Breaking News

Jonga Kandemiiri

Produced by Jonga Kandemiiri

Chivabvu 03, 2017
Vamwe Vari Kunze Vodzokera Kumusha Kunosimudzira Nyika

Zvimwe zvizvarwa zveZimbabwe zviri kugara kunze kwenyika zvave kudzokera kumusha zvichinotanga mabhindauko akasiyanasiyana, anosanganisira zvematongerwo enyika nemabhizimusi.
Chivabvu 02, 2017
Mapurisa emuHarare Anomisa Kuratidzira Kwanga Kwarongwa neVanotengesera muMigwagwa

Mukuru weVISET, VaSamuel Wadzayi vanoti vambosendeka parutivi hurongwa hwavo hwekufora uhwu mushure mekunge mapurisa avakumbira kuti vatange vasangana nemukuru wemapurisa emuHarare mangwana, uyo anove mutsva.
Chivabvu 01, 2017
Nera Inoti Yakagutswa neHurongwa hweBVR, Asi Ine Zvimwe Zvinyunyuto

Makambani maviri akabudirira anoti Laxton Group yekuChina neDermalog Identification Systems yekuGermany ndiwo akarakidza mashandiro emichina yawo, saka zvasarira ZEC ichishanda neState Procurement Board kuti vasarudze kambani inenge yakabudirira.
Kubvumbi 28, 2017
MDC-T Inoti VaKasukuwere Vakatyora Mutemo Apo Vakambomisa Makanzuru eChitungwiza

Mutauriri webato rinopikisa iri, VaObert Gutu, vanoti VaKasukuwere vakamhanyira kumedza kutsenga vachada, vasina kutanga vapa makanzura aya mikana yekuti vazvichenure kana kuzvisunga nenyaya sezvinodiwa nemitemo inobata makanzuru.
Kubvumbi 27, 2017
VaKasukuwere Vanombomisa Makanzura eChitungwiza Basa

Vambomiswa basa ava vanosanganisirawo meya weChitungwiza, VaPhilip Mutoti, avo vabvuma kuti ichokwadi kuti VaKasukuwere vashandisa avanoti masimba avo pasi pemitemo inobata maguta kuita izvi, uye vapiwa svondo rimwe chete kuti vape divi ravo.
Kubvumbi 27, 2017
Madzimai Ocherechedza Zuva reInternational Women's Day Vachichema Kutyorerwa Kodzero Dzavo

Madzimai anorarama nekutengesa zvinhu pamwe nekuzviitira mabasa emaoko anobva mumatunhu akasiyanasiyana aungana nhasi muHarare achipemberera pamwe nekurangarira zuva remadzimai, kana kuti International Women’s Day, iro rakacherechedzwa musi wa 8 Kurume pasi rose.
Kubvumbi 26, 2017
Mashoko aVaMbalule Okonzera Mutauro muSouth Africa

Zvizvarwa zveZimbabwe zviri muSouth Africa, kusanganisira mumiriri weZimbabwe munyika iyi, VaIsaac Moyo, zvaramba mashoko egurukota rinoona nezvemapurisa muSouth Africa, VaFikile Mbalule, ekuti zvizvarwa zveZimbabwe zviri kutiza muchiuto ndizvo zviri kupara mhosva huru munyika iyi
Kubvumbi 25, 2017
MDC-T Inogutsikana neKuedzwa kweMichina yeBVR, Yoronga Kusangana naVaMugabe

Mapato ose anopikisa ari kurwira kuti mitemo ine chekuita nesarudzo ivandudzwe anonzi ane hurongwa hwekusangana nemutungamiri wenyika VaRobert Mugabe munguva pfupi inotevera, kuti asvitse zvinyunyuto zvaainazvo pamusoro pemitemo ine chekuita nesarudzo.
Kubvumbi 24, 2017
Kuedzwa kweMichina yeBRV Kwatanga muHarare neMuvhuro

Kuedzwa kwemashandiro emichina yekunyoresa vavhoti yechizvinozvino, kwaitwa kekutanga pachikoro cheMabvuku High chiri mumusha weMabvuku muHarare, apo panyoreswa vana vechikoro vane makore ari pasi pegumi nemanomwe sevavhoti.
Kubvumbi 21, 2017
Touching Lives Africa Foundation Yotsvagira Vasikana Vanoshaya maSanitary Pads

