Jonga Kandemiiri

Produced by Jonga Kandemiiri

• Chikunguru 15, 2021

  Hurumende Inokurudzirwa Kuti Iwedzere Nzvimbo Dzinobaiwa Vanhu Nhomba yeCovid-19

  Dr Munatsi vanoti kuungana kuri kuita vanhu uye kutsikirirana vachirwira kuti vakwanise kuwana mukana wekubaiwa nhomba, kunogona kuzove dambudziko guru mune ramangwana, sezvo vanhu vachigona kutapurirana Covid-19 ipapo.

• Chikunguru 14, 2021

  Muimbi, Doctor Tawanda Benson, Anoti Lockdown Iri Kukanganisa Raramo Yake Pamwe neVamwe Vaimbi

  Muimbi ane mukurumbira ari chizvarwa cheZimbabwe chiri muSouth Africa, Tawanda Kasaira, uyo anonyanyozivikanwa nerekuti Doctor Tawanda Benson, anoti denda reCovid-19 riri kukanganisa mashandiro ake zvakanyanya izvo zvakashandurawo raramo yake.

• Chikunguru 13, 2021

  Kambani yekuChina, yeSunny Yi Feng, Inopiwa Mwedzi Mitatu Kuti Igadzirise Zvinyunyuto zveVashandi

  Kambani yekuChina,yeSunny Yi Feng iri kuNorton, iyo iri kupomerwa mhosva yekutyora kodzero dzevashandi vayo, inonzi yapiwa mwedzi mitatu yekuti inge yagadzirisa matambudziko ari kunetsa pakambani iyi pamwe nezvinyunyuto zvevashandI zvose.

• Chikunguru 12, 2021

  Vaimbove Meya veHarare, VaManyenyeni, Vanobuda muChipatara Mushure meKupona kuCovid-19

  Vaimbove meya weguta reHarare, VaBenard Manyenyeni, avo vakanga vapinda muchipatara neMugoivera pamwechete nemudzimai wavo Amai Francesca Manyenyeni  nemushandi wavo, vabuda muchipatara mushure mekupora kubva kuCovid-19.

• Chikunguru 09, 2021

  Kukwidzwa kweMutengo weKushandisa Nharembozha neEconet Wireless Kworemera Vakawanda

  Nyanzvi mune zvehupfumi dzinoti kukwidzwa kwemutengo wekushandisa nharembozha pamwe nemasaisai kana kuti data bundles nekambani yenharembozha, yeEconet Wireless, kuchakanganisa zvakawanda.

• Chikunguru 08, 2021

  Kanzuru yeGuta reHarare Inotara Nzvimbo dzeKubaira Vanhu Nhomba yeCovid-19

  Kanzuru yeguta reHarare yazivisa  kuti ine nzvimbo makumi matatu neimwe, kana kuti 31, dzayakatara dziri mumisha inogara vanhu kuti dzinge dzichibairwa nhomba yekudzivirira Covid-19.

• Chikunguru 07, 2021

  Vachangobva Kudomwa saKanzura weCorby kuBritain, VaChikoto, Vosarudzwa Zvakare seMutevedzeri waMeya

  Chizvarwa chekuZimbabwe, VaTafadzwa Chikoto, avo vakasarudzwa kuve kanzura wedhorobha reCorby kuBritain muna Chivabvu wegore rino, vakasarudzwa zvakare kuve mutevedzeri wameya wekanzuru yedhorobha iri.

• Chikunguru 06, 2021

  Vanorarama neKutengesa muGuta reBulawayo Vofara neKupiwa Mukana weKubaiwa Nhomba

  Rimwe sangano rinomiririra vanorarama nekutengesa muBulawayo, reBulawayo Vendors and Traders Association, rinoti rinotambira nemufaro chirongwa chehurumende chekubaya nhomba yekudzivirira Covid-19 kuvanhu vanorarama nekutengesa icho chaparurwa muguta iri.

• Chikunguru 01, 2021

  Kupindira kweZanu PF Zvitevera Kuputswa kweDzimba Kwounza Mutauro

  Vamwe vanoti bato riri kutonga iri rakatora danho iri sezvo kuputswa kwedzimba idzi kwakaribaya panyama nhete nekuti dzimba dzakaputswa idzi dziri ndedzenhengo dzeZanu PF.

• Chikumi 30, 2021

  Doctor Chimhutu neSangano Ravo reZimbabwe Yadzoka Vobatsira Kupa Ruzivo kuVagari veKumaruwa

  Doctor Chimhutu vanotiwo sangano ravo re”Zimbabwe Yadzoka/Mayibuye iZimbabwe” riri kushandawo kumaruwa richidzidzisa vagari kuti vavewo nemuono mumwechete nevagari vekumaguta nemadhorobha, zvikuru munyaya dzebudiriro neruzivo.

