Misoro yeNhau

VaMnangagwa Vanoti Vave neHukama Hwakasimba naVaMugabe Avo Vari Kurwara Vari kuSingapore

Mutungamiri wenyika VaEmmerson Mnangagwa nezuro vakaita hurukuro neZBC uye bepanhau reHerald ichaburitswa musi wa 18 Kubvumbi pazuva rekupemberera kuwana kuzvitonga kuzere.

MDC Yosarudza Vatungamiri kuManicaland

Bato reMDC riri kuita sarudzo dzakatarisirwa zvikuru nevakawanda mudunhu reManicaland.

Britain Yoronga Kuramba Yakatemera Zimbabwe Zvirango kuNyangwe Ikabuda muEU

Hurumende yeBritain inoti icharamba yakatemera zvirango Zimbabwe kunyangwe ikabuda mugungano reEuropean Union.

Varimi Vachena Vanoti Vanoda Kurimwa Minda kwete Zvivakwa Chete

CFU inoti hurumende inofanira kubhadhara minda kwete zvivakwa nezvimwe zvikwanisiro chete

VaChamisa Vodomwa neMatunhu Mashanu Kuti Vatungamire MDC

Nhengo dzebato reMDC inotungamirirwa naVaNelson Chamisa mudunhu reMashonaland West yaodoma VaChamisa kuti vatungamire bato kubva pakongiresi uye VaCharlton Hwende kuti vakwikwidze chinzvimbo chemunyori mukuru.

VaMthuli Ncube Vopinda Mumisangano yeIMF neWorld Bank muAmerica

Gurukota rezvemari muzvinafundo Mthuli Ncube vari kupinda mumisangano yeWorld Bank neIMF yepagore kana kuti Spring Meetings muno muWashington DC.

Misoro yeNhau, Chishanu 12 Kubvumbi, 2019

Misoro yeNhau dzaNhasi, China, Kubvumbi 11, 2019

MDC inotungamirwa naVaNelson Chamisa inoita makongiresi ematunhu ayo,kusanganisira dunhu reMashonaland West iro rine mutauro mukuru pamaitirwo ekongiresi yaro zvichitevera kutyityidzirana nekudzingana kuri kuitika mubato iri.

Misoro yeNhau dzaNhasi, Chitatu, Kubvumbi 10, 2019

Mutungamiri wenyika, VaEmmerson Mnangagwa, vanosangana nevakuru vakuru vemabhizinesi vachivakurudzira kuti vawedzere rubatsiro kuvanhu vakawirwa nedambudziko redutumupengo nemafashamu eCyclone Idai.

Misoro yeNhau dzaNhasi, Chipiri, Kubvumbi 09, 2019

Hurumende inoti yave nehurongwa hwekuti vana, kana hama dzevanhu vakabatwa nenyaya yeGukurahundi, vakwanise kuwana magwaro ekufa kwehama dzavo pamwe nemagwaro ekuzvarwa senzira yekugadzirisa zvimwe zvezvichemo zvange zviripo zvine chekuita nenyaya yeGukurahundi iyi.

Misoro yeNhau dzaNhasi, Muvhuro, Kubvumbi, 08, 2019

Amai Joyce Mujuru vanoti havana hurongwa hwekudzokera kubato reZanu-PF kunyangwe hazvo bato iri rakatumira nhumwa kuti dzivakumbire kuti vadzoke.