Rimwe gweta rinorwira kodzero dzevanhu, VaNqobani Sithole, avo vakatokwira kudare reConstitutional Court vachipikisa kusandurwa kwebumbiro remitemo, vati vashamisa kuti paramende ichiendererra mberi nekuchinja bumbiro remitemo.
ZACC inoti pane vamwe vashandi vashandi veZINARA vakasungwa mushure mekunge komiti yeparamende nehofisi yaAuditor General yapomera vakuru vekambani iyi mhosva yekuita zvehuori.
Mutongi wedare repamusoro reHigh Court, Justice Tawanda Chitapi, vanonzi vakundikana kupa mutongo wavo pachikumbiro chenhengo mbiri dzeMDC Alliance, Muzvare Joana Mamombe naMuzvare Cecilia Chimbiri, chekuti vatongwe vachibva kumba vachinzi varwara nezino.
Muzvinabhizimisi, VaBill Gates, nemudzimai wavo, Amai Melinda Gates, nezuro, Muvhuro, vakazivisa nezvekupera kwe muchato wavo, mushure memakore makumi maviri nemanomwe vari vose.
Zvakabuda mubvunzo dzeOrdinary Level dzakanyorwa gore rapera zvabuda nhasi bazi rezvekunyorwa kwebvunzo reZimbabwe School Examination Council (Zimsec)richiti kubudirira kwevana mubvunzo kwakadzikira nezvikamu zvitanhatu kubva muzana kana kuti 6.8%.
Imwe nyanzvi yezvekuronga mhuri musangano rePopulation Services Zimbabwe kana kuti PSZ, Dr Raymond Chikoore vari kukurudzira varume kuti vashandisewo dzimwe nzira dziripo dzekuronga mhuri.
Vatori venhau neMuvhuro vakacherechedza zuva rekuremekedzwa kwekodzero dzavo kana kuti World Press Freedom Day vachichema chema kuti makore makumi matatu mushure mechibvumirano chekuWindoek Declaration vachiri kushanda vakamanikidzika munyika.
Nhengo dzesangano iri dzakanga dzakumbira mvumo kumapurisa kuti dzichenese nzvimbo dzeMatererini, Matapi pamwe nekubvisa marara akaunganidzwa pamberi pekamba yemapurisa yeMatapi neChipiri uyewo nemusi weChishanu dzonochenesa mumusika weMbare.
Bazi rezvehutano rinoti nezuro vanhu vaviri vakafa nechirwere cheCovid-19 muHarare nekuMashonaland Central.
Zvinhu hazvina kumira zvakanaka kuMutasa District, kumanicaland uko vanhu vakakuvara uye vamwe vakaputsirwa d dzimba nemhepo nemvura yakasimba yaive nezvimvuramambwenemusi weMugovera neChishanu.
Kunyangwe hazvo muZimbabwe nedzimwe nyika huwandu hwevari kufa nekubatwa nechirwere cheCovid-19 huri kuti dererei parizvino, imwe nyanzvi munyaya dzezvehutano Dr Enoch Mayida vari kuyambira vanhu kuti vasarivare sezvo chirwere ichi chichigona kudzoka zvine hukasha sezviri kuitika kuIndia parizvino.
Gweta rinorwira kodzero dzevanhu, uye vari mukuru we Human Rights Watch kuchamhembe kweAfrica, VaDewa Mavhinga, vanoti chokwadi chiripo ndechekuti VaNyusi havasi kuzvipira panyaya yekuti SADC itumire mauto ayo ku Mozambique.
Rodhai zvimwe