Breaking News

Blessing Zulu

Produced by Blessing Zulu

Gunyana 21, 2017
Kunyoresa Kuvhota Kwounza Mutauro Munyika

Kunyangwe hazvo paine kunetsa kukuru pamabatirwo ari kuitwa basa nesangano reZimbabwe Electoraal Commission pakunyoresa vavhoti, sachigaro wesangano iri Amai Rita Makarau vanoti vane chivimbo chekuti vachakwanisa kunyoresa vanhu mamiriyoni manomwe.
Gunyana 20, 2017
Amai Makarau Vobvuma Kuti Chirongwa cheBVR Chine Zvinetswa

Sachigaro wesangano reZimbabwe Electoral Commission, Amai Rita Makarau, vanoti matambudziko ari kusangana nevanhu vari kuvhota vange vakaatarisira sezvo chirongwa chavo chekunyoresa vavhoti chichiri kutanga.
Gunyana 19, 2017
Nyanzvi Dzoyambira Kuti Kunaka kweZvinhu kuZSE Munongedzo weHupfumi Hwoenda kuMawere.

Musika weZimbabwe Stock Exchange unonzi uri kuita zvidavado sezvo vanhu vakawanda vari kuenda kunotenga nekutengesa hupfumi hwavo. Musika uyu pari zvino uri kuverengwa pamisika yepasi rose iri kushura mare mukuita mari.
Gunyana 15, 2017
Kunyoresa Kuvhota Kwokonzera Mutauro Munyika

Sachigaro wesangano rinotungamira nyaya dzesarudzo reZimbabwe Electoral Commission, Amai Rita Makarau, vanoti vanhu vachatanga kunyoresa kuvhota kuti vave pagwaro idzva rinoshandisa michina yechizvino zvino, kana kuti Biometric Voter Register, nemusi weMuvhuro.
Gunyana 14, 2017
Vanochengetedza VaMugabe Vomboramba Kutambira Masamanisi eMDC paNyaya yeGwaro reVavhoti

Hofisi yemutungamiri wenyika, VaRobert Mugabe, nemusi weChitatu neChina yange ichimboramba kutambira mapepa kubva kuzvikonzi zvedare panyaya yakakwidzwa kudare repamusoro reHigh Court nebato reMDC inotungamirwa naVaMorgan Tsvangirai.
Gunyana 13, 2017
VaMugabe Vodoma Ray Goba Kuti Vatore Chigaro Chekuva Muchuchusi weNyika

Vange vakafanobata chigaro chemuchuchusi mukuru wenyika VaRay Goba vasarudzwa kuti vatore chigaro ichi mushure mesarudzo yakaitwa nesangano reJudicary Services Commission kana kuti JSC.
Gunyana 13, 2017
VaMugabe Voparura Hurongwa hweGwaro Idzva reVavhoti kuState House

Mutungamiri wenyika VaRobert Mugabe nemusi weChina vari kutarisirwa kuparura chirongwa chekutanga kwekunyorwa kwegwaro revavhoti kuState House.
Gunyana 12, 2017
VaMugabe Vonanga kuNew York Kunopfachura Nyika Isina Mari yeMushonga

Hurumende iri kushorwa zvikuru nenyaya yekusafambisa mari dzebhajeti zvakanaka zvopa kuti vanhu vambopota vachishaya mishonga yakaita semaARV, nemishonga yegomarara, uye mafuta ekufambisa dzimotokari.
Gunyana 11, 2017
Global Witness Inoti Mari yeMangoda Yoshandiswa neVasori neMauto Kutyora Kodzero dzeVanhu

Sangano rinorwira kodzero dzevanhu reGlobal Witness rinoti mari iri kubva mukutengeswa kwemangoda ekwaChiyadzwa iri kushandiswa mukutyora kodzero dzevanhu kuburikidza nemauto uye sangano revasori reCentral Intelligence Organization.
Gunyana 08, 2017
ZEC Yotanga Chirongwa Kunyoresa Vanhu Vachavhota Pachishandiswa BVR

Mutungamiri wenyika, VaRobert Mugabe, vatara kuti kutanga svondo rinouya nemusi wa14 Gunyana kusvika musi wa15 Ndira 2018, ZEC inofanira kutanga kuumba gwaro idzva revavhoti kana kuti biometric voters roll.
Gunyana 08, 2017
Matare Anobvumidza Kambani yeDr Dish Kutepfenyura Zvirongwa zveKwese TV

