Breaking News

Thomas Chiripasi

Produced by Thomas Chiripasi

Kukadzi 17, 2020
European Union Inombosendeka Parutivi Zvirango Zvayakatemera VaChiwenga neVamwe muHurumende

Sangano reEuropean Union razivisa neMuvhuro kuti rambosendeka parutivi zvirango zvarakatemera vamwe vakuru-vakuru muhurumende vatatu pamwe nemudzimai vevaimbove mutungamiri wenyika.
Kukadzi 14, 2020
WFP Yopemha Zvakare Mari Inodarika Mamiriyoni Zana eMadhora ekuAmerica

Vachitaura nevatori venhau muHarare nhasi, mutevedzeri wemukuru weWFP, kana kuti Assistant Executive Director, Muzvare Valerie Guarneri, avo vanga vachishanya munyika, vati vanhu vakawanda munyika vakatarisana nenzara yakakomba sezvo mvura isina kunaya zvakanaka mwaka uno.
Kukadzi 13, 2020
Vechidiki veZanu PF Vosiya VaMatutu naVaTsenengamu Vari paMhene

Vachitaura nevatori venhau pamuzinda webato ravo nhasi, vakafanobata chigaro chemutevedzeri wemunyori muZanu PF Youth League, VaTendai Chirau, vati kunyange bato risiri kufara nehuori huri kuitwa nevamwe vanhu munyika, havasi kuzotsigira hurongwa hwaVaTsenengamu naVaMatutu.
Kukadzi 13, 2020
Vechidiki veZanu PF Vonetsana

Vechidiki veZanu PF vanoti havasi kuzopinda mumusangano uri kurongwa kuitwa nevechidiki vaviri veZanu PF vakambomiswa basa, VaLewis Matutu naVaGodfrey Tsenengamu, ukuwo vechidiki veMDC vachitiwo havaneyi nezviri kurongwa naVaTsenengamu naVaMatutu. Vhidhiyo Thomas Chiripasi.
Kukadzi 12, 2020
Hurumende Yoshandisa Makuponi Mukutenga Upfu

Vachitaura nevatori venhau mushure memusangano wedare remakurukota, gurukota rinoona nezvekuburitswa kwemashoko, Amai Monica Mutsvangwa, vati dare remakurukota rabvumirana kuti veruzhinji, zvikurusei avo vanotambudzika, vapihwe makuponi ehupfu sezvo hupfu huri kunetsa kuwana muzvitoro.
Kukadzi 07, 2020
Muzvare Mubaiwa Vanopihwa Mukana Wekuti Vatongwe Vachibva Kumba

Dare repamusoro rapa mudzimai wemutevedzeri wemutungamiri wenyika, VaConstantino Chiwenga, uyo wavari kurambana naye, Muzvare Marry Mubaiwa, mukana wekubhadhara mari yechibatiso pamhosva yavari kupoperwa yekurova mushandi wavo.
Kukadzi 03, 2020
Vatungamiri veZanu PF Youth League Vanodoma VaBilly Rauntebach, VaTafadzwa Musarara naVaKuda Tagwirei Sevanhu Vari Kuita Huwori

Munyori muboka revechidiki reZanu PF Youth League VaLewis Matutu pamwe nemurongi wemisangano muboka iri VaGodfrey Tsenengamu avo vati vanga vachitaura vakazvimirira vasina kumirira bato ravo, vapomera VaKuda Tagwirei veSakunda Holdings, VaBilly Rautenbach naVaTafadzwa Musarara mhosva yekuita huwori
Kukadzi 03, 2020
Vechidiki muZanu PF Vofumura Vavanoti Vari Kunyanya Kuita zveHuwori

Vamwe vatungamiri veboka revechidiki reZanu PF vaviri nhasi vadoma vana muzvinabhizimusi vatatu sevanhu vari kuita huwori hwakanyanya munyika izvo vanoti zviri kukonzera kuti veruzhinji vadye nhoko dzezvironda.
Kukadzi 01, 2020
Norton Yotarisana neNzara Inotyisa

Nhengo inomirira Norton muparamende, VaTemba Mliswa, vanoti vari kuedza napose pavanogona napo kubatsira mhuri dzakawanda nechikafu vachishanda pamwe chete nemakanzura.
Kukadzi 01, 2020
VaMnangagwa Vokurudzira Kubatana kweMapato eMatongerwo eNyika Mukugadzirisa Zviri Kunetsa Munyika

