HARARE —
Pane nhengo yeMDC- Renewal Team yakasungwa muHarare neChina ichipomerwa mhosva yekuedza kubhomba muzinda webato reMDC-T weHarvest House mwedzi wapfuura.
Akasungwa inhengo yeboka revechidiki reMDC Renewal Team, VaLeornard Dendera, avo vari kuchikwata chinonzi chiri kutungamirwa naVaTendai Biti.
Mutauriri wemapurisa, Senior Assistant Commissioer Charity Charamba, vati mapurisa arikumbochengetedza VaDendera zvichitevera kumbobvunzurudzwa kumapurisa kwakamboitwa mutauriri weMDC-T VaDouglas Mwonzora mwedzi wapera.
Izvi zvakatevera nyaya yavadendera yekupomwera VaMwonzora mhosva yekuvarova. Asi VaMwonzora vakawanikwa vasina mhosva sezvo musi unonzi wakarohwa VaDendera vainge vari kuMasvingo kumusangano weMDC-T zvavakakwanisa kupa humbowo hwakagutsa mapurisa.
Asi zvinonziwo zvichitevera kumbobvunzurudzwa kwakaitwa VaMwonzora pamwe nevamwe vanochengetedza pamahofisi eMDC-T aya, ndipo pakabuda mashoko ekuti VaDendera vakamhanyiswa nevanochengetedza pamuzinda weMDC-T apa vachida kupisa mahofisi aya.
Senior Assistant Commissioner Charamba vati vachirikumbonyatsoferefeta nyaya iyi isati yaendeswa kumatare.
Mune imwewo nyaya, mutauriri weboka revechidiki muMDC-T, VaClifford Hlatshwayo vaudza vatori venhau kuti vacharatidzira munguva pfupi inotevera vachinyunyuta nenyaya yekuwoma kwaita hupenyu munyika.
VaHlatswayo vati chiri kunyanyovarwadza inyaya yekushaikwa kwemabasa. Vaenderera mberi vachiti bato ravo riri kushushikana zvikuru kuti hurumende haisi kutevedzera bumbiro remitemo panyaya yedzidzo iro rinoti hurumende inosungirwa kuona kuti vana veku primary vese vakwanisa kuenda kuchikoro pachena.
Studio 7 haina kukwanisa kutaura negurukota rezvedzidzo VaLazarus Dokora kuti tinzwe divi ravo panyaya iyi.
Akasungwa inhengo yeboka revechidiki reMDC Renewal Team, VaLeornard Dendera, avo vari kuchikwata chinonzi chiri kutungamirwa naVaTendai Biti.
Mutauriri wemapurisa, Senior Assistant Commissioer Charity Charamba, vati mapurisa arikumbochengetedza VaDendera zvichitevera kumbobvunzurudzwa kumapurisa kwakamboitwa mutauriri weMDC-T VaDouglas Mwonzora mwedzi wapera.
Izvi zvakatevera nyaya yavadendera yekupomwera VaMwonzora mhosva yekuvarova. Asi VaMwonzora vakawanikwa vasina mhosva sezvo musi unonzi wakarohwa VaDendera vainge vari kuMasvingo kumusangano weMDC-T zvavakakwanisa kupa humbowo hwakagutsa mapurisa.
Asi zvinonziwo zvichitevera kumbobvunzurudzwa kwakaitwa VaMwonzora pamwe nevamwe vanochengetedza pamahofisi eMDC-T aya, ndipo pakabuda mashoko ekuti VaDendera vakamhanyiswa nevanochengetedza pamuzinda weMDC-T apa vachida kupisa mahofisi aya.
Senior Assistant Commissioner Charamba vati vachirikumbonyatsoferefeta nyaya iyi isati yaendeswa kumatare.
Mune imwewo nyaya, mutauriri weboka revechidiki muMDC-T, VaClifford Hlatshwayo vaudza vatori venhau kuti vacharatidzira munguva pfupi inotevera vachinyunyuta nenyaya yekuwoma kwaita hupenyu munyika.
VaHlatswayo vati chiri kunyanyovarwadza inyaya yekushaikwa kwemabasa. Vaenderera mberi vachiti bato ravo riri kushushikana zvikuru kuti hurumende haisi kutevedzera bumbiro remitemo panyaya yedzidzo iro rinoti hurumende inosungirwa kuona kuti vana veku primary vese vakwanisa kuenda kuchikoro pachena.
Studio 7 haina kukwanisa kutaura negurukota rezvedzidzo VaLazarus Dokora kuti tinzwe divi ravo panyaya iyi.
