Jonga Kandemiiri

Munhu Mumwechete Anofa neCovid-19 muNyika Yose

Bazi rezvehutano rakazivisa nemusi weChina manheru kuti munhu mumwechete akafa neCovid-19, uye vamwe makumi maviri nemumwe vakawanikwa vaine denda iri nezuro wakare, vatatu vavo vari vana vechikoro, vaviri kuManicaland nemumwechete ku Matabeleland North.

Chizvarwa cheZimbabwe VaTembo, Vanokundwa muSarudzo dzaMeya weAllentown muAmerica

Nemusi weChipiri mamwe matunhu emuAmerica akaita sarudzo dzekutsvaga magavhuna nemameya kusanganisira mudunhu rePennsylvania, uko chizvarwa chekuZimbabwe, VaSolomon Tembo, vakakwikwidza musarudzo yameya wedhorobha reAllentown.

Nyanzvi dzeHupfumi Dzopa Maonero Akasiyana paNyaya Yekuti Makambani Awedzera Zvigadzirwa

Dzimwe nyanzvi mune zvehupfumi dzinoti dzinowirirana nemashoko akataurwa negurukota rezvemari, Muzvanafundo Mthuli Ncube, ekuti zvigadzirwa zvemunyika zvakakwira mumwedzi mipfumbamwe yekutanga kwegore rino kubva muna Ndira kusvika muna Gunyana.

Apostle Chiwenga Vanotiza muZimbabwe Vachiti Vari Kutyira Hupenyu Hwavo

Mufundisi wekereke yeJesus Revelation Ministries, Apostle Talent Chiwenga, avo vanozivikanwa zvikuru nekushoropodza kwavo hurumende pamwe nevamwe vakuru muhurumende, vanoti vakamanikidzwa kutiza munyika vachityira hupenyu hwavo vachiti pane vanhu vaivateveredza. 

Kambani yeAnjin Inoudzwa Kuti Ibatsire Vagari Munharaunda Yairi Kuchera Mangoda

Vagari vekwaChiadzwa, mudunhu reManicaland, nezuro vakaratidzira uye vakamisa kucherwa kwemangoda nevashandi vekambani yeku China, yeAnjin Investiments, vachinyunyuta kuti iri kungomora hupfumi mwemudunhu ravo asi isina zvairi kuitirawo vagari.

Hurumende Yokurudzirwa Kuzadzisa Kurudziro yaAmai Douhan Yekuti Pave neNhaurirano

Muongororo yavo, Amai Douhan vakakurudzira kuti zvirango zvibviswe, asi vachitiwo munyika munofanirwa kuve nenhaurirano dzakarongeka pamusoro pekuvandudzwa kwezvematongerwo enyika, kodzero dzevanhu pamwe nekuremekedzwa kwebumbiro remitemo.

VaSolomon Tembo Vokwikwidza Zvakare Musarudzo yaMeya veAllentown muAmerica

Vagari vemudhorobha reAllentown riri mudunhu re Pennsylvania muno muAmerica vari kupinda musarudzo yekutsvaga meya weguta ravo neChipiri chinouya, zvichitevera kukandwa mujeri kwevaive meya, VaEd Pawlowski, avo vari kupika makore gumi nemashanu nemhosva dzinosanganisira huwori.

Musangano weZanu PF weNational Conference Wotarisirwa Kutanga neChitatu kuBindura

Bato reZanu PF rinoti rakaendesa mberi kumusi weChitatu 25 Gumiguru zuva rekutanga musangano waro weNational People’s Conference kuitira kaderedza mazuva achaungana nhengo dzaro kumusangano wepagore uyu.

Zanu PF Inoti VaSybeth Musengezi ,Vari Kupikisa Kudomwa kwaVaMnangagwa Kuti Vabate Matomu, Vakabuda muBato Iri Kare

Bato reZanu PF rinoti vari kuzviti inhengo yebato iri, VaSybeth Musengezi, avo vakaenda kumatare edzimhosva vachipikisa kusarudzwa kwaVaEmmerson Mnangagwa kuti vafanobata matomu vachiti kwaive kunze kwemutemo, havachisiri nhengo sezvo vakabuda mubato iri kare.

Vagari vekuMashonaland East Votambira neMufaro Kuvhurwa kweFekitari yeMichero kwaMutoko

Mutungamiri wenyika, VaEmmerson Mnangagwa, vavhura fekitari inogadzira zvekudya kubva mumichero nemiriwo.

