WASHINGTON —
Gweta rinorwira kodzero dzevanhu, VaTrust Maanda, neChina vambochengetedzwa nemapurisa vachipomerwa mhosva yekuda kukanganisa mapurisa kuita basa ravo nemazvo. VaMaanda vaendeswa kukamba yemapurisa yeSoutherton muHarare.
VaMaanda vari kupomerwa mhosva yekupesvedzera vamwe varume vatanhatu vanoshandira kambani yeMbada Diamonds kuti varambe kuita zvapupu zvehurumende munyaya iri kupomerwa murume anonzi VaMudassar Khan yekutenga mangoda anosvika madhora mamiriyoni matatu zvisiri pamutemo.
Varume ava ndiVaSimbarashe Gondo, VaHardlife Kuudzehwe, VaTemba Mvalo, VaTalkmore Chigeza, VaInnocent Tsindi naVaAlexander Daru.
Mapurisa anoti VaKhan vakapa varume ava motokari sere dziri pakati pemari inosvika zviuru zvishanu nemazana mashanu emadhora kusvika pazviuru makumi matatu zvemadhora kuitira kuti vawane mangoda ekuba.
Asi varume ava, avo vave kuti vanoda mari inosvika mamiririyoni maviri nezana nemakumi mashanu emadhora yekuripwa sezvo vakatochwa vari muhusungwa kuti varoverere VaKhan nemhosva.
Gweta raVaMaanda, VaJeremiah Bamu, avo vanoshanda nesangano reZimbabwe Lawyers for Human Rights, vanoti mapurisa ari kutyora kodzero dzaVaMaanda segweta.
Hatina kukwanisa kubata mutauriri wemapurisa, Amai Charity Charamba, kuti tinzwe divi remapurisa panyaya iyi.
VaMaanda vari kupomerwa mhosva yekupesvedzera vamwe varume vatanhatu vanoshandira kambani yeMbada Diamonds kuti varambe kuita zvapupu zvehurumende munyaya iri kupomerwa murume anonzi VaMudassar Khan yekutenga mangoda anosvika madhora mamiriyoni matatu zvisiri pamutemo.
Varume ava ndiVaSimbarashe Gondo, VaHardlife Kuudzehwe, VaTemba Mvalo, VaTalkmore Chigeza, VaInnocent Tsindi naVaAlexander Daru.
Mapurisa anoti VaKhan vakapa varume ava motokari sere dziri pakati pemari inosvika zviuru zvishanu nemazana mashanu emadhora kusvika pazviuru makumi matatu zvemadhora kuitira kuti vawane mangoda ekuba.
Asi varume ava, avo vave kuti vanoda mari inosvika mamiririyoni maviri nezana nemakumi mashanu emadhora yekuripwa sezvo vakatochwa vari muhusungwa kuti varoverere VaKhan nemhosva.
Gweta raVaMaanda, VaJeremiah Bamu, avo vanoshanda nesangano reZimbabwe Lawyers for Human Rights, vanoti mapurisa ari kutyora kodzero dzaVaMaanda segweta.
Hatina kukwanisa kubata mutauriri wemapurisa, Amai Charity Charamba, kuti tinzwe divi remapurisa panyaya iyi.