Muzvare Monica Chiwunda, kuburikidza nechikoro chavo chevana vadiki cheCapital Kids Pre-School chiri muHarare, pamwechete naVaRabson Shumba, vesangano reTouching Lives Africa Foundation, vari kuunganidza mari kubva kuzvizvarwa zveZimbabwe pamwe nemakambani kuti vabatsire nekutenga ma pads aya.
Kubvumbi 21, 2017
Hurumende Yobhadhara Vashandi Vayo Mabhonasi Ichitanga neMasoja

Sachigaro wesangano ravanachiremba vehurumende, reZimbabwe Hospital Doctors Association, Doctor Edgar Munatsi, vanoti vashandi vatambira nemufaro kuzadzikiswa kwechivimbiso ichi nehurumende sezvo vanga vakatarisira mari dzavo nemaziso matsvuku.
Kubvumbi 20, 2017
Zimra Yowana Mari Inodarika Yayainge Yakatarisira

ZIMRA inoti gore rino yakanga yakatarisira kuunganidza mari inoita $812.94 million, asi yakazogumisira yaunganidza $862.47 million kubva kumitero.
Kubvumbi 18, 2017
Vanopikisa Vanoti Hapana ChekupembereraZuva reKuzvitonga

Mapato anopikisa emunyika abatana nevana veZimbabwe mukucherechedza zuva rekuwana kuzvitonga achiti hapana chekupemberera sezvo nyika yaondongwa nehurumende yeZanu PF, iyo yagara pachigaro kwemakore makumi matatu nemanomwe.
Kubvumbi 17, 2017
Mitengo yeZvinhu Inokwira Izvo Zvoomesera Vakawanda

Gwaro rakaburitswa neZimbabwe National Statistics Agency, Zimstat, rinoratidza kuti mitengo yezvinhu yakakwira nezvikamu zviri pakati, zvinosvika 0,21 kubva muzana kubva mumwedzi waKurume wegore rapera kusvika Kurume wegore rino.
Kubvumbi 14, 2017
Nera Inoumba Makomiti Matatu

Mutauriri weNera, VaDouglas Mwonzora, vanove zvakare munyori mukuru weMDC T, vanoti makomiti matatu aya achange achitungamirwa nevatungamiri vemapato ari muNera.
Kubvumbi 13, 2017
Vakawanda Votarisa Seri kweSarudzo dza 2018

Zvizvarwa zveZimbabwe zvakawanda zvinoti kunyange nyika yave nemakore makumi matatu nemanomwe yawana kuzvitonga, zviri kutotambura zvisati zvamboonekwa pasi rino sezvo zviri kunonga svosve nemuromo nekuda kwekuoma kwezvinhu munyaya dzeupfumi pamwe nedzematongerwo enyika.
Kubvumbi 12, 2017
Vamwe Vari Kunze kweNyika Vogadzirira Mhemberero dzeKuzvitonga

Zvimwe zvizvarwa zveZimbabwe zviri muAmerica zvinoti zviri kuronga kuungana munzvimbo dzakasiyanasiyana kutanga kupera kwesvondo rino zvichisangana nehama neshamwari zvichidya nekunwa pamwechete.
Kubvumbi 11, 2017
Hurumende Yokurudzirwa Kuti Ivimbike muNhaurirano dzeSocial Contract

Chibvumirano ichi chinonzi ndicho chinoonekwa nehurumende senzira chete inokwanisa kubatsira mukubvisa nyika mumatambudziko ayiri.
Kubvumbi 10, 2017
Kutyisidzirwa kweVanhu Kunoonekwa seImwe Nzira Yakabatsira Zanu PF kuMwenezi East

Doctor Ruhanya vanoti dunhu reMwenezi East ndiro rine hurombo hwakanyanya uye kusarira shure zvichienzaniswa nemamwe matunhu ose emuMasvingo.
Kubvumbi 07, 2017
America Yorwisa Syria neMuchadenga

Kurwisa uku kunonzi kwakabvumidzwa nemutungamiri weAmerica, VaDonald Trump, avo vakati nyika yavo yatora danho iri senzira yekudzivirira kupararira kwekushandiswa kwezvombo zvemuchetura.

XS

SM

MD

LG