Mutungamiri wenyika, VaRobert Mugabe, vanoti vane chivimbo chekuti mutungamiri wenyika yeAmerica mutsva, VaDonald Trump, vachabvisa zvirango zvakatemerwa Zimbabwe muna 2003 ichipomerwa mhosva yekutonga nedemo nekubirira musarudzo.
Mudzimai wemutungamiri wenyika, Amai Grace Mugabe, vanoti chitunha chemurume wavo chichavhoterwa ndokana vakafa sarudzo dzisati dzaitwa.
Komiti yedare reparamende inoona nezvemutemo iri kutanga nemusi weChishanu kunzwa pfungwa dzevanhu panyaya yekuvandudzwa kekutanga kwebumbiro remitemo kana kuti “Constitutional Amendment Bill number one.”
Gavhuna webhanga guru renyika, Doctor John Mangudya, nemusi weChitatu vakaparura hwaro hwekufambiswa kwemari kana kuti “Monetary Policy Statement” vachiti mabond notes ari kushanda kuwedzera huwandu hwefodya iri kurimwa uye kucherwa kwegoridhe.
Mamwe masangano evashandi vehurumende anoti ave kuda kukanda mapadza pasi nenyaya yekusapihwa mari dzemabonasi uye kusawedzerwa mari dzemihoro kwemakore akawanda.
Dare repamusoro reSupreme Court nemusi weMuvhuro rakatenderana neJudicial Service Commission kuti zvayakaita zvekubvunzurudza vatongi vanoda kutora chigaro chemukuru wematare ave kuenda pamudyandigere Justice Godfrey Chidyausiku zviri pamutemo.
Nemusi weChitatu bato rinopikisa reZimbabwe People First rakapatsanuka mushure mekunge vakafanobata chigaro chemutungamiri webato iri, Amai Joyce Mujuru, vati vainge vadzinga dzimwe nhengo dzebato iri nomwe.
Vakafanobata chigaro chemutungamiri weZimbabwe People First, Amai Joice Mujuru, vanoti vadzinga mubato iri nhengo dzinoti VaRugare Gumbo, VaDidymus Mutasa, Amai Margaret Dongo, VaKudakwashe Bhasikiti, VaMunacho Mutezo nevamwe.
Bhanga reStandard Chartered Bank razivisa kuti vanhu vane mari dzavo mubhanga iri havachakwanise kushandisa maATM cards kana vari kunze kwenyika.
Bazi reZanu-PF Youth League iro riri kuronga mabiko ebhavhudhe remutungamiri wenyika VaRobert Mugabe ekusvitsa makore makumi mapfumbamwe nematatu mwedzi uno ku Rhodes Estate Preparatory School (Reps), Matobo kuMatabeleland South riri kupomerwa mhosva yekumanikidza vanhu kuti vabhadhare mari yekuita machikichori aya.
Gweta raPastor Evan Mawarire, VaHarrison Nkomo, vanoti vaendesa mapepa kudare repamusoro reHigh Court vachikumbira kuti Pastor Mawarire vapihwe mukana wekubvisa mari yechibatiso votongwa vachibva kumba.
Sachigaro weZimbabwe Electoral Commission, Amai Rita Makarau, vanoti nyaya yekutungamira sarudzo muZimbabwe yakaoma zvikuru sezvo mapato ose anenge achichema chema nemabatirwo esarudzo.
Kusungwa kwaPastor Evan Mawarire nemusi weChitatu kwakonzera mutauro munyika vamwe vachizvishora asi vamwe vachiti zvakanaka.
Sachigaro wesangano reZimbabwe Electoral Commission Amai Rita Makarau vanoti vari kutarisira kuti vachapedza hurongwa hwekuganhura nzvimbo dzekuvhotera mukupera kwemwedzi uno.
Sangano reElection Resource Centre riri kukurudzira Zimbabwe Electoral Commission kuti ichitanga kudzidzisa vanhu nezvekunyoresa kuti vavhote.
Nyanzvi munyaya dzezvehupfumi dzinoti mugore rino ra2017 hurumende inofanira kusunga dzisimbe kuti hupfumi hwenyika hubude mumadhaka mahuri.
Mutungamiri wenyika, VaRobert Mugabe, vari kumusangano weAfrican Union uri kuitirwa kuAddis Ababa, Ethiopia. Mubatanidzwa uyu wasarudza gurukota rezvekudyidzana nedzimwe nyika muChad, VaMoussa Faki Mahamat, kuti vatungamire mubatanidzwa uyu sasachigaro kana kuti AU Commission chair.
VaGutu vanotiwo vari kuda kuendesawo kumatare bato reZanu-PF vachiripomera mhosva dzekuponda nhengo dzaro dzinosvika mazana maviri muna 2008 panguva yesarudzo.
Kukandirana makobvu nematete kuri kuenderera mberi pakati pebato reZanu-PF nebato rinopikisa kusouth africa reEconomic Freedom Fighters rinotungamirwa naVaJulius Malema.
Makurukota ehurumende anosanganisira rezvevashandi, Amai Prisca Mupfumira, nere zvehutano, Dr David Parirenyatwa, pamwe nagavhuna weReserve Bank of Zimbabwe VaJohn Mangudya, vasangana nemasangano evashandi vehurumende kuti vazeye nyaya yemabhonasi egore rapera.
Rodhai zvimwe
