Breaking News

Jonga Kandemiiri

Produced by Jonga Kandemiiri

Kurume 10, 2020
Murume Akambotiza kuWilkins Anowanikwa Asina Coronavirus

Chizvarwa chekuThailand chakatiza muchipatara cheWilkins muHarare neSvondo chinonzi chadzoka chega kuchipatara ichi uko chazoongororwa kana chiine hutachiwana hwecoronavirus kana chirwere che COVID-19.
Kurume 06, 2020
Hurumende Yopomerwa Mhosva yeKumanikidza Varairidzi Kunyora Magwaro eKubhadhara Mari yeZvitoro zveMauto

Rimwe sangano rinomirira varairidzi, reProgressive Teachers’ Union of Zimbabwe, PTUZ, rinoti harisi kufara nedanho rarinoti riri kutorwa nehurumende rekumanikidza varairidzi kunyora mafomu arinoti ari kuda kushandiswa mukubata mari dzekufambisa zvitoro zvemauto kana kuti garrison shops.
Kurume 05, 2020
Hurumende Inoshoropodza Kuwedzerwa kweZvirango neAmerica

Hurumende inoti yakatyamadzwa nedanho rakatorwa nemutungamiri weAmerica, VaDonald Trump rekuwedzera zvirango zvakatemerwa nehurumende yeAmerica vamwe vakuru muhurumende nemubato reZanu PF uye makambani anodyidzana nehurumende.
Kurume 04, 2020
Zvizvarwa zveZimbabwe Zvoyambirwa Kutora Matanhu ekuDzivirira Coronavirus Kwese Kwazviri

Nyika dzakawanda pamwe nemasangano akasiyanasiyana pasi rose vave kutora matanho akasiyanasiyana ekudzivirira kupararira kwehutachiwana hwechirwere che coronavirus, icho chinonzi chabata vanhu vanodarika zviuru makumi mapfumbamwe pamwe nekuuraya vamwe vanodarika zviuru zvitatu pasi rose.
Kurume 03, 2020
Sarudzo yeBato reDemocratic Party muAmerica Yotsviriridza muMatunhu Gumi neMana

Nhengo dzebato reDemocratic Party dziri kuda kumirira bato iri musarudzo yemutungamiri weAmerica ichaitwa muna Mbudzi gore rino dziri kutatsurana musarudzo yekutsvaga achamirira bato kana kuti primary elections, iri kuitwa mumatunhu gumi nemana emuAmerica neChipiri.
Kurume 02, 2020
Masangano ane Chekuita neDzidzo Anosangana neKomiti yeParamende Kuzeya Mamiriro Akaita Zvinhu

Komiti yeparamende inoona nezvedzidzo iyi ndiyo inonzi yakakoka masangano ose ane chekuita nezvedzidzo kuti vapewo pfungwa dzavo pamamiriro akaita zvinhu mune zvedzidzo munyika.
Kukadzi 28, 2020
Varimi Vonyunyuta neMutengo Mutsva weChibage

Mutewedzeri wemutungamiri werimwe sangano rinomirira varimi, reZimbabwe Commercial Farmers Union, Amai Maiwepi Jiti, vanoti mutengo uyu uchaita kuti varimi vakawanda vasadzokere mumunda gore rinouya, uye vazhinji vachaendesa chibage chavo pamusika mutema, apo pari kutengwa nemari yekunze.
Kukadzi 27, 2020
Hurongwa hweHurumende hweKuda Kuvhura Zvitoro zveMauto Hwoshoropodzwa neVakawanda

Hurumende neChitatu yakazivisa kuti ine hurongwa hwekuvhura zvitoro mumakamba emauto zvinenge zviine mitengo iri pasi kuitira kuti mauto asanetseke kuwana zvaanoda pazuva nezuva, zvakaita sehupfu nezvimwe zviri kunetsa kuwana munyika.
Kukadzi 27, 2020
Muchakabvu Tsvangirai Vorangarirwa neMDC

MDC inotungamirirwa naVaNelson Chamisa yakaita musangano neChitatu muHarare wekurangarira mutungamiri wekutanga webato iri, mushakabvu Morgan Richard Tsvangirai, avo vakashaya makore maviri apfuura
Kukadzi 26, 2020
Kanzuru yeHarare Yogadzirisa Nhandare dzeNhabvu Panguva Iyo CAF Yakarambidza Mitambo muNyika