Vedzisvondo vaungana muHarare vachinamatira matambudziko akatarisana ,ukuwo mutungamiri wenyika, VaEmmerson Mnangagwa, vachikurudzirawo kuti pave nekubatana pakati pemapato ezvematongerwo enyika.
Ndira 31, 2020
VaChamisa Vanorambidzwa neMapurisa Kutsvaira kuChitungwiza

Mutevedzeri wemutauriri weMDC, VaLuke Tamborinyoka, vati zvaitwa nemapurisa izvi zvinoratidza kuti hurumende yaVaEmmerson Mnangagwa inotya veruzhinji nepamusana pekutadza kutungamira zvakanaka kwavanoti kuri kuitwa naVaMnangagwa.
Ndira 29, 2020
Vamwe Vashandi Voramba Kutambira Mari Dzakawedzerwa neHurumende

Mamwe masangano anomirira vadzidzisi anoti haasi kutambira zvakabvumiranwa nemusi weChipiri nehurumende nerimwe remasangano anomirira vashandi vehurumende reApex Council munhaurirano dzaiitwa pasi peNational Joint Negotiating Council, kana NJNC.
Ndira 26, 2020
VaMnangagwa Vokurudzira Makurukota Avo Kusiyana neHuwori

Mutungamiri wenyika VaEmmerson Mnangagwa vakomekedza makurukota ehurumende yavo kuti asiyane nekuita zvehuwori, uye kuti vave vanhu vanokwanisa kumira pachokwadi. VaMnangangwa vataura izvi pamusangano wesvondo yeZaoga waitirwa muHarare neSvondo.
Ndira 24, 2020
Dare Rinoti VaChiwenga Ngavadzosere Vana Kuna Muzvare Marry Mubaiwa

Dare repamusoro rakomekedza mumwe wevatevedzeri vemutungamiri wenyika, VaConstantino Chiwenga, kuti vadzosere vana vatatu kumudzimai wavo wavari kunetsana naye, Muzvare Marry Mubaiwa.
Ndira 21, 2020
VaChamisa Vanoti Gore Rino Bato Ravo Richaratidzira Zvakanyanya

Vachitaura pamberi pevatsigiri vavo mumusha weMbare muHarare pavanga vachiparura hurongwa hwebato ravo hwegore rino, VaChamisa vati ruzhinji rweZimbabwe rwanyanya kutambudzika nekusamira zvakanaka kwehupfumi hwenyika uye havasi kufara nekubirirwa kwavanoti kwakaitwa sarudzo dzemuna 2018.
Ndira 15, 2020
Varairidzi Vakawanda Havana Kuenda kuMabasa Avo

Sangano revadzidzisi vekumaruwa reAmalgamated Rural Teachers Union of Zimbabwe, kana kuti ARTUZ, rinoti nhengo dzaro zhinji hadzina kuenda kubasa nhasi nechikonzero chekuti hadzisi kukwanirwa nemari dzemihoro.
Ndira 13, 2020
Mukuru weVatongi VaMalaba Vanoti "Mashurugwi" Anofanira Kurangwa neChimbi Chimbi

Mutongi wematare VaLuke Malaba vanoti vari kuuraya vanhu nemabhemba vanofanira kurangwa nechimbi chimbi
Ndira 08, 2020
Vamwe Vanoti VaMnangagwa Havafaniri Kuenda kuZororo Munyika Musina Kumira Zvakanaka

Mutungamiri wenyika, VaEmmerson Mnangagwa, vatanga zororo ravo repagore uye vatevedzeri vavo vachange vachichinjana kubata matomhu pamavhiki matatu VaMnangagwa vanenge vari pazororo.
Ndira 07, 2020
Muzvare Marry Mubaiwa Vopihwa Mukana weKubvisa Mari yeChibatiso

Mudzimai wemutevedzeri wemutungamiri wenyika VaConstantino Chiwenga, Muzvare Marry Mubaiwa, nhasi vapihwa mukana wekubhadhara mari yechibatiso nedare repamusoro.Muzvare Mubayiwa vari kupomerwa mhosva dzekuda kuuraya murume wavo kubudzitsa mazakwatira emari yekunze kunze kwenyika nezvimwewo.
Ndira 06, 2020
Muzvare Marry Mubaiwa Opihwa Mukana weKubvisa Mari yeChibatiso

Mudzimai wemutevedzeri wemutungamiri wenyika VaConstantino Chiwenga, Muzvare Marry Mubaiwa, nhasi vapihwa mukana wekubhadhara mari yechibatiso nedare repamusoro reHigh Court.

XS

SM

MD

LG