Breaking News

Thomas Chiripasi

Produced by Thomas Chiripasi

Mbudzi 06, 2020
Chin'ono Anosvika paMatare Akaiswa Cheni Mumakumbo neMumaoko

Mutori wenhau ane mukurumbira, Hopewell Chin’ono, aunzwa kudare akaiswa ngetani dzemumaowoko nedzemumakumbo izvo zvashorwa zvikuru nerimwe remagweta ake, Amai Beatrice Mtetwa Mtetwa mudare.
Mbudzi 05, 2020
Chin'ono Anorara Zvakare Muchitokisi

Mutori wenhau, Hopewell Chin’ono, uyo asvika padare akaiswa ngetani dzemumawoko, akambonetsana nemapurisa achiti haafanirwe kuendeswa kudare rinotonga mhosva dzehuori.
Mbudzi 05, 2020
Hopewell Chin’ono Achisvika paHarare Magistrates Court

Mutori wenhau ane mukurumbira munyika, Hopewell Chin’ono, uyo akasungwa nemusi weChipiri, amiswa pamberi pedare redzimhosva achipomerwa mhosva itsva yekuzvidza matare edzimhosva. (Thomas Chiripasi)
Mbudzi 04, 2020
Mutori weNhau, Hopewell Chin'ono, Otarisirwa Kupinda Mudare neChina

Chin’ono, uyo akasungwa nezuro manheru, aswera ari mumaoko emapurisa pakamba yeHarare Central, uko kwaanonzi apomerwa mhosva yekuzvidza dare.
Mbudzi 04, 2020
Magweta aMuzvare Rushwaya Obvunzurudza Zvakadzama Mapurisa Mudare

Magweta aMuzvare Henrietta Rushwaya nevamwe vavo vana, aenderera mberi nekubvunzurudza mupurisa ari kuferefeta nyaya yekunzi vasungwa ava vaida kuburitsa goridhe munyika zviri kunze kwemutemo.
Mbudzi 03, 2020
Dare Rinoti Muzvare Mamombe Havafanirwe Kuongororwa neMumwe Chiremba

Mutongo wedare ramejasitiriti, Muzvare Bianca Makwande, varasa chikumbiro chemuchuchisi wehurumende panyaya iyi, VaMichael Reza, chekuti Muzvare Joana Mamombe vanoongororwa pfungwa nemumwe chiremba wehurumende wechitatu.
Mbudzi 03, 2020
Mapurisa Anoti Ari Kuferefeta Kambani yeFidelity Printers

Mapurisa anoti ave kuferefeta kambani yeFidelity Printers and Refineries zvichitevera kusungwa kwakaitwa mutungamiri weZimbabwe Miners’ Federation akambomiswa basa, Muzvare Henrietta Rushwaya, panhandare yendege muHarare svondo rapera vaine goridhe rakagezwa rairema makirogiramu matanhatu.
Gumiguru 30, 2020
Amai Auxilia Mnangagwa Vodomwa Mudare seMuridzi weGoridhe Rakasungirwa Muzvare Rushwaya

Mudzimai wemutungamiri wenyika, Amai Auxilia Mnangagwa, vanonzi ndivo muridzi wegoridhe rakawanikwa riina Muzvare Henrietta Rushwaya, avo vakasungwa nemusi weChipiri vachiedza kubuda munyika zvisiri pamutemo negoridhe rinorema makirogiramu matanhatu.
Gumiguru 29, 2020
Mapurisa neVasori Vanosungwawo Munyaya yeGoridhe Yakasungirwa Muzvare Rushwaya

Mutauriri wemapurisa, VaPaul Nyathi, vaudza Studio 7 parunhare kuti vasunga vamwe vanhu vatanhatu vanoti VaAli Mohamed, VaStephen Chengerai Tserayi, VaGift Karanda, VaRaphios Mufandauya, pamwe nemapurisa maviri anoti Superintendent Shoko pamwe naDetective Chief Inspector Chimhungu.
Gumiguru 28, 2020
Muzvare Rushwaya Vomirira Mutongo Uchadzikwa neMusi weChishanu

Vanga vari muchuchisi mudare neChitatu, VaGarudzo Ziyadhuma, vati Muzvare Rushwaya vanofanira kunyimwa mukana wekubhadhara mari yechibatiso sezvo vachiti humbowo hwavave nahwo hunoratidza kuti nyaya iyi haisi diki sezvavaifunga.
Gumiguru 28, 2020
Mutongi Mukuru weMatare eDzimhosva Oburana neVamwe Vatongi

