Breaking News

Jonga Kandemiiri

Produced by Jonga Kandemiiri

Gumiguru 22, 2019
Hurumende Yokurudzirwa Kugadzirisa Zvakamboita Kuti Zvirango Zvidzikwe

Vamwe vakuru muhurumende pamwe nemakambani anodyidzana nayo vakatemerwa zvirango mushure mekutyora kodzero dzevanhu, kusaremekedza zvivakwa zvevanhu, uye kugadziridza hupfumi hwenyika
Gumiguru 21, 2019
Vanhu Gumi Vakasungwa Svondo Rapera Vanobvisiswa Mari yeChibatiso

Vanorarama nekutengesera mumigwagwa yemuHarare gumi vakasungwa svondo rapera vachipomerwa mhosva yekurova mupurisa vamiswa pamberi pedare ramejasitireti nhasi vakapiwa mukana wekubvisa mari yechibatiso.
Gumiguru 20, 2019
Sangano reYoung Journalists Association Ronyunyuta neKurohwa kweNhengo Yaro neMapurisa

Izvi zvinotevera kurohwa nekukuwadzwa nemapurisa kunonzi kwakaitwa mutori wenhau ari kudzidzira basa rake achishanda nekambani yeAlpha Media Holdings, Ruvimbo Muchenje, muHarare neMugovera apo aive munzira kuenda kubasa kwake.
Gumiguru 20, 2019
VaMnangagwa Vanoramba Hurongwa hweveMakereke hweKumbosendeka Sarudzo

Vatungamiri vemakereke vakanga vabuda nekurudziro yekumbosendeka sarudzo parutivi iyi vachiti zvinopa nyika mukana wekuzvivaka pastsva, kupa vimbo pamwe nekumutsiridza hupfumi hwenyika pasina kukanganiswa nezvematongerwo enyika.
Gumiguru 19, 2019
Musungwa Anoshaya Zvichitevera Kushungurudzwa Kwaanonzi Akaitwa neMapurisa

Mumwe wevanhu vakasungwa nemapurisa muHarare mukutanga kwesvondo rino, VaTafadzwa Hilton Tamangani, anonzi ashaya ari muhusungwa akamirira kutongwa.
Gumiguru 18, 2019
Mari Inodiwa neMhuri yeVanhu Vashanu paMwedzi Yakwira Zvakanyanya

Sangano guru rinomirira vashandi munyika, reZimbabwe Congress of Trade Unions, ZCTU, rinoti nekuda kwekukwira kuri kuramba kuchiita mitengo yezvinhu munyika, mhuri ine vanhu vashanu yave kutoda mari inodarika zviuru zvisere zvemadhora emunyika pamwedzi.
Gumiguru 17, 2019
Vanopikisa Voshora Hurongwa Hwekuti Munhu Wese Afore Achishoropodza Zvirango

Vatsigiri veZanu PF vanogara vachifora vachishoropodza zvirango zvavanoti zvakatemerwa Zimbabwe nenyika dzinoti America, Australia pamwe nesangano reEuropean Union.
Gumiguru 10, 2019
Vanamukoti Vanoti Vari Kumerwawo neMitengo yeZvinhu Yakwira

Sangano ravanamukoti reZimbabwe Nurses Association rinoti nekuda kwekuramba mitengo yezvinhu zvinodiwa zuva nezuva ichingokwira, nhengo dzaro dzasvikawo pachinhanho chekuti hadzichakwanise kuramba dzichienda kumabasa.
Gumiguru 09, 2019
Hurumende Yoronga Kuita Tsvakurudzo Yekuti vari Kunze Vavhote muSarudzo

Izvi zvakaziviswa negurukota rezvemutemo, VaZiyambi Ziyambi, avo vakaudza bepanhau reSunday Mail kuti hurongwa hwekuona kuti dzimwe nyika dziri kuzvifambisa sei huri kutanga gore rinouya.
Gumiguru 08, 2019
Kudhura kweMafuta eDzimotokari Kwoomesera Vemichovha neVafambi

Vemichovha inotakura veruzhinji vakawanda vanonzi vamanikidzwa kubuda mumugwagwa nekuda kwemutengo wemafuta wakakwidzwa zvakare mukupera kwesvondo, izvo zvita kuti vaswere vakapaka dzimotokari dzavo.
Gumiguru 07, 2019
Varimi Vanotambira Mutengo weChibage kuGMB Asi Vachichema neKudhura kweZvekurimisa

