Breaking News

Jonga Kandemiiri

Produced by Jonga Kandemiiri

Kubvumbi 06, 2017
ZFU Yotambira Danho Rekuti Varimi Vatengese Chigabe Chavo kuGMB Chete

Vamwe varimi vanonzi havasi kufara nehurongwa hwehurumende kwekuti vangotengesa chibage chavo kuGMB chete sezvo vasati vabhadharwa mari dzavo dzechibage chavakatengesa makore apfuura.
Kubvumbi 05, 2017
Vari Kunze Vokurudzirwa Kushanda Pamwe neVari Kumusha

Zvizvarwa zveZimbabwe zviri kunze kwenyika zviri kukurudzirwa kuti zvirambe zvichitevera zviri kuitika kumusha kuburikidza nekuramba zvichidyidzana nevari kumusha pamwe nekutevera zviri kuitika, mungave mune zvematongerwo enyika kana mabhizimusi.
Kubvumbi 04, 2017
Zec Inobvuma Zviri Kudiwa neNera Panyaya yeBiometric Voter Registration?

Sachigaro weZimbabwe Electoral Commission, ZEC, Amai Rita Makarau, vanonzi vabvuma kuti pamakambani matatu akasarudzwa nesangano reUnited Nations Development Programme, UNDP, ndipo pasarudzwe kambani ichawanisa boka reZEC michina yekunyoresa vavhoti yeBiometric Voter Registration.
Kubvumbi 03, 2017
Sarudzo yeBy-Election kuMwenezi East Yosimudza Mutauro

Bato rinopikisa reNational Consitutional Assembly, NCA, rinoti mapepa aro ekutsvaga rudzigiro musarudzo dze by-election mumatunhu anoti Mwenezi East, Gutu Ward 31 neZaka ward 2, ari kubvarurwa nevanofungidzirwa kuti vatsigiri vebato riri kutonga reZanu PF.
Kubvumbi 03, 2017
Makurukota Otsvagira VaMugabe Chigaro cheChizvinozvino

Makurukota ehurumende neMuvhuro asvitsa mutungamiri wenyika, VaRobert Mugabe zvipo zvekucherechedza bhavhadhe ravo, iro raiveko musi wa 21 Kukadzi pamabiko aitirwa kumuzinda weState House.
Kurume 31, 2017
Zec Yokwirirwa Matare

Vakwirirwa dare ndisachigaro we Zec, Amai Rita Makarau, pamwe neboka rehurumende rinoona nezvekutengwa kwezvinhu re State Procurement Board.
Kurume 29, 2017
Hurumende Yotsvaga Nzira Dzekuunganidza Nadzo Mari Inobva Kunze

Gurukota rezvemabhizimusi maduku, Amai Sithembiso Nyoni, vanonzi vakaudza sangano renhau reNew Zimbabwe.com kuti hurumende yavo ine hurongwa hwekutevera nzira dzinoshandiswa nenyika yeNepal, iyo vanoti haina kusiyana neZimbabwe.
Kurume 24, 2017
VaBhasikiti Vozvionera Vega Huipi hweZanu PF?

Masangano anorwira kodzero dzevanhu anoti ari kushushikana zvikuru nekushungurudzwa, kunyimwa chikafu pamwe nekutyisidzirwa kwevanhu mudunhu reMwenezi East pamberi pesarudzo dzekukutsvaga achatsiva VaKudakwashe Bhasikiti, avo vakadzingwa mubato reZanu PF.
Kurume 23, 2017
Vakarwa Hondo Vokurudzira Veruzhinji Kuvhotera Mutungamiri Wavanoda

Vakarwa hondo yerusununguko vari pasi pesangano reZimbabwe Liberation War veterans Association, ZLWVA, vasangana muHarare pavazeya mamiriro akaita zvinhu munyaya dzezveupfumi pamwe nezvematongerwo enyika
Kurume 22, 2017
MyZororo Yowanisa Zororo Kune Vanoshaikira muSouth Africa

Mhuri dzakawanda dzinorasikirwa nevadikani vadzo kunze kwenyika dzinonzi dziri kusara dzichishaya pekutangira, zvikuru kana mufi ari iye anga akabata mhuri.
Kurume 21, 2017
Vanotengesera Mumigwagwa Voronga Kuendesa Kanzuru yeHarare kuMatare

