Breaking News

Blessing Zulu

Produced by Blessing Zulu

Chikunguru 28, 2017
Varwi veHondo yeRusununguko Vanoti Amai Grace Mugabe Havafe Vakatonga Nyika

Sangano reZimbabwe National Liberation War Veterans Association kana kuti ZNLWVA nemusi weChishanu rakaita musangano nevatori venhau rikazivisa kuti harisi kuzotenda kuti hutungamiri webato reZanu-PF huiite kunge humambo hwekuti mhuri imwe chete yemutungamiri wenyika VaRobert Mugabe ndiyo inoramba ichitonga.
Chikunguru 28, 2017
Vakawanda Votyira Kudeuka kweRopa Munyika

Vanhu vakawanda vanoti vave kutyira kuti munyika munogona kudeuka ropa kana mutungamiri wenyika, VaRobert Mugabe, vakasagadzirisa nyaya yekunetsana kunotyisa kuri kuitika mubato reZanu-PF.
Chikunguru 27, 2017
Amai Mugabe Vokonzera Mutauro Nekuti VaMugabe Vadome Achatora Chigaro Chavo

Mudzimai wemutungamiri wenyika, uye vari munyori wesangano remadzimai reWomen’s League, Amai Grace Mugabe, vakatyamadza vanhu neChina apo vakurudzira murume wavo, VaRobert Mugabe, kuti vadome munhu achatora chigaro chavo sezvinoitwa kune dzimwe nyika.
Chikunguru 26, 2017
VaMadhuku Vanoti Kwete kuMubatanidzwa weMapato Anopikisa

Vakafanobata chigaro chemutungamiri webato rinopikisa reNational Constitutional Assembly Muzvinafundo Lovemore Madhuku vanoti havana hurongwa hwekubatana nemamwe mapato anopikisa vachiita mubatanidzwa wekukwikwidzana nebato reZanu-PF musarudzo dza2018.
Chikunguru 25, 2017
Bumbiro reMitemo Rinovandudzwa keKutanga neNational Assembly

Dare reparamende nemusi weChipiri rakavandudza bumbiro remutemo kekutanga kuti ritendere mutungamiri wenyika kuti adome ega mutongi mukuru wematare uye mutevedzeri wake pasina kunzwa pfungwa dzedare reparamende uye bazi rezvemitemo kana sangano reJudiciary Services Commission.
Chikunguru 25, 2017
Mashoko eRBZ Oratidza Pachena Kuti Hupfumi hweNyika Hwananga kuMawere

Bhanga reReserve Bank of Zimbabwe rakaburitsa mashoko nemusi weChipiri anoratidza kuti zvinhu munyaya dzezvehupfumi zviri kuramba zvichienda kumaziva ndadzoka.
Chikunguru 24, 2017
JSC Yotanga Hurongwa hweKusarudza Achatora Chigaro chaVaJohannes Tomana

Mutungamiri wenyika, VaRobert Mugabe, vari kutarisirwa kudoma muchuchusi mukuru wenyika pamazita emagweta matatu avachapihwa neJudiciary Services Commission kana kuti JSC.
Chikunguru 21, 2017
VaTsvangirai Vanoburitsa Pachena Kusawirirana Kuripo naAmai Mujuru

Mutungamiri webato rinopikisa reMDC, VaMorgan Tsvangirai, vanoti kuumba mubatanidzwa naAmai Joyce Mujuru, avo vari kufanotungamira bato reNational People’s Party, kunenge kwakundikana.
Chikunguru 20, 2017
MDC neZanu-PF Dzokandirana Makobvu neMatete

Vanhu vakawanda munyika vanoti vari kushushikana zvikuru nenyaya yemhirizhonga ine chekuita nezvenyaya dzematongerwo enyika iyo yatanga munyika.
Chikunguru 20, 2017
ZESA Yoripiswa Mwana Wayakaurayisa neMagetsi Ayo

Kambani yeZESA Holdings yanzi nedare ibhadhare mari inosvika zviuru gumi nezvishanu kuripa mumwe mudzimai Amai Constance Sinachinga vane mwanakomana akashaya mushure mekunge agwinwa nemagetsi zvichikonzerwa nekukundikana kwevashandi vekambani iyi kuita basa nemazvo.
Chikunguru 19, 2017
ZEC Yoshanda neUnited Nations Kudzidzisa Vanhu Sarudzo dza2018

