Mari Inodiwa naMhuri yeVanhu Vashanu Yakakwira Muna Kukadzi neZvikamu Gumi neZvinomwe Kubva muZana

Mari inodiwa nemhuri ine vanhu vashanu inonzi yakakwira nezvikamu gumi nezvinomwe kubva muzana mumwedzi waKukadzi kubva pamadhora zviuru zvina nemazana mana nemakumi mapfumbamwe nemaviri mumwedzi waNdira kuenda pamadhora zviuru zvishanu nemazana maviri nemakumi mapfumbamwe nematatu.

Izvi zvakaziviswa neZimbabwe Statistics Agency, Zimstat, iyo inoti mari yechikafu chete yaidiwa nemunhu mumwe chete mumwedzi waKukadzi yaiita madhora mazana mana negumi nemapfumbamwe, kuchitiwo mari yemuhoro yaidiwa nemunhu mumwe chete ichiiswa pamadhora chiuru nemakumi mashanu nemapfumbamwe.

Nyanzvi mune zveupfumi vachishanda vakazvimirira, VaMasimba Kuchera, vanoti kukwira kwemari inodiwa nemhuri yevanhu vashanu uku kwakanyanya kukonzerwa nekukwira kwemutengo wedhora rekuAmerica muna Kukadzi, izvo zvakazokwidzawo mitengo yezvinhu, zvikuru zvekudya.

VaKuchera vanotiwo zvinhu zvakanyanya kukwidzwa mitengo zvinosanganisira upfu, mafuta, tsvigiri nenyama.

VaKuchera vanoti nekuda kwedambudziko reCoronavirus iro rakakonzera kuti vanhu vasabvumidzwe kufamba, vakawanda vezvitoro vakakwidza mitengo yezvonhu mumwedzi waKurume, izvo zvakaitawo kuti mari inodiwa nemunhu mumwedzi uyu ikwire kubva yemuna Kukadzi.

Embed share

Hurukuro naVaMasimba Kuchera

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:36 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player