Nemusi weChitatu VaJoe Biden vakatora mhiko yekutungamira America kwemakore mana anotevera muchiitiko chainge chakatariswa nepasi rose kusanganisirawo nyika yeZimbabwe iyo ine vatungamiri vakatemerwa zvirango neAmerica vachipomerwa mhosva yekutonga nedemo.
America yave nemutungamiri wenyika mutsva zvichitevera kutoreswa mhiko kwaVaJoe Biden neChitatu masikati.
Dzimwe nyanzvi munyaya dzezvehupfumi dzinoti kudhindwa kwemari yemadhora makumi mashanu kuri kuda kuitwa neReserve Bank of Zimbabwe, kunogona kupa kuti dhora renyika rishaye simba.
Masangano anorwira kodzero dzevanhu akaita seZimbabwe Human Rights Association kana kuti Zimrights, Amnesty International neZimbabwe National Editors Forum ari kushora zvikuru kusungwa kwevanopikisa.
Vakasarudzwa kuve mutevedzeri wemutungamiri wenyika yeAmerica Amai Kamala Harris vari kutarisirwa kutorwswa mhiko nemusi wechitatu nemutongi wedare repamusoro soro reSupreme Court Amai Sonia Sotomayor.
Bazi rezvehutano rinoti neMugovera vanhu gumi nevanomwe kana kuti 17 vakafa nechirwere cheCovid-19 zvasiya vanhu mazana maviri vafa mukati memazuva manome adarika.
Vanhu zana nemakumi mashanu nevasere kana kuti 158 vafa nechirwere cheCovid-19 mukati memazuva manomwe adarika zvichitevera kufa kwevamwe vanhu makumi matatu nevasere kana kuti 38 nemusi weChitatu chete
Chipangamazano munyaya dzezvehutano mubazi reAfrica Centers for Disease Control and Prevention, Dr Nicaise Ndembi, vanoti African Union yakwanisa kuwana nhomba yeCivod-19 inosvika mamiriyoni mazana matatu kana kuti 300 million ichashandiswa mukudzivira kupararira kwechirwere ichi.
Muzvinafundo Mugano vanoti hurumende haifanire kubva yadhinda mari yakawandisa nekuti zvinogona kukonzera matambudziko ekushaya simba kwemari iyi.
Masangano evashandi nevashandirwi anoti zvakakosha kuti vaite nhaurirano nehurumende nechimbi chimbi mugungano reTripartite Negotiations kuyedza kuzeya matambudziko avari kusangana navo owedzerwa nedenda reCovid-19.
Mutungamiri webato rinopikisa reMDC Alliance VaNelson Chamisa vari kushora zvikuru hurumende nekusunga mutevedzeri wasachigaro webato iri VaJob Sikhala, meya weguta reHarare akamiswa basa VaJacob Mafume uye mutori wenhau VaHopewell Chin’ono.
Nhengo dzakawanda dzedare reCongress muAmerica dziri kuti mutungamiri wenyika VaDonald Trump vanofanira kutorerwa matanho ekumanikidzwa kusiya basa sezvo vari kupomerwa mhosva yekupesvedzera vatsigiri vavo kuti vaite mhirizhonga.
Vanhu gumi nevashanu kana kuti 15 vakafa nechirwere cheCovid-19 munyika neMugovera vamwe mazana masere nenakumi matatu nevapfumbamwe kana kuti 839 vakabatwa nechirwere ichi.
Sangano reMasvingo Centre for Research Advocacy and Development, kana kuti MACRAD, rinoti rine zvirongwa zvakawanda zvekubatsira vanhu vemudunhu iri panguva ino vanhu vakawanda vave kutambura zvakanyanya nekuda kwekunzi vagare mudzimba munguva yekurwisa denda reCovid-19.
Kunyangwe vanhu vakawanda vari kutenderana kuti chirwere cheCovid-19 chapararira zvinotyisa munyika, nyaya yekuti zvogadziriswa sei iri kuunza kusabatana zvikuru danho rehurumende rekuti vakawanda vagare mudzimba kwemazuva makumi matatu.
Bazi rezvehutano rakazivisa kuti nezuro vanhu makumi matatu nevana kana kuti 34 vakashaya nechirwere cheCovid-19 vamwe churu nemazana matatu nemakumi matanhatu nevashanu kana kuti 1, 365 vakatapurirwa chirwere ichi.
Nyaya yekumbovharwa kwemakambani akawanda uye kuti vanhu vagare mudzimba kuyedza kudzivirira kupararira kwechirwere checoronavirus chakomba munyika iri kunzi nenyanzvi munyaya dzezvehupfumi ichapa kuti hupfumi hwenyika hutoramba hwakananga kumawere.
Vakaremara vari kukurudzirwa kuti vanyore mabhuku pamusoro pezvavanosangana nazvo vasingamirire zvinyorwa zvionoitwa nevanhu vasinganyatsonzwisise zvishuvo zvavo.
Nhengo dzedare reSenate muAmerica kubva kubato remaRepublicans dzinoti dziri kuzobatana nemutungamiri wenyika VaDonald Trump mukuyedza kuramba kutambira zvakabuda musarudzo dzemutungamiri wenyika idzo dzinofanira kutambirwa zviri pamutemo nedare reHouse of Representatives neSenate musi wa 6 Ndira.
Vakafanobata chigaro chemutungamiri wenyika VaKembo Mohadi nemusi weSvondo vakadzokorora kuti mauto nemapurisa achashanda kuona kuti vanhu vatevedzera kurudziro yemutevedzeri wemutungamiri wenyika vari gurukota rezvehutano VaConstantino Chiwenga neMugovera yekuti vagare mudzimba.
Rodhai zvimwe
