VaRuhanya Vanoti VaMnangagwa Havana Kubata Mwongo weNyaya

Mutungamiri wenyika, VaEmmerson Mnangagwa vatura mashoko avo kumhuri yeZimbabwe vachipa mamiriro akaita zvinhu, uye zvavanotarisira kuti zviitwe senzira yekugadzirisa matambudziko akatarisana nenyika.

Asi imwe nyanzvi mune zvematongerwo enyika, inoti mashoko avo haana kubata mwongo wematambudziko akatarisana nenyika.

Doctor Pedzisai Ruhanya, avo vari kuita zvidzidzo zvepamusorosoro paUniversity of Johannesburg ku South Africa, vanoti VaMnangagwa vangobatabata zvinhu zviri kunetsa muZimbabwe asi havana kuenda pamwongo kuti vatarise kuti zvinhu zvese zvri kunetsa zviri kukonzerwa nechii.

Doctor Ruhanya vanoti kunyange hazvo mutungamiri wenyika abata nyaya dzakawanda dziri kusangana nenyika, dzakafanana nekushaikwa kwemari mumabhanga, kushaikwa kwechikafu nezvimwe, havana kutaura kuti vachagadzirisa sei zviri kukonzeresa matambudziko aya.

VaRuhanya vanoti chikuru chinofanirwa kugadziriswa muZimbabwe inyaya yezvematongerwo enyika, iyo vanoti ndiyo dambudziko guru.

Embed share

hurukuro naDoctor Pedzisayi Ruhanya

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:39 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player