WASHINGTON DC —
Masangano anomirira vashandi vehurumende anoti ari kupinzwa mumatambudziko emari nekuda kwekunonoka kuri kuitwa nehurumende kuapa mari inenge yabatirwa nhengo dzawo.
Mushandi anenge ari nhengo yemasangano aya anobatirwa mari mwedzi wega wega yekuva nhengo.
Hurumende, kuburikidza nebazi rezvemari, inozoisa mari idzi mumabhanga emasangano aya.
Hurumende inonzi inobata mari dziri pakati pezviuru makumi mashanu nekudarika zana rezviuru zvemadhora pasangano rega rega pamwedzi.
Mari idzi dzinofanirwa kuiswa mumabhanga emasangano aya panguva imwe cheteyo hurumende inoisa mari dzevashandi vayo mumabhanga avo.
Asi zvinonzi mwedzi uno masangano aya ave nemasvondo anodarika maviri asati apiwa mari idzi.
Studio7 haina kukwanisa kunzwa divi rehurumende panyaya iyi.
Asi sachigaro weApex Council, VaRichard Gundani, vanoti mari idzi ndidzo dzinenge dzakatarisirwa nemasangano aya kubhadharisawo vashandi vawo pamwe nekukweretesa nhengo dzinenge dziine zvirongwa zvakasiyanasiyana zvinodawo mari.
VaGundani vanoti seApex Council vatoronga kuita musangano neChishanu svondo rino wekuzeya nezvenyaya iyi uye kuti vaone matanho ekutora, sezvo hurumende isiri kuvaudza zviri kuitika.
Munyori mukuru wesangano reProgressive Teachers Union of Zimbabwe, VaRaymond Majongwe, vanotiwo sangano ravo neMuvhuro rakasangana nevamiriri vehurumende kuti rinzwe kuhurumende kuti sei mari idzi dziri kunonoka kutumirwa kumasangano aya.
VaMajongwe vanoti vakaudzwa kuti hurumende yakanga ichiremerwa nezvinhu munyaya dzemari, izvo zviri kuzosvikawo kumari dzavo.
Zvichakadaro, nhepfenyuro yeZBC inoti munyori weboka reCivil Service Commission,
Amai Pretty Sungano, vazivisa kuti bazi rezvemari rashandura mazuva achatambira vashandi vayo mihoro yavo mwedzi uno.
Gwaro raburitswa neboka iri rinonzi razivisa kuti zuva richatambira varairidzi mari dzavo rabviswa pamusi wa 15 kuenda pa 16 Chivabvu, kwotiwo vamwe vashandi vehurumende vese vozotambira mari dzavo musi wa 19 kubva pamusi wa 22 Chivabvu.
Vari pamudyandigere vanonzi vachawana mari dzavo musi wa 30 kubva pamusi wa 28 mwedzi uno.
Mushandi anenge ari nhengo yemasangano aya anobatirwa mari mwedzi wega wega yekuva nhengo.
Hurumende, kuburikidza nebazi rezvemari, inozoisa mari idzi mumabhanga emasangano aya.
Hurumende inonzi inobata mari dziri pakati pezviuru makumi mashanu nekudarika zana rezviuru zvemadhora pasangano rega rega pamwedzi.
Mari idzi dzinofanirwa kuiswa mumabhanga emasangano aya panguva imwe cheteyo hurumende inoisa mari dzevashandi vayo mumabhanga avo.
Asi zvinonzi mwedzi uno masangano aya ave nemasvondo anodarika maviri asati apiwa mari idzi.
Studio7 haina kukwanisa kunzwa divi rehurumende panyaya iyi.
Asi sachigaro weApex Council, VaRichard Gundani, vanoti mari idzi ndidzo dzinenge dzakatarisirwa nemasangano aya kubhadharisawo vashandi vawo pamwe nekukweretesa nhengo dzinenge dziine zvirongwa zvakasiyanasiyana zvinodawo mari.
VaGundani vanoti seApex Council vatoronga kuita musangano neChishanu svondo rino wekuzeya nezvenyaya iyi uye kuti vaone matanho ekutora, sezvo hurumende isiri kuvaudza zviri kuitika.
Munyori mukuru wesangano reProgressive Teachers Union of Zimbabwe, VaRaymond Majongwe, vanotiwo sangano ravo neMuvhuro rakasangana nevamiriri vehurumende kuti rinzwe kuhurumende kuti sei mari idzi dziri kunonoka kutumirwa kumasangano aya.
VaMajongwe vanoti vakaudzwa kuti hurumende yakanga ichiremerwa nezvinhu munyaya dzemari, izvo zviri kuzosvikawo kumari dzavo.
Zvichakadaro, nhepfenyuro yeZBC inoti munyori weboka reCivil Service Commission,
Amai Pretty Sungano, vazivisa kuti bazi rezvemari rashandura mazuva achatambira vashandi vayo mihoro yavo mwedzi uno.
Gwaro raburitswa neboka iri rinonzi razivisa kuti zuva richatambira varairidzi mari dzavo rabviswa pamusi wa 15 kuenda pa 16 Chivabvu, kwotiwo vamwe vashandi vehurumende vese vozotambira mari dzavo musi wa 19 kubva pamusi wa 22 Chivabvu.
Vari pamudyandigere vanonzi vachawana mari dzavo musi wa 30 kubva pamusi wa 28 mwedzi uno.