Hurumende yakazivisa kuti mbesa dzinoti chibage, zviyo, mhunga nemapfunde zvave kutengwa nemari inoita zviuru zvina zvemadhora emunyika, kubva pamadhora zviuru zviviri nezana mumwaka wekurima wa2019/2020.
Gumiguru 06, 2019
Hurumende Yoshoropodzwa Nekuda kuVandudza Mutemo weSarudzo yeMutungamiri weNyika

Mutemo uyu unonzi unoda kuti vanozopinda musarudzo yemutungamiri wenyika vatange vadomwa nevanhu vanosvika chiuru kubva mumatunhu gumi emunyika, uye kuti mari dzavanobhadhara kuti vakwikwidze dzikwidzwe kubva pachiuru chemadhora.
Gumiguru 06, 2019
Hurumende Yoronga Kuendesa Vanachiremba kuMatare eDzimhosva

Hurumende inonzi iri kuronga kuendesa vanachiremba vari kuramwa mabasa kumatare edzimhosva senzira yekugadzirisa makakatanwa aripo panyaya dzemihoro.
Gumiguru 03, 2019
Poita Monero Akasiyana paNyaya yeKugadzirisa Matambudziko eNyika

Bato rinopikisa reMDC inotungamirirwa naVaNelson Chamisa ragara richiti hurumende yaVaEmmerson Mnangagwa yakundika kugadzirisa matambudziko akatarisana nenyika, zvikuru munyaya dzezvehutano, hupfumi nezvematongerwo enyika.
Gumiguru 02, 2019
Vari Kunze kweNyika Vobatsira Vari Kumusha neZvinodiwa paKurima

Zvizvarwa zveZimbabwe zviri kunze zvagara zvichibatsira hama neshamwari kumusha nezvakasiyanasiyana zvinosanganisira zvekudya nekuda kwemamiriro akaita zvinhu munyaya dzeupfumi hwenyika munyika.
Gumiguru 01, 2019
Pova neMaonero Akasiyana paMashoko eSONA Aturwa naVaMnangagwa

Nyanzvi iri kuita zvidzidzo zvepamusorosoro paUniversity of Johannesburg ku South Africa, Doctor Pedzisai Ruhanya, vanoti VaMnangagwa vangobatabata zvinhu zviri kunetsa muZimbabwe, asi havana kuenda pamwongo kuti vatarise kuti zvinhu zvese zvri kunetsa zviri kukonzerwa nechii.
Gunyana 29, 2019
Sangano rePTUZ Roshora Mafambisirwo eChirongwa cheBiometric

Mutungamiri wePTUZ, Doctor Takavafira Zhou, vanoti varairidzi vakawanda vakaedza kunonyoresa pasi pechirongwa ichi asi vari kusangana nezvimhingamipinyi zvakasiyanasiyana zviri kuvatadzisa kuti vange vachipa zvese zviri kudiwa nehurumende pamusoro pavo.
Gunyana 26, 2019
Mapurisa Oshoropodzwa neKumbozvidza Mutongo weDare paNyaya yaDr. Magombeyi

Vamwe vari kushoropodza mapurisa vachiti kuita uku kunoratidza kuti hurumende ine zvairi kuda kuviga kuti zvisabuda, vamwe wvo vachiti mapurisa akatevera bumbiro remitemo iro rinoti anofanirwa kuchengetedza zvizvarwa zvenyika zvese.
Gunyana 25, 2019
Mutungamiri weNyika, VaMnangagwa, Vokurudzirwa Kuremekedza Kodzero dzeVanhu

VaMnangagwa vari kutarisirwa kuzivisa musangano uyu nezvebudiriro yaitwa nehurumende yavo kubva vapinda mumasimba muna 2017, uye kukurudzira kuti zvirango zvavanoti zvakatemerwa nyika zvibviswe.
Gunyana 24, 2019
Kukwira kweMitengo yeZvinhu Kwoomesera Veruzhinji

Kuramba mari yenyika ichishaya simba zvichienzaniswa nemari yekunze kunonzi kuri kukonzera kuti mitengo yezvinhu zvakawanda ikwire, izvo zvinonzi zvave kupa kuti vakawanda munyika vanonge svosve nemuromo.

XS

SM

MD

LG