Vadzidzi Vanobva kuZimbabwe Vari muAmerica Vobatsirwa neMabasa naVaMhlanga

Mumwe wevari kubatsira vanenge vabva kuZimbabwe vachienda kunze kwenyika, zvikuru vana vechikoro vanopinda muAmerica, ndaVaAugustine “Gus” Mhlanga, avo vari kuTucson mudunhu reArizona.

Nyanzvi dzeHupfumi Dzinoti Matanho eRBZ paMusika weMari yeKunze Anogona Kusashandura Zvinhu

Izvi zvinotevera musangano wakaitwa neMuvhuro pakati pebhanga guru renyika, reReserve Bank of Zimbabwe, gurukota rezvemari Muzvinafundo Mthuli Ncube, gurukota rezvemaindasitiri Amai Sekai Nzenza, vemabhanga pamwe nevemabhizimusi.

Varairidzi Vanocherechedza Zuva reVarairidzi Pasi Rose Vachiti Vachashanda Zuva Rimwe paSvondo

Varairidzi vemunyika vazivisa neMuvhuro kuti vachange vachishanda zuva rimwe chete pasvondo sezvinoenderana nemihoro yavo, iyo vanoti iri pazvikamu makumi maviri nechimwe kubva muzana zvemihoro yavaifanirwa kunge vachiwana.

Mhuri Dzaishanda paPurazi rekwaKasukuwere reMapunga kuBindura Dzinoburitswa Mudzimba

Vanhu vanodarika zana vaive vashandi vepapurazi reMapunga riri kuBindura, kuBindura kudunhu reMashonaland Central, vanonzi vave kugara pamhene zvichitevera kuburitswa kwavakaitwa mudzimba dzepapurazi iri nechikonzi chedare nemusi weChina.

Chikwata cheZimbabwe Warriors Chinorohwa neGhana muMutambo we2022 World Cup Group G

Nhengo dzeZINASU Nhanhatu Dzinosungwa kuMasvingo

Nhengo nhanhatu dzesangano revadzidzi vemuzvikoro zvepamusorosoro, reZimbabwe National Students Union, ZINASU, dzinonzi dzasungwa  mangwanani eMugovera kuMasvingo uko dzanga dzichiita musangano wadzo weGeneral Council pane imwe hotera.

Zimbabwe Imwe yeNyika Dzave Kubvumidzwa Kupinda muBritain Zvichitevera Kudzikira kweCovid-19 muNyika

Hurumende yeBritain yakazivisa svondo rino kuti kubva neMuvhuro unouya zvizvarwa zveZimbabwe zvinenge zvave kubvumidzwa kushanyira nyika iyi zvichitevera kubviswa kweZimbabwe nedzimwe nyika panyika dzairambidzwa kupinda munyika iyi dzichinzi dzaive nedambudziko redenda reCovid-19 rakakurisa.

Zanu PF Yoti VaMnangagwa Vapiwe Mamwe Makore Mashanu, Ukuwo MDC-T Ichiti Sarudzo Dzimbosendekwa

Pasi pe #FiveMoreYears, iyo iri kutenderera pamadandemutande, vatsigiri veZanu PF ava vari kuti mutungamiri wenyika vanofanirwa kupiwa nguva yekupedza zvirongwa zvakaita sekugadziridza hupfumi hwenyika, migwagwa, zvikoro, makiriniki, kuwanisa vanhu mvura uye kusimudzira nhau dzekurima.

MDC Alliance Inoumba Bazi Richashanda neVana veZimbabwe Vari Kunze kweNyika

Mutungamiri weMDC Alliance, VaNelson Chamisa, svondo rapera neChishanu vakadoma VaClifford Hlatywayo semunyori anoona nezvezvizvarwa zveZimbabwe zviri kunze kwenyika anenge achishandira kuhofisi mavo, reDiaspora Affairs and Mobilization.

ZCTU Inokurudzira Hurumende Kuti Imise Kukwidzwa kweMitengo yeZvinh

Sangano remubatanidzwa wemasangano evashandi, reZimbabwe Congress of Trade Unions, ZCTU, rinoti riri kukurudzira hurumende kuti itore matanho pakudzikamisa mitengo yezvinhu munyika, iyo rinoti yave kuramba ichiita hcamurambamhuru kukwira.