Breaking News

Blessing Zulu

Produced by Blessing Zulu

Chikumi 04, 2020
Kukandirana Makobvu neMatete Pakati peAmerica neZimbabwe Kwoenderera Mberi

Paita kukandirana makobvu nematete pakati peZimbabwe neAmerica nenyaya yekodzero dzevanhu zvichiteverewa kuurayiwa kwemumwe murume mutema wekuAmerica VaGeorge Floyd pachipomerwa mapurisa mana mhosva yekumuponda.
Chikumi 02, 2020
Nyanzvi Dzinoti Zimbabwe Ngaishandise Dhora rekuAmerica neKuti RBZ Yakundikana Kusimbaradza remuNyika.

Dzimwe nyanzvi munyaya dzezvehupfumi dzinoti hurumende inofanira kungobvumidza vanhu kushandisa dhora rekuAmerica nekuti zvave pachena kuti matanho ari kutorwa neReserve Bank of Zimbabwe kuda kusimbaradza dhora reZimbabwe ari kukundikana uye zvinhu zvave kudhura zvakanyanya
Chikumi 01, 2020
Madzimai Oyambirwa nezveChirwere CheKusagadzikana Mupfungwa Achongobva Kusunguruka

Nyanzvi munyaya dzezvehutano dziri kuyambira vanhu kuti vagare vakangwarira nyaya yekurwara nepfungwa kunogona kuita madzimai kana achangobva mukusungunuka zvinogona kuti vamwe vagume vatora hupenyu hwavo.
Chikumi 01, 2020
Vanachiremba veKodzero Voendesa Hurumende kuMatare Pamusoro peNzvimbo Dziri Kuchengeterwa Vanhu Munguva yeCoronavirus

Doctor Nyamande vanoti hurumende inofanirwa kuwanisa vanhu ava zvikwanisiro zvakakwana, sezvo vanhu ava vari kunzi havana mvura yakakwana uye vari kugara vakamanikidzana, vasiri kupana mukaha sezvinokurudzirwa kuti vanhu vasatapurirana chirwere ichi.
Chivabvu 31, 2020
MDC Alliance Yosanga Svondo Rino Kuzeya Gwara reKutora

Munyori mukuru weMDC Alliance VaCharlton Hwende vanoti bato ravo rapedza kunzwa kubva kuvatsigiri varo nezvegwara rekutora mushure mekunge ivo nevamwe vavo vatatu vadzingwa mudare reparamende
Chivabvu 31, 2020
Matunhu Ose eZimbabwe Ave neMunhu Abatwa neCoronavirus

Bazi rezvehutano rinoti huwandu hwevanhu vabatwa nechirwere checoronavirus muZimbabwe hwasvika pazana nemakumi manomwe nesere kana kuti 178. Vanhu vafa vachiri vana uye vapora vave makumi maviri nemakumi mapfumbamwe kana kuti 29.
Chivabvu 28, 2020
Nyanzvi dzeHutano Dzokurudzira Vanhu Kuti Vaite 'Social Distancing'

Imwe nyanzvi munyaya dzehutano iri kukurudzira vanhu vari munzvimbo dzekuchengetera vanhu vari kubva kunze kwenyika kuti vangwarire kutapurirwa munzvimbo idzi hutachiona hwecoronavirus uho honokonzera chirwere cheCovid-19.
Chivabvu 27, 2020
Huwandu hweVanhu Vabatwa neCovid-19 muZimbabwe Hwokwira Kusvika paZana neMakumi Matatu neVaviri

Huwandu hwevanhu vabatwa nechirwere cheCovid-19 muZimbabwe hwakwira kusvika pazana nemakumi matatu nemaviri kana kuti 132.
Chivabvu 26, 2020
Dhora reZimbabwe Ronanga kuMawere Zvekare

Dhora remuZimbabwe riri kuramba richishaya simba zvakanyanya kubva bhanga guru renyika zvarakazivisa kuti rainge rounza mari itsva dzemadhora gumi nemakumi maviri svndo rapera.
Chivabvu 25, 2020
Kuputswa kweMisika Koshungurudza Mupfungwa Vamwe Vanorarama neHIV/AIDS

Mamwe madzimai anorarama neHIV/AIDS anoti ari kunetsekana zvikuru nekushaya chikafu zvichitevera kuputswa kwakaitwa misika yavaitengesera miriwo munzvimbo dzakasiyana siyana muguta reHarare.
Chivabvu 25, 2020
VaChamisa Vanoti Kutadza Kutungamira Kwapa Kuti Africa Isarire Shure

