuvabvumidzawo kuti vadzokere pamabasa avo sezvo vachirarama nekutengesa zvinhu mumigwagwa uye vanhu ava vakawanda kudarika vanhu vanoenda kumabasa.
Chivabvu 04, 2020
Makambani Okurudzirwa Kuona Kuti Aita Kuti Vashandi Vaongororwe Kana Vaine Coronavirus Asati Avhura

Hurumende inonzi iri kukurudzira makambani anoda kuvhura zvakare kutanga neMuvhuro kuti ange chitenga oga zvikwanisiro zvose zvinodiwa mukuongororwa kwevashandi vawo kuti vane hutachiwana here kana kuti kwete hwe coronavirus vasati vatanga basa.
Chivabvu 01, 2020
Vashandi veChitungwiza Voenderera Mberi Vachiramwa Mabasa, Asi Kanzuru Ichiti Vari Kushanda

Vanamukoti mumakiriniki ekanzuru ose vanonzi vari kungogara zvavo pabasa vasingashande vachizongobatsira chete vanenge vaine pamuviri panoda rubatsiro rwechimbi-chimbi.
Kubvumbi 30, 2020
Gweta Rinorwira Kodzero Dzevashandi kuBritain, VaMavaza, Votyira Hutano hweVashandi Vari Kurapa Coronavirus

Izvi zvinonzi zvakaziviswa svondo rino negurukota rezvehutano, VaMatt Hancock, avo vakati hurumende yavo ine chikwereti chikuru kuvanhu ava nekuzvipira kwavo kushanda munguva yakaoma kudai.
Kubvumbi 29, 2020
Doctor Natsai Zhou-Chidavaenzi Vokurudzira Vashandi vezveHutano Kupfeka Mbatya Dzinodzivirira Coronavirus

Doctor Natsai Zhou-Chidavaenzi, vanoshanda vari mudunhu reArizona muno muAmerica, vanoti sezvo chirwere ichi chakanyuka vanhu vasina kugadzirira, dzihurumende pamwe nemakambani anogadzira mishonga vachiri mushishi kutodzidzawo zvakawanda kubva machiri.
Kubvumbi 28, 2020
PTUZ, Zimta, Dzokurudzira Kuti Varairidzi neVadzidzi Vadzivirirwe Kubva kuCoronavirus

Masangano evarairidzi, anoti reProgressive Teachers Union of Zimbabwe, neZimbabwe Teachers Association, ari kukurudzira hurumende kuti ione kuti panovhurwa zvikoro varairidzi nevadzidzi vanenge vakadzivirirwa kuti vasabatwe nechirwere che coronavirus.
Kubvumbi 27, 2020
Vechidiki veZanu PF Vogadzira Sanitizer nemaMask Senzira yeKubatsira Hurumende Kurwisana neCoronavirus

VaMugwadi vanoti vechidiki vebato ravo ava vakasimudzirwa zvikuru nezviri kuitwa nebato rinopikisa muSouth Africa, reEFF, iro riri kuitawo zvimwechetezvo.
Kubvumbi 24, 2020
Sangano raVanachiremba Vanorwira Kodzero dzeVanhu Roshushikana neHuwand hweVanhu Vaongororwa Coronavirus

Hurumende inoti huwandu hwevanhu vabatwa nechirwere cheCovid-19 munyika huchiri hwakamira pamakumi maviri nesere, vana vakafa, uye vaviri vakapona kubva kuchirwere ichi.
Kubvumbi 23, 2020
Varimi Votambira Mari Yakatarwa neHurumende paMbesa Dzavo Vachiti Vanodawo Kuchengetedzwa

Mutevedzeri wemutungamiri weIntegratedCommercial Farmers’ Union, Amai Maiwepi Jiti, vanoti pari zvino mari iyi inoonekwa seyakawanda zvikuru asi panozosvika nguva yekugadzirira mwaka unouya inenge isisakwanire varimi kuti vakwanise kutenga zvavanoda.
Kubvumbi 22, 2020
Huwandu hweVana veZimbabwe Vari Kufa neCOVID-19 Kunze kweNyika Hwotyisa Vakawanda