• Chikumi 29, 2021

  Kukwira kweMitengo yeZvinhu Kwoita Kuti Mari Inodiwa neMhuri yeVanhu Vatanhatu paMwedzi Ikwirewo

  Sangano reConsumer Council of Zimbabwe rinoti kusvika musi wa 09 Chikumi, unove mwedzi uno, mhuri ine vanhu vatanhatu yaida madhora emunyika zviuru makumi mana nemazana matanhatu ane makumi masere nemaviri, kana kuti RTGS$40 682.84, kuti ikwanise kurarama.

• Chikumi 28, 2021

  Vanhu Gumi neMumwe Vanofa neCovid-19, Mamwe Matunhu Achinzi Akaputika Denda Iri

  Bazi rezvehutano rakazivisa neSvondo kuti vanhu gumi nemumwe (11) vakafa nechirwere cheCovid-19 zvakasiya vafa nechirwere ichi vave chiuru nemazana manomwe nemakumi matatu nevatanhatu, kana kuti 1 736.

• Chikumi 27, 2021

  Huwandu hweVanhu Vari Kubatwa neCovid-19 muNyika Hwoshusha Nyanzvi dzeHutano

  Bazi rezvehutano rakazivisa neMugovera kuti vanhu vana vakafa nechirwere cheCovid-19 zvakasiya vafa nechirwere ichi vave chiuru nemazana manomwe nemakumi maviri nevashanu, kana kuti 1 725.

• Chikumi 27, 2021

  Bato reMDC Alliance Rocherechedza Zuva reKushungurudzwa kweNhengo Dzaro Musarudzo dza2008

  Bato reMDC Alliance rarangarira neSvondo vatsigiri varo varinoti vakapondwa nekushungurudzwa musi waChikumi 27, 2008, pamberi pesarudzo yemutungamiri wenyika yaidzokororwa, kana kuti Presidential Run-Off.

• Chikumi 25, 2021

  Vemabhizimusi Vokurudzira Hurumende Kusimbisa Mutemo Unorambidza Vanhu Kufambafamba kweMazuva Makumi Matatu

  Sangano rinomirira vezvitoro, reConfederation of Zimbabwe Retailers riri kukurudzira hurumende kuti isimbise mutemo unorambidza kufambafamba kwevanhu, kana kuti lockdown kuburikidza nekudzika mutemo unorambidza vanhu kufambafamba kwemazuva makumi matatu.

• Chikumi 25, 2021

  Sangano reCitizens’ Initiative Zimbabwe Riri Kushanda NeKanzuru Mukuchenesa Nzvimbo

  Sangano reCitizens’ Initiative Zimbabwe rinoti riri kupinda mumisha inogara veruzhinji richichenesa nzvimbo pamwe nekurasa marara, panguva imwechete richidzidzisa vechidiki kushandisa maoko avo mukuita mabasa akasiyanasiyana.

• Chikumi 24, 2021

  Nyaya yeZita Yotarisirwa Kuwedzera Kupesana pakati peMDC Alliance neMDC-T

  Pave nemaonero akasiyanasiyana pagakava ramuka pamberi pesarudzo dza2023 pakati pemapato eMDC Alliance neMDC-T pamusoro pezita rekuti MDC Alliance, zvichitevera mashoko emutungamiri weMDC-T, VaDouglas mwonzora ekuti vanogona kupinda musarudzo dz2023 vari pasi pezita rekuti MDC alliance.

• Chikumi 23, 2021

  Bato rePatriotic Zimbabweans Rorwira Kuti Vari Kunze Vavhote muSarudzo dza2023

  Nyaya yekuti zvizvarwa zveZimbabwe zviri kunze kwenyika zvibvumidzwe kuvhota zviri munyika dzazvigere musarudzo dziri kuitwa muna 2023 imwe yenyaya dziri kutarisirwa nevakawanda kuti dai dzagadziriswa panovandudzwa mitemo ine chekuita nesarudzo.

• Chikumi 22, 2021

  Vamwe Vofarira Mitemo Inosungira Mabhanga Kuisa Miripo paMari Dzaanochengetera Vanhu neMakambani

  Bhanga guru renyika reReserve Bank of Zimbabwe, RBZ, rakazivisa nezuro kuti kubva musi wa01 Chikunguru gore rino mabhanga ose emunyika anenge osungirwa kubhadhara miripo pamari dzaanenge akachengeta, kana kuti interest sezvinodiwa nemutemo weStatutory Instrument 65A wegore ra2020.

• Chikumi 22, 2021

  Vashandi veHurumende dzemuAfrica Voita Musangano weMazuva Matatu kuVictoria Falls

  Vashandi vehurumende dzenyika dzemuAfrica vari kusangana kuVictoria Falls kwemazuva matatu, kutanga nezuro, Muvhuro.

Rodhai zvimwe