Mukuru anoona nezvehutano mukanzuru yeHarare Dr Prosper Chonzi varamba mashoko ekuti munyika mune chizvarwa chekuChina chakafa nechirwere checoronavirus.
Dr Chonzi vati ongororo yavakaita yakaratidza kuti chainge chisina chirwere ichi.
Chizvarwa chekuChina chechidzimai ichi chakatanga kurwara chiri kwaMutare chichibva chaenda kuna chiremba wacho wekuChina uyo akati chiende kuWest End Clinic.
Asi vanachiremba pachipatara apa vakabva varamba kumuona vachibva vati aendeswe kuWilkins Hospital uko akafa ari munzira.
Dr Chonzi vanoti kune chimwe chizvarwa chekuItaly chakaendeswa kuchipatara ichi chichiti chairwara asi chakazonzi hachinawo chirwere ichi.
Vanhu vanodarika zviuru zvitatu vafa nechirwere checoronavirus pasi rose uye muAfrica chiri kuSouth Africa, Nigeria, Algeria neEgypt. Vabatwa nechirwere ichi pasi rose vanodarika chiuru zana.
Facebook Forum