Mutungamiri webato guru rinopikisa reMDC Alliance VaNelson Chamisa vanoti nyaya yekutadza kutungamirwa kwenyika yapa kuti nyika dzemuAfrica dzitadze kuzadzikisa tarisiro yemagamba akaita savanamuchakabvu, Kwame Nkrumah, Julius Nyerere nevamwe vakatungamira mukurwisa hutongi hwevasveta simba
Chivabvu 25, 2020
Pazuva reAfrica Day, VaMnangagwa Vokurudzira Kubviswa kweZvirango.

Zimbabwe nemusi weMuvhuro yabatana nedzimwe nyika mukupemberera zuva reAfrica Day iro riri kucherechedzwa pasi pedingindira rakanangana nekumisa hondo uye kurwisa chirwere checoronavirus kana kuti “Silencing the guns in the context of the Covid-19.”
Chivabvu 25, 2020
Vanhu Vashanu Vopora Kubva kuCoronavirus muBulawayo

Bazi rezvehutano rinoti huwandu hwevanhu vabatwa nechirwere checoronavirus muZimbabwe hwasvika pamakumi mashanu nevatanhatu kuti 56.
Chivabvu 21, 2020
VaChamisa Vanoti VaMnangagwa Vakundikana Kugadzira Nyaya Dzekupambwa kweVanhu muNyika

Mutungamiri webato guru rinopikisa reMDC Alliance VaNelson Chamisa vanoti mutungamiri wenyika VaEmmerson Mnangagwa havasi kuratidza hutungamiri panyaya iri kupomerwa mapurisa nevasori yekuva nechekuita nekupambwa kwenhengo dzevechidiki nhatu dzebato ravo.
Chivabvu 17, 2020
VaChamisa Voshora VaMnangagwa neKuti Vanhu Vagare Mudzimba Vasina Chekudya

Mutungamiri webato guru rinopikisa reMovement for Democratic Change VaNelson Chamisa vari kushora zvikuru mutungamiri wenyika VaEmmerson Mnangagwa vachiti havana gwara rakanyatsojeka pakurwisa chirwere checoronavirus.
Chivabvu 17, 2020
Nyaya yeHurumende Yekumanikidza Makombi Kushanda neZUPCO Yokonzera Mutauro

Danho rehurumende rekuda kumanikidza vose vane makombi kuti vashande vari pasi pekambani yeZUPCO iyo iri kutatarikawo rakonzera mutauro wakanyanya munyika.
Chivabvu 14, 2020
VaMwonzora naVaGonese Votatsurana neNyaya yeGwara reKutora paHutungamiri hweMDC

Nhengo dzakawanda dzeMDC Alliance mudare reparamende nemakanzuru dzinoti dziri kuratidza kutsigira VaNelson Chamisa kunyange hazvo vamwe vashoma vari kutsigira MDC inotungamirwa naMuzvare Thokozani Khupe.
Chivabvu 13, 2020
Mapurisa Anosunga Vechidiki veMDC Vachiratidzira muWarren Park

Vasungwa ava vanosanganisira mumiriri weHarare West mudare reparamende, Muzvare Joana Mamombe; mutevedzeri wasachigaro webato revechidiki reYouth Assembly, Muzvare Cecilia Chimbiri, uye mutevedzeri wemunyori anoona nezvekurongwa kwemabasa, Muzvare Netsai Marova.
Chivabvu 13, 2020
Hurumende Youdzwa Kuti Iri Kutadza Kupa Dzidziso Yakakwana yeCoronavirus

Mukuru wePlatform for Youth Development, VaClaris Madhuku, vanoti vari kuitisa dzidziso iyi kumaruwa sezvo vanhu vakawanda vasina ruzivo rwezvedambudziko re coronavirus iyo yapfugamisa pasi rose..
Chivabvu 12, 2020
Mamwe Makambani Achiri Kutatarika Kuzadzikisa Zvinodiwa Kudzivirira Vashandi Kubva kuCoronavirus

Kutanga nemusi weMuvhuro hurumende yakati mamwe mabhizimisi makuru atange kushanda pasi pechikamu chechipiri kana kuti Level Two.

XS

SM

MD

LG