Accessibility links

Breaking News

Pagels Ochema neMuridzi wePembe


Zimbabwe Warriors
Zimbabwe Warriors
Murairidzi wechikwata chemaWarriors anoti muridzi wepembe akadyiaa chikwaka chake mumutambo we Cosafa Castle Cup uyo wakaitwa neMugovera kuZambia.

Mutambo uyu wakapera Zimbabwe yanwiswa zvibodzwa zviri neChipolopolo chekuZambia ichibva yatorerwa mukombe we Cosafa Castle Cup uyo yakatora muna 2009 yakunda Zambia 3-1.

Asi murairidzi we Zimbabwe Warriors, Klaus Dieter Pagels, anoti muridzi wepembe, Va Benard Cammile veku Seychelles, vaive vakarerekera kudivi reZambia izvo zvakakonzera kuti Zimbabwe ikundwe.

Pagels anoti vatambi vake vakatamba zvinodadisa asi muridzi wepembe ndiye akaita kuti chikwata chake chikundwe uyezve nekutorerwa mukombe wakarwirwa nezvikwata gumi nezvina.

Kana murairidzi veZambia, Herve Renard, ari kubvumawo kuti chikwata chake hachina kutamba zvakanaka. Asi anoti chinodiwa munhabvu kunwisa zvibodzwa zvinove izvo zvakaitwa nevatambi vake.

Mukukunda Zimbabwe, Zambia yatora mukombe uyu kanokwana kana mushure mekukunda zvekare muna1997, 1998, na 2006. Zimbabwe yacho yakatorawo mukombe uyu kana. Angola neSouth Africa dzakatora mukombe uyu katatu.

Zimbabwe yave kutarisa kukunda mumakwikwi eAfrican Nations Championships ayo iri kutamba neMauritius kupera kwesvondo rino.

Makundano ekugumisira eAfrican Nations Championships achaitwa muSouth Africa muna Ndira gore rinouya.

Nyaya Ina Michael Kariati
please wait

No media source currently available

0:00 0:01:42 0:00
Pekupinda Napo Kuti Muone Zvamuri Kuda
XS
SM
MD
LG