Kanzuru yeguta reHarare inoti iri mushishi kugadzirisa nhandare dzayo dzenhabvu dzose dzinoti Rufaro, Gwanzura neDzivaresekwa, kuitira kuti dzifambirane nekomekedzo yekomiti yeConfederation of African Football yakanga iri munyika ichiongorora nhandare kuti dzinowirirana here nezviga zveFIFA.
Kukadzi 26, 2020
Chikwata cheNhabvu Chotambira Kunze kweNyika Mitambo Yacho yePamba

Mutambi wenhabvu akamboita mukurumbira munyika, Alois Bunjira, anoti zvaitika izvi zvinodzorera nhabvu yemunyika kumashure.
Kukadzi 25, 2020
Huwori, Kusarongeka Zvonzi Ndidzo Honzeri Dzekushaikwa hweHupfu muNyika

Dambudziko rekushaikwa kwehupfu munyika rinonzi nevamwe ratodzika midzi, panguva iyo paine kunakurirana nyoka mhenyu pakati pehurumende nevanogaya upfu, avo vari kunzi vari kunzvengesa upfu, zvikuru hweRoller Meal.
Kukadzi 25, 2020
Mafashamu Ovhiringa Dhorobha reBindura

Kanzura wewadhi 10 uye vari mutevedzeri wameya weBindura, VaNorbert Dhokotera, vanoti kuvhara kwemigero inofanirwa kunge ichirasa mvura ndiko kwakakonzera kuti mvura iyi ijenge ichizopinda mudzimba.
Kukadzi 24, 2020
Vechidiki veMDC Vanga Vari muHusungwa Vanopiwa Mukana weKubvisa Mari yeChibatiso

Vechidiki vaviri veMDC, vanoti VaMakomborero Haruzivishe naVaAllan Moyo, avo vanga vari muhusungwa kubva svondo rapera pavakasungwa vachinzi vakapinda mukuratidzira kusina mvumo, vapiwa mukana wekubhadhara mari yechibatiso kuitira kutongwa vachibva kudzimba dzavo.
Kukadzi 23, 2020
Mutewedzeri weMunyori Mukuru weUN Anopinda muZimbabwe kuMusangano weAfrican Regional Forum on Sustainable Development

Musangano uyu wakanangana nekutarisa budiriro iri kuitwa nenyika dzemuAfrica pasingaparadzwe kana kukanganiswa zviwanikwa.
Kukadzi 23, 2020
VaSikhala Voda Kuripwa Mamiriyoni Matatu eMadhora neKusungwa Kwavakaitwa

VaSikhala vakwirira kumatare gurukota rezvemukati menyika, Vakazembe Kazembe, mukuru wemapurisa Commissioner-General Godwin Matanga, pamwe nemupurisa wekudivi reLaw and Order muHarare avanoti akavashungurudza zvikuru pavaive muhusungwa, Superintendent Daniel Joseph.
Kukadzi 21, 2020
Madzimai Akasungwa kwaMutoko Mushure meKuratidzira kweARTUZ Anobvisiswa Mari yeChibatiso

Dare redzimhosva kwaMutoko rapa mukana wekubvisa mari yechibatiso kumadzimai manomwe akasungwa nemusi weChina mushure mekunge apinda mukuratidzira kunonzi nemapurisa kwaive kunze kwemutemo, kwakanga kwakarongwa nesangano revarairidzi vekumaruwa, reARTUZ.
Kukadzi 21, 2020
Magweta Anorwira Kodzeri dzeVanhu Oshushikana neMaitiro eMapurisa

Sangano remagweta anorwira kodzero dzevanhu, reZimbabwe Lawyers for Human Rights, rinoti riri kushushikana zvikuru nedanho remapurisa muHarare rekushungurudza vana vechikoro vanomwe vepachikoro cheAllan Wilson, vachivati vaive nechekuita nemhirizhonga yakaitika muHarare musi wa 7 mwedzi uno.
Kukadzi 20, 2020
Vamwe Votsigira Danho reMDC Rekuratidzira, Vamwe Vachiti Bato iri Ngaribatane neVamwe muNhaurirano

Mutungamiri webato rinopikisa reMDC, VaNelson Chamisa vakazivisa nezuro kuti bato ravo rave kuzopinda mumigwagwa richiratidzira pamusoro pemabatirwo avakati ari kuitwa nyaya dzehupfumi hwenyika nehurumende yaVaEmmerson Mnangagwa.
Kukadzi 19, 2020
Vechidiki veMDC Vanoratidzira muHarare

Vechidiki ava, avo vangangosvika mazana maviri, vatenderera migwagwa yakawanda muguta vachiratidzira vachinyunyuta nekwavanoti kuoma kwezvinhu munyaya dzezvehupfumi.

XS

SM

MD

LG