WASHINGTON —
Sangano revagari vemuHarare reHarare Residents Trust rinoti harisi kufara nekomiti yakaumbwa nekanzuru yeguta kuongororora huori hunonzi hwakaitwa nevamwe vakuru vekanzuru kusanganisa town clerk VaTendai Mahachi pachikwereti chakapihwa kanzuru neChina chekugadzirisa michina yemvura nemasiweji.
China yakapa guta reHarare mari inosvika zana nemakumi mana nemana emadhora asi imwe mari inonzi yakashandiswa kutenga motokari dzakazopihwa vamwe vakuru vekanzuru izvo zvanonzi zvakaitwa nechikiribidi.
Mukuru weHarare Residents Trust VaPrecious Shumba vanoti mari iri kuda kupihwa vanhu vachaita ongororo haisi mubhajeti. Vatiwo hazvibatsire kuita ongororo vanhu vari kupomerwa huori vari pabasa.
Asi meya weguta reHarare VaBernard Manyenyeni vanoti ongororo iyi inofanira kuitwa kuti vagari vazive kuti chii chakatora nzvimbo.
Makanzura ari mukomiti iyi anosanganisa mutevedzeri waVaManyenyeni, VaThomas Musarurwe, kanzura weGlendale VaStewart Musarurwa, nyanzvi munyaya dzemari VaGabriel Chipara, gweta maviri VaTendai Tato na Engineer VaRichard Massdrop.
China yakapa guta reHarare mari inosvika zana nemakumi mana nemana emadhora asi imwe mari inonzi yakashandiswa kutenga motokari dzakazopihwa vamwe vakuru vekanzuru izvo zvanonzi zvakaitwa nechikiribidi.
Mukuru weHarare Residents Trust VaPrecious Shumba vanoti mari iri kuda kupihwa vanhu vachaita ongororo haisi mubhajeti. Vatiwo hazvibatsire kuita ongororo vanhu vari kupomerwa huori vari pabasa.
Asi meya weguta reHarare VaBernard Manyenyeni vanoti ongororo iyi inofanira kuitwa kuti vagari vazive kuti chii chakatora nzvimbo.
Makanzura ari mukomiti iyi anosanganisa mutevedzeri waVaManyenyeni, VaThomas Musarurwe, kanzura weGlendale VaStewart Musarurwa, nyanzvi munyaya dzemari VaGabriel Chipara, gweta maviri VaTendai Tato na Engineer VaRichard Massdrop.
