HARARE —
Chikwata che MDC-T chiri kuda kuti mutungamiri webato iri, Va Morgan Tsvangirai, vabve pachigaro chinoti chanyorera tsamba VaTsvangirai yekuvazivisa kuti vachazomiswa pamberi pekomiti inotonga mhosva dzevanhu vanenge vatyora mirawu yebato.
Chikwata ichi chinoti chiri kupomera VaTsvangirai mhosva yekutyora bumbiro remitemo yebato iri pamwe nekushandisa mari yemusangano zvisiri pamutemo.
Vachitaura pamusangano wavaita nevatori venhau neChitatu muHarare, vari kutaura vakamirira chikwata ichi, Va Jacob Mafume, vati komiti yavari kuda kuti itonge Va Tsvangirai iyi ichange iine magweta matatu.
Vachitaurawo pamusangano uyu, vakadzingwa basa semutevedzeri wemubati wehomwe mubato iri, Va Elton Mangoma, vatiwo Va Tsvangirai vane mhosva dzakawanda dzinosanganisira kushandisa mari yebato zvisirizvo kunyangwe hazvo vasina kutaura kuti mari iyi yakawanda zvakadini, kutyora bumbiro remitemo yebato, pamwe nekushandisa mhirizhonga zvichitevera kurohwa kunonzi kwakaitwa ivo Va Mangoma muna Kurume pamuzinda we MDC pa Harvest House.
Asi Va Tapiwa Mashakada, avo vakadomwa neboka raVa Tsvangirai neMuvhuro kuti vafanobata matomhu pachigaro chemunyori mukuru webato zvichitevera kudzingwa mumusangano kwakaitwa Va Biti neMuvhuro, vaudza Studio 7 kuti Va Tsvangirai havana nguva yekuswera vachiita zvemahumbwe. Vati Va Mangoma, Va Mafume pamwe naVa Biti vave nebato ravo saka vanofanira kupedza nguva yavo vachitsvaga zita rebato ravo.
Va Biti, avo vanomirira Harare East muparamende nedzimwe nhengo dzedare iri vakadzingwa nezuro vachipomerwa mhosva yekuita musangano usiri pamitemo yebato iri.
Musangano wakaitwa nana Va Biti uyu wakambomisa basa Va Tsvangirai, mutevedzeri wavo Muzvare Thokozani Khupe, sachigaro webato, Va Lovemore Moyo, nemutedzeri wavo, Va Morgan Komichi, murongi wemisangano mubato iri, Va Nelson Chamisa, pamwe nemutevedzeri wavo Va Abednico Bhebhe.
Asi musanagno wekomiti yepamusoro-soro pakati pemakongiresi ebato iri, ye national council, yakashevedzwa naVa Tsvangirai, wakabuda nechisungo chekudzinga Va Biti nevamwe vavo mubato.
Va Mashakada vanoti Va Biti nevamwe vavo vacharamba vasiri nhengo dzebato ravo sezvo vakavadzinga.
Chikwata ichi chinoti chiri kupomera VaTsvangirai mhosva yekutyora bumbiro remitemo yebato iri pamwe nekushandisa mari yemusangano zvisiri pamutemo.
Vachitaura pamusangano wavaita nevatori venhau neChitatu muHarare, vari kutaura vakamirira chikwata ichi, Va Jacob Mafume, vati komiti yavari kuda kuti itonge Va Tsvangirai iyi ichange iine magweta matatu.
Vachitaurawo pamusangano uyu, vakadzingwa basa semutevedzeri wemubati wehomwe mubato iri, Va Elton Mangoma, vatiwo Va Tsvangirai vane mhosva dzakawanda dzinosanganisira kushandisa mari yebato zvisirizvo kunyangwe hazvo vasina kutaura kuti mari iyi yakawanda zvakadini, kutyora bumbiro remitemo yebato, pamwe nekushandisa mhirizhonga zvichitevera kurohwa kunonzi kwakaitwa ivo Va Mangoma muna Kurume pamuzinda we MDC pa Harvest House.
Asi Va Tapiwa Mashakada, avo vakadomwa neboka raVa Tsvangirai neMuvhuro kuti vafanobata matomhu pachigaro chemunyori mukuru webato zvichitevera kudzingwa mumusangano kwakaitwa Va Biti neMuvhuro, vaudza Studio 7 kuti Va Tsvangirai havana nguva yekuswera vachiita zvemahumbwe. Vati Va Mangoma, Va Mafume pamwe naVa Biti vave nebato ravo saka vanofanira kupedza nguva yavo vachitsvaga zita rebato ravo.
Va Biti, avo vanomirira Harare East muparamende nedzimwe nhengo dzedare iri vakadzingwa nezuro vachipomerwa mhosva yekuita musangano usiri pamitemo yebato iri.
Musangano wakaitwa nana Va Biti uyu wakambomisa basa Va Tsvangirai, mutevedzeri wavo Muzvare Thokozani Khupe, sachigaro webato, Va Lovemore Moyo, nemutedzeri wavo, Va Morgan Komichi, murongi wemisangano mubato iri, Va Nelson Chamisa, pamwe nemutevedzeri wavo Va Abednico Bhebhe.
Asi musanagno wekomiti yepamusoro-soro pakati pemakongiresi ebato iri, ye national council, yakashevedzwa naVa Tsvangirai, wakabuda nechisungo chekudzinga Va Biti nevamwe vavo mubato.
Va Mashakada vanoti Va Biti nevamwe vavo vacharamba vasiri nhengo dzebato ravo sezvo vakavadzinga.