Dzimwe nyanzvi munyaya dzekurarama kwevanhu vanorarama ne HIV/AIDS dzinoti hurumende inofanirwa kuita mushandira pamwe nemasangano akazvimirira ega mukugadzirisa zvimwe zvinhu zvinodiwa mukubatsira vanhu vanorarama ne HIV/AIDS.
Nyanzvi idzi dzinoti izvi zvikaitwa, zvinoita kuti vanhu ava vararame kwenguva refu. Nyanzvi idzi dzinoti zvinhu zvinoshamisa kuti munyika muchine kakutarisirwa pasi kwevanhu vanorarama ne HIV/AIDS, izvo zviri kukonzerwa nekushaikwa kwezvirongwa zvinopa kuti veruzhinji vanzwisise zvinoreva kurarama ne HIV/AIDS.
Doctor Frenk Guni imwe yenyanzvi munyaya dzevanhu vanorarama ne HIV/AIDS, uye vari chipangamazano musangano re Management Systems International. Va Guni vanoti pane zvakawanda zviri kuitwa nedzimwe nyika zvinokwanisa kubatsira Zimbabwe mukurwisa chirwere ichi.