Sangano reZimbabwe Electoral Commission richishanda nesangano reUnited Nations Development Program rinoti rave kutanga chirongwa chekudzidzisa vanhu nezvesarudzo dzegore rinouya.
Chikunguru 18, 2017
Hurumende Yoramba Ichizvicherera Gomba neKuramba Ichikwereta Mari

Hurumende yeZimbabwe iri kuramba ichienderera mberi nekukwereta mari yekushandisa munyika kana kuti domestic debt. Izvi zviri kuuya panguva iyo bhanga reIMF nereWorld Bank akayambira kuti kuita izvi kuchapa kuti nyika itadze kubuda mumadhaka mairi.
Chikunguru 17, 2017
Nyanzvi Dzinoti Inflation Yaderera Zvakanyanya

Bazi reZimbabwe National Statistics Agency kana kuti Zimstat razivisa nhasi kuti inflation yadzika kusvika pazviga makumi matatu nechimwe kubva muzana kana kuti 0 .31 percent kubva pazviga makumi manomwe nemashanu kubva muzana kana kuti 0, 75 percent.
Chikunguru 14, 2017
Hurumende Yoramba Yakati Zii paNyaya yeHutano hwaVaMugabe

Mutungamiri wenyika VaRobert Mugabe avo vakaenda kunorapwa kuSingapore nemusi weChishanu svondo rapera havasi vadzoka munyika uye hurumende haisi kutaurawo kuti vanotarisirwa kodzoka munyika rini
Chikunguru 13, 2017
VaMugabe Votadza Kudzoka Kubva kuSingapore Sezvange Zvataurwa neHurumende

Mutungamiri wenyika VaRobert Mugabe avo vange vachitarisirwa kudzoka munyika nemusi weChitatu kubva kuSingapore kwavakaenda kunorapwa nemusi weChishanu svondo rapera vanonzi vanogona kudzoka nemusi weChishanu kana Mugovera.
Chikunguru 13, 2017
Motokari yeMDC Inopiswa kuKuwadzana Uko Mapurisa Achisunga Vamwe VeChidiki veBato Iri

Mutevedzeri wemutungamiri webato reMDC-T VaNelson Chamisa vanoti izvi zvaitwa kuda kutyisidzira vatsigiri vebato ravo.
Chikunguru 11, 2017
Amai Makarau Votaura nezveKuwanda kweNzvimbo dzeKunyoresa kuVhota kuMaruwa

Sachigaro weZimbabwe Electoral Commission kana kuti ZEC Amai Rita Makarau vanoti vakaendesa nzvimbo dzekuvhotera dzakawanda kumaruwa kwete mumadhorobha nenyaya yekuti vanhu vari munzvimbo idzi vanogara kure nekure.
Chikunguru 11, 2017
VaBiti Vodoma Vachamirira Bato Ravo muSarudzo

Mutungamiri webato rePeople's Democratic Party, VaTendai Biti, nhasi vazivisa kuti vave nenhengo dzichakwikwidza dzakamirira bato ravo musarudzo dzegore rinouya panguva iyo pari kuitwa nhaurirano dzemapato anopikisa kuti ayedze kuwumba mubatanidzwa wemapato uchamisidzana neZanu PF pachaitwa sarudzo.
Chikunguru 10, 2017
VaChiyangwa Vokurudzira VaTsigiri veNhabvu Kuti Vanotambira maWarriors kuNhandare yeNdege

Mutungamiri weZIFA VaPhilip Chiyangwa vari kukurudzira vanhu vose munyika kuti vaende kunhandare yendege yeHarare International Airport neChipiri masikati kunotambira chikwata cheZimbabwe Warriors icho chakashura mare nekudambura Zambia 3-1 kuSouth Africa nemusi weSvondo chichibva chasimudza mukombe weCOSAFA Castle Cup.
Chikunguru 08, 2017
IMF Inoti Zimbabwe Haisati Yaita Chibvumirano neWorld Bank nezveKubhadhara Zvikwereti Zvayo

Bhanga guru rinokweretesa mari nyika dzepasi rino reInternational Monetary Fund rinoti Zimbabwe haisati yanyorerana chibvumirano neWorld Bank chekuti yobhadhara sei chikwereti chayo chinosvika bhiriyoni imwe chete

XS

SM

MD

LG