HARARE —
Komiti ye MDC-T yepamusoro-soro inoitwa pakati pemakongiresi ye National Council yadzinga neChipiri vanga vari munyori mukuru webato iri, Va Tendai Biti, nedzimwe nhengo dzeparamende dzanga dzichikurudzira kuti mutungamiri webato iri, Va Morgan Tsvangirai, vabviswe pachigaro.
Vachitaura pamusangano wavaita nevatori venhau mushure memusangano wekomiti iyi, sachigaro we MDC-T, Va Lovemore Moyo, vazivisa kuti komiti yavo yavhotera kuti Va Biti vadzingwe mumusangano.
VaTsvangirai vatiwo musangano wakaitwa naVa Biti nevamwe vavo nemusi weMugovera unoburitsa pachena kuti Va Biti vakazvidzinga vega mumusangano sezvo vave nebato ravo vega. Vati musangano wakaitwa naVa Biti nevamwe vavo uyu wakanga uri kunze kwemitemo yebato ravo.
Vaenderera mberi vachitenda Va Biti nezvavakaita vachiri mumusangano vakavashuvira rombo rakanaka munyaya dzezvematongerwo enyika.
Vazivisawo zvakare kuti pane nhengo dzeparamende dzinokwana pfumbamwe kusanganisira ivo Va Biti dzadzingwa zvakare mu MDCT vachidzipomera mhosva yekupinda musangano wana Va Biti uyu wavati wakanga usiri pamutemo.
VaTsvangirai vati nhengo dzadzingwa mubato dzinosanganisira mutungamiri wevechidiki mu MDC-T, VaSolomon Madzore; mumiriri we Glen View South, VaPaul Madzore; mumiriri weHighfield West, VaMoses Manyengavana; VaWillas Madzimure (Kambuzuma); VaSam Sipepa Nkomo (Lobengula); Bekithemba Nyathi, (Palendaba Mpopoma); Amai Evelyn Masaiti, Va Watchy Sibanda (Matabeleland South); VaSettlement Chikwinya (Mbizo); pamwe naVaReggie Moyo (Luveve).
Va Tsvangirai vati nhengo idzi vachadzibvisa kuparamende zvichireva kuti pachaitwa dzimwe sarudzo zvakare.
Zvichakadai, Va Tsvangirai vazivisa kuti kongiresi yavo ichaitwa muna Gumiguru wegore rino.
Zvichitevera kudzingwa kwaVa Biti, Va Tsvangirai vazivisa kuti vanga vari mutevedzeri waVaBiti, Va Tapiwa Mashakada, ndivo vave kuvatsiva pachinzvimbo chavo kudzamara paitwa kongiresi, ukuwo Amai Theresa Makone ndivi vachange vari mutevedzeri wemubati wehomwe.
Va Biti nevamwe vavo vakambomisa Va Tsvangirai basa pamwe chete nemutevedzeri wavo, Muzvare Thokozani Khupe, Va Moyo nemutevedzeri wavo, Va Morgan Komichi, murongi wemisangano, Va Nelson Chamisa, pamwe nemutevedzeri wavo, Va Abednico Bhebhe, vachiti vakanga varasika mugwara rakaumbirwa musangano we MDC muna 1999.
Zvichakadai, mumwe wevakadzingwa mubato iri uye varivo vari kutaura vakamirira chipoka chevanhu vari kuda kuti Va Tsvangirai vabve pachigaro, Va Jacob Mafume, vaudza Studio 7 parunhare vachiti zvaitwa izvi havazvicherechedza sezvo Va Tsvangirai nevamwe vavo vakambomiswa basa. Vati pasi pemutemo havafanire kunge vane chekuita nemusangano sezvo vakambomiswa basa.
Vachitaura pamusangano wavaita nevatori venhau mushure memusangano wekomiti iyi, sachigaro we MDC-T, Va Lovemore Moyo, vazivisa kuti komiti yavo yavhotera kuti Va Biti vadzingwe mumusangano.
VaTsvangirai vatiwo musangano wakaitwa naVa Biti nevamwe vavo nemusi weMugovera unoburitsa pachena kuti Va Biti vakazvidzinga vega mumusangano sezvo vave nebato ravo vega. Vati musangano wakaitwa naVa Biti nevamwe vavo uyu wakanga uri kunze kwemitemo yebato ravo.
Vaenderera mberi vachitenda Va Biti nezvavakaita vachiri mumusangano vakavashuvira rombo rakanaka munyaya dzezvematongerwo enyika.
Vazivisawo zvakare kuti pane nhengo dzeparamende dzinokwana pfumbamwe kusanganisira ivo Va Biti dzadzingwa zvakare mu MDCT vachidzipomera mhosva yekupinda musangano wana Va Biti uyu wavati wakanga usiri pamutemo.
VaTsvangirai vati nhengo dzadzingwa mubato dzinosanganisira mutungamiri wevechidiki mu MDC-T, VaSolomon Madzore; mumiriri we Glen View South, VaPaul Madzore; mumiriri weHighfield West, VaMoses Manyengavana; VaWillas Madzimure (Kambuzuma); VaSam Sipepa Nkomo (Lobengula); Bekithemba Nyathi, (Palendaba Mpopoma); Amai Evelyn Masaiti, Va Watchy Sibanda (Matabeleland South); VaSettlement Chikwinya (Mbizo); pamwe naVaReggie Moyo (Luveve).
Va Tsvangirai vati nhengo idzi vachadzibvisa kuparamende zvichireva kuti pachaitwa dzimwe sarudzo zvakare.
Zvichakadai, Va Tsvangirai vazivisa kuti kongiresi yavo ichaitwa muna Gumiguru wegore rino.
Zvichitevera kudzingwa kwaVa Biti, Va Tsvangirai vazivisa kuti vanga vari mutevedzeri waVaBiti, Va Tapiwa Mashakada, ndivo vave kuvatsiva pachinzvimbo chavo kudzamara paitwa kongiresi, ukuwo Amai Theresa Makone ndivi vachange vari mutevedzeri wemubati wehomwe.
Va Biti nevamwe vavo vakambomisa Va Tsvangirai basa pamwe chete nemutevedzeri wavo, Muzvare Thokozani Khupe, Va Moyo nemutevedzeri wavo, Va Morgan Komichi, murongi wemisangano, Va Nelson Chamisa, pamwe nemutevedzeri wavo, Va Abednico Bhebhe, vachiti vakanga varasika mugwara rakaumbirwa musangano we MDC muna 1999.
Zvichakadai, mumwe wevakadzingwa mubato iri uye varivo vari kutaura vakamirira chipoka chevanhu vari kuda kuti Va Tsvangirai vabve pachigaro, Va Jacob Mafume, vaudza Studio 7 parunhare vachiti zvaitwa izvi havazvicherechedza sezvo Va Tsvangirai nevamwe vavo vakambomiswa basa. Vati pasi pemutemo havafanire kunge vane chekuita nemusangano sezvo vakambomiswa basa.