Sangano rinomirira vanotengesera mumigwagwa, reVendors Initiative for Social and Economic Transformation, VISET, rinoti riri kuronga kuendesa kanzuru yeguta reHarare kumatare edzimhosva nenyaya yekuparadza kwarinoti iri kuita zvinhu zvenhengo dzaro
Kurume 20, 2017
ARTUZ Yonyunyuta neHwaro hweDzidzo Hutsva

Masangano evarairidzi ari kunyunyutawo nehurongwa hwehurumende uhwu achiti yakamhanyira kumedza kutsenga ichada sezvo isina kutanga yanzwawo pfungwa dzevamwe vane chekuita nenyaya dzedzidzo.
Kurume 16, 2017
Vanotengesa Mumigwagwa Vochema Zvichitevera Kuputsirwa paVanotengesera

Sangano reVendors Initiative for Social and Economic Transformation, (VISET) rinoti riri kushoropodza zvikuru danho rekanzuru yeguta reHarare rekuparadza kwayakaita misika yevanhu pamwe nekuparadza zvinhu zvavo panzvimbo yemabhizimusi yeBudiriro 5 svondo rino.
Kurume 15, 2017
Vari Kunze kweNyika Voramba Vaine Tariro paKuvhota

Kunyange hazvo ZEC yakazivisa kare kuti haina mari nezvikwanisiro zvekuti iite basa iri, sachigaro wechikamu cheZDNNA chinomirira Maryland, Washington D.C., Virginia neWest Virginia, VaJonah Masiya, vanoti sangano ravo riri kuramba richiedza kuita hurukuro nehurumende pamusoro penyaya iyi.
Kurume 14, 2017
Pastor Mugadza Votambira Kugara Kwavo Mutirongo seKuronga kwaMwari

Pastor Mugadza vakasungwa musi wa 16 Ndira panze pedare ramejasitiriti muHarare apo vakanga vari vachitongwa mune imwe mhosva yavari kupomerwa, yekuzvidza mureza wenyika.
Kurume 13, 2017
Masangano Anorwira Kodzero Oshushikana neMhirizhonga yeZvematongerwo eNyika

Masangano anorwira kodzero dzevanhu anoti reZimbabwe Peace Project neZimbabwe Human Rights Association anoti ari kushoropodza mhirizhonga ine chekuita nezvematongerwo enyika yakaitaika mumisha yeMbare neHighfield pakati penhengo dzeZanu PF neMDC-T mukupera kwesvondo
Kurume 10, 2017
Dhora Roramba Kubatika muZimbabwe

Mabhanga mazhinji anonzi haasi kukwanisa kupa vanhu mari dzavo, zvikuru vanenge vachida kutora iri mari yekuAmerica.
Kurume 09, 2017
VeMoto Republik Vanonzi neKanzuru yeHarare Vaputse Voga Zvivakwa Zvavo

Mugwaro ravaburitsa, veMoto Republik vanobvuma kuti vashandi vekanzuru vanga vachida kuputsa zvivakwa zvavo, aso vanoti izvi zvazomiswa mushure mekupindira kwameya weguta reHarare VaBernard Manyenyeni.
Kurume 08, 2017
Zimbabwe Citizens Initiative Yorangarira VaItai Dzamara neVamwe

Zvizvarwa zveZimbabwe zviri kunze kwenyika zviri pasi pesangano reZimbabwe Citizens Initiative zviri kuungana paManchester University kuBritain neMugovera uno zvichirangarira murwiri wekodzero akapambwa akatsakatika, VaItai Dzamara
Kurume 07, 2017
Transform Zimbabwe Yoronga Kukwirira Hurumende kuSADC

Transform Zimbabwe iri kuronga kukwirira hurumende yeZanu PF kusangano reSADC zvichitevera kutora kwayakaita kubva kuUNDP hurongwa hwekutengwa kwemichina yeBiometric Voter Registration, iyo ichashandiswa mukunyoreswa kwevanhu musarudzo dza 2018.

XS

SM

MD

LG