WASHINGTON —
Vanhu vanosvika gumi nevanomwe vakafa kubva Chipiri kusvika Chitatu munjodzi dzemumigwagwa kuMarondera, Mashonaland East neKuGweru kuMidlands.
Mutauriri wemapurisa Chief supritendent Paul Nyathi vaudza Studio 7 kuti neChipiri manheru kombi yerudzi rweToyota Hiace yakabheuka mumugwagwa weGweru-Lower ikauraya vanhu gumi nevaviri.
NeChitatu vanhu vashanu vakafawo munjodzi yakaitika munaHarare-Mutare Road. Izvi zvakatevera kubonderana kwakaita kombi, rori neimwe motokari.
Chief Supritendent Nyathi varikukurudzira vatyairi kuti vafambe zvakanaka mumigwagwa sezvo vachizogona kuguma vaita njodzi dzinopedza vanhu.