Gweta reDr Dish, VaTawanda Nyambirai, vanoti vari kufara nemutongo wapihwa nedare redzimhosva.
Gunyana 07, 2017
Reuters Yokonzera Mutauro neNyaya Yekuti Pane Nhaurirano Pakati paVaTsvangirai naVaMnangagwa

Munyika maita makakatanwa panyaya yakaburitsa nesangano renhau yeReuters yekuti pane nhaurirano dziri kuitwa pakati pemutungamiri webato reMDC, VaMorgan Tsvangirai, nemumwe mutevedzeri wemutungamiri wenyika, VaEmmerson Mnangagwa, kuti vaite hurumende yemubatanidzwa kana mutungamiri wenyika, VaRobert Mugabe, vasiya matomu.
Gunyana 06, 2017
VaMutodi Vanodzingwa muZanu-PF

Politburo yebato reZanu-PF yadzinga imwe nhengo yebato iri, VaEnergy Mutodi, avo vanodyidzana zvakanyanya nemumwe mutevedzeri wemutungamiri wenyika, VaEmmerson Mnangagwa.
Gunyana 06, 2017
United Nations Yobatsira ZEC Kugadzirisa Dura Rinochengeterwa Gwaro reVavhoti

Sachigaro wesangano reZimbabwe Electoral Commission, Amai Rita Makarau, vanoti sangano reUnited Nations Development Program riri kubatsira Zimbabwe nemari yekukwenenzvera dura rekuchengetera zvine chekuita negwaro revavhoti kana kuti biometric voter registration server.
Gunyana 05, 2017
Kwese TV Yoita seMuporofita Anorambwa neVake

Dare repamusoro riri kutarisirwa chero nguva kutanga kuzeya nyaya yekunetsana pakati pesangano reBroadcasting Authority of Zimbabwe, BAZ, nekambani yeKwese TV yaVaStrive Masiyiwa.
Gunyana 04, 2017
ZEC Yotarisira Kupeta Gwaro Idzva reVavhoti Mukupera kweGore

Sachigaro weZimbabwe Electoral Commission kana kuti ZEC Amai Rita Makarau vanoti vanotarisira kuti panopera gore vanenge vave negwaro idzva revavhoti. Izvi zviri kuitwa sezvo nyika iri kutarisira sarudzo gore rinouta.
Gunyana 01, 2017
ZEC Inoti Mimwe Michina yeKunyoresa VaVhoti yeBVR Yapinda muNyika

Sachigaro weZimbabwe Electoral Commission Amai Rita Makarau vanoti mimwe michina yekunyoresa vanhu kuti vakwanise kuvhota ye biometric voter registration kana kuti BVR yasvika munyika kubva kukambani Laxton Group of Companies.
Nyamavhuvhu 30, 2017
Amai Mujuru Vanoti Ivo naVaTsvangirai Vakazvipira Kuumba Mubatanidzwa

Mutungamiri webato rinopikisa reNational People’s Party Amai Joice Mujuru avo vaimbova mutevedzeri wemutungamiri wenyika vanoti vane chivimbo chekuti nhaurirano nemutungamiri webato reMDC-T VaMorgan Tsvangirai dzichabudirira sarudzo dzegore rinouya dzisati dzaitwa.
Nyamavhuvhu 29, 2017
VaMudede Votanga Kunyoresa Vanhu Zvitupa Kuti Vakwanise kuVhota

Mabharani mukuru wehurumende VaTobaiwa Mudede vanoti hofisi yavo ichatanga kutoresa vanhu zvitupa nekupa kutanga neMuvhuro.
Nyamavhuvhu 29, 2017
Amai Mujuru Vanoti Hondo Iri muZanu-PF Inoratidza Kuti VaMugabe Ndivo Dambudziko Guru

Mutungamiri webato rinopikisa reNational People’s Party avo vaimbova mutevedzeri wemutungamiri wenyika Amai Joyce Mujuru vanoti kukandirana makobvu nematete kuri kuitika muZanu-PF munongedzo wekuti matambudziko ose nekusabatana uku kuri kukonzerwa nemutungamiri wenyika VaRobert Mugabe.

XS

SM

MD

LG