Vatongi vematare edzimhosva vanyorera tsamba mutungamiri wenyika, VaEmmerson Mnangagwa, vachinyunyuta nezviri kuitwa nemutongi mukuru wematare edzimhosva, Chief Justice Luke Malaba.
Gumiguru 27, 2020
Muzvare Rushwaya Vanomiswa Pamberi peDare Vachipomerwa Mhosva yeKuda Kuburitsa Goridhe Munyika Zvisiri paMutemo

Mutungamiri wesangano reZimbabwe Miners Federation, Muzvare Henrietta Rushwaya, vamiswa pamberi pedare ramejasitiriti mushure mekubatwa vaine goridhe panhandare yeRobert International Airport vachida kuenda kuDubai.
Gumiguru 25, 2020
Kutsva kweNdebvu Tinodzimurana: VaMnangagwa Votenda SADC neRutsigiro Rwekuti Zvirango Zvibviswe

Zimbabwe nemusi weSvondo yakacherechedza zuva rekurwisana nezvirango zvakatemerwa mutungamiri wenyika VaEmmerson Mnangagwa nevamwe vavo vari mubato reZanu PF mapato ezvematongerwo enyika vaine maonero akasiyana panyaya iyi.
Gumiguru 24, 2020
Vabereki Vogadzirira Kuvhurwa kweZvikoro Varairidzi Vachiti Havasi Kuzodzokera kuMabasa

Vamwe vabereki nhasi vanga vachiita chipatapata kuita gadziriro yekuti vana vavo vadzokere kuzvikoro mangwana vakatarisira kutanga kudzidza neMuvhuro sezvakatarwa nehurumende. Vana vakatarisirwa kutanga kudzidza vana vari kutarisirwa kunyora bvunzo gore rinouya.
Gumiguru 23, 2020
Zimbabwe Inoshandisa Mari Yakawanda Kutenga Simbi Kunze Dzinofanirwa Kunge Dzichigadzirwa Munyika

Zimbabwe inonzi iri kutenga simbi kubva kunze kwenyika dzinokosha mari inodarika bhiriyoni rimwe chete remadhora ekuAmerica pagore nekuda kwekusashanda kwekambani yeZiscosteel.
Gumiguru 22, 2020
VaMnangagwa Votura Mashoko kuNyika Vachiti Vari Kugadzirisa Hupfumi hweNyika

Mutungamiri wenyika VaEmmerson Mngangagwa neChina vakatura mashoko emamiriro akaita zvinhu pamwe nekuvhura zviri pamutemo chikamu chechitatu cheparamende yechipfumbamwe vachiti hurumende yavo iri mubishi kugadzirisa nhuna dzevashandi vayo pamwe nehupfumi hwenyika.
Gumiguru 16, 2020
Zimbabwe Inobatana nePasi Rose kuCherechedza Zuva World Food Day

Zimbabwe yabatana nepasi rose mukucherechedza zuva rechikafu pasi rose reWorld Food Day, veruzhinji munyika vachichema kuti havana zvekudya zvinokwanira mhuri dzavo.
Gunyana 24, 2020
Nhengo dzeARTUZ Dzotsvaka Mafuro Manyoro kuMiddle East neDzimwe Nzvimbo

Amalgamated Rural Teachers Union of Zimbabwe, ARTUZ, yabirutsa gwaro rinoti pane vadzidzisi vezvidzidzo zvesainzi mazana maviri nemakumi maviri vakasiya basa gore rino vachienda kunotsvaga mafuro manyoro kune dzimwe nyika zvikuru kuMiddle East vachichemachema kuti zvinhu zvamira nemusoro munyika.
Gunyana 24, 2020
Dare reDzimhosva Rinokanda Muzvare Mamombe Mujeri

Mutongi wedare ramejasitiriti, Amai Bianca Makwande, vatura mutongo wekuti Muzvare Mamombe vaende kujeri kwemasvondo maviri vachimirira kuti vaongororwe nanachiremba vakazvimirira vaviri kuti vanokodzera here kuti vatongwe zvichitevera kurwara kwavanoti vari kuita.
Gunyana 18, 2020
Vatori veNhau Vanorohwa neKuputsirwa Mishina Yavo Vachiita Basa Ravo

Vanhu vasiri kuzivikanwa kuti ndivanani varova zvakaipisisa vatapi venhau pamwe nemutungamiri weZinasu, VaTakudzwa Ngadziore, pavanga vachiita musangano nevatori venhau pedyo nemahofisi ekambani yeImpala Car Rental.

XS

SM

MD

LG