Dhora remuZimbabwe riri kuramba richishaya simba zvakanyanya zvave kupa kuti mitengo yezvinhu irambe ichiita chamurambamhuru sezvakamboitika kumakore ekuma2007 na2008.
Mukuru anoona nezvehutano mukanzuru yeHarare Dr Prosper Chonzi varamba mashoko ekuti munyika mune chizvarwa chekuChina chakafa nechirwere checoronavirus.
VeItai Dzamara Trust vobatsira mamwe madzimai apo pasi rose ropembererera zuva remadzimai.
Zimparks inoti iri kuongorora nyaya yemumwe mushandi wekambani yeNational Railways of Zimbabwe VaThomas Muputsa vanonzi vakaurayiwa neshumba kuDete, Hwange nemusi weChipiri.
Sangano reGMAZ rinoti riri chiri rakangomirira kunzwa kubva kuhurumende kuti mutengo wehupfu hwowedzerwa kusvika papi.
Gurukota rinoona nezvehutano muSouth Africa, Dr Zweli Mkhize, vazivisa kuti pane mumwe murume ane makore makumi matatu nemasere abatwa nechirwere charura pasi rose cheCoronavirus.
Reserve Bank of Zimbabwe iri kuramba mashoko ekuti iri kudhinda mari muchivande zvinonzi zvatosvora IMF
Murairidzi mutsva wechikwata chemaWarriors, Zdravko Logarusic nhasi adoma chikwata chevanhu makumi maviri nemasere vachaita gadziriro yemakwikwi e2020 Africa Nations Championship kana kuti CHAN achatambirwa kuCameroon kuva musi wa 4 kusvika 25 Kubvumbi.
Zvinhu zvichiri zvakaita manyama amire nerongo muChitungwiza umo makasungwa vechidiki veMDC gumi nemumwe nezuro mushure mekunge mapurisa afumobata jongwe muromo.
Nyanzvi munyaya dzezvematongerwo enyika VaBrian Kagoro vanoti vaimbova mutungamiri wenyika yeSouth Africa VaThabo Mbeki vanofanira kutanga vaongorora kuti chii chakambopa kuti zvimwe zvakatenderana kuti zviitwe pavaive mutongi gava muZimbabwe zvisazadzikiswe.
Mumusha weSt Mary’s, Chitungwiza nhasi maswere muine bata murefu bata mupfupi apo vechidiki veMDC vange vachirwisana nemapurisa.
Mutauriri wemapurisa Assistant Commissioner Paul Nyathi vanoti mitumbi yevanhu vaviri vakadhirikirwa nemugodhi neChipiri paLumbo 18 Zuze Syndicate kuShamva yakaburitswa nezuro.
Zesa yawedzera mutengo wemagetsi nezvikamu gmi nezvipfumbamwe kubva mazana kutanga musi wa 1 Kurume. Asi vamwe vataura neStudio 7 vari kuchema chema kuti ZESA iri kungowedzera mutengo magetsi acho asiri kuwanikwa.
Nyanzvi munyaya dzezvehupfumi, uye vachidzidzisa paNelson Mandela Metropolitan University, Muzvinafundo Gift Mugano, vanoti ichokwadi kuti nyika inoda mitemo yakajeka kwete kuita kunge rwaizvhi.
Dare remakurukota nhasi rabuda nechisungo chekuti mauto nemapurisa vapihwe mukana wekutenga zvinhu zvine mutengo wakaderera muzvitoro zviri kumakamba avo.
Munyori mukuru wesangano revashandi reZCTU VaJaphet Moyo vanoti panofanira kuitwa musangano wechimbi chimbi weTNF kuzeya nyaya yemitengo yezvinhu yoramba yoita chamurambamhuru.
Muimbi aive nemukurumbira pasi rose Joseph Shabalala uyo akavamba chikwata cheLadysmith Black Mambazo aradzikwa muSouth Africa nhasi kusteadville, Kwazulu-Natal.
Zimbabwe yakabatana nedzimwe nyika dzemuSADC inonzi iri kuita hurukuro neRussia kuti ivake pombi yekutakura mafuta ekufambisa dzimotokari.
Britain, iyo yakabuda mugungano reEuropean Union, EU, yawedzerawo negore zvirango zvakatemerwa mumwe mutevedzeri wemutungamiri wenyika, VaConstantino Chiwenga, mukuru wemauto, VaValerio Sibanda, uye gurukota rezvekurima, VaPerrance Shiri.
Vamwe varairidzi nevabereki gumi nhasi varatidzira kwaMutoko pamahofisi ebazi rezvedzidzo vakambochengetedzwa nemapurisa.
Rodhai zvimwe