Vazhinji vevanhu vari kubatwa nechirwere cheCOVID-19 vanonzi vari kushanda muzvipatara kana mumisha inochengetwa vakwegura.
Kubvumbi 21, 2020
Chirwere cheMalaria Chotambudza Nyika paNguva Iyo Coronavirus Iri Kukanganisa Pasi Rose

Mashoko akaburitswa nebazi rezvehutano iri padandemutande reTwitter neMuvhuro anoratidza kuti zvirwere zviviri izvi zvine zviratidzo zvakafanana, zvekupindwa nechando mumiviri, zvekuti zvinonetsa kuona musiyano wekuti munhu abatwa ne malaria here kana kuti COVID-19.
Kubvumbi 20, 2020
ZNCC Yotarisira Kudzikira kweHupfumi hweNyika Zvichikonzerwa neCoronavirus

ZNCC inoti kubva pakadzikwa mutemo wekuti vanhu vasafambafamba senzira yekudzivirira kupararira kweCoronavirus, makambani emunyika arasikirwa nemari inganosvika madhora mamiriyoni maviri nechidimbu emari yemunyika.
Kubvumbi 16, 2020
Pove neMaonero Akasiyana Pane Zvaitwa neZanu PF Mumakore Makumi eKuzvitonga

Vana veZimbabwe neMugovera uno vari kucherechedza makore makumi mana nyika yawana kuzvitonga kubva kuhutongi hwevachena, avo vaive vakapakata muhapwa dzavo hupfumi hwese hwenyika, vatema vachikwangwaya nekunhonga svosve nemuromo.
Kubvumbi 14, 2020
Zimstat Inoti Mari Inodiwa neMhuri yeVanhu Vashanu Yakakwira Muna Kukadzi

Mari inodiwa nemhuri ine vanhu vashanu inonzi yakakwira nezvikamu gumi nezvinomwe kubva muzana mumwedzi waKukadzi kubva pamadhora zviuru zvina nemazana mana nemakumi mapfumbamwe nemaviri mumwedzi waNdira kuenda pamadhora zviuru zvishanu nemazana maviri nemakumi mapfumbamwe nematatu.
Kubvumbi 13, 2020
Mutemo Unorambidza Vanhu Kufambafamba Wotadzisa Vanorarama neHIV/Aids Kuwana Mishonga Yavo

Sangano reCentre for Natural Resource Governance, rinoti vanhu vanodarika mazana mashanu ezviuru vanorarama nehutachiwana hweHIV/Aids vari kukundikana kuwana chekufambisa kuti vanotora mishonga yavo panguva ino yekurambidzwa kufamba kwevanhu senzira yekudzivirira kupararira kweCoronavirus.
Kubvumbi 10, 2020
Makiriniki eMakanzuru Oiswa Pasi peBazi reHutano Senzira yeKurwisana neCoronavirus

Hurumende inonzi yatora makiriniki ose ari pasi pemakanzuru emunyika kuitira kuti ashandiswe nebazi rezvehutano mukurwisana nechirwere che COVID-19 icho chabata vanhu gumi nevatatu pamwe nekuuraya vanhu vatatu munyika.
Kubvumbi 08, 2020
Chizvarwa cheZimbabwe Chinove Mukoti Chinopona Kubva kuCOVID-19 muAmerica

Muzvare Tsitsi Mandara vanoti vakanga vasina zviratidzo zvikuru zvekuti vabatwa nehutachiwana hweCoronavirus kunze kwekungonzwawo kuneta nekurwadza kwenyama kunyange hazvo vaizorora zvakakwana, izvo zvavakafunga kuti zvaikonzerwa nekushanda.

XS

SM

MD

LG