HARARE —
Mutauriri wedare reparamende, Va Jacob Mudenda, vanoti mapoka maviri eMDC-T ari kunetsana nenyaya yekuda kudzinga nhengo dzebato iri muparamende ngaaende kumatare edzimhosva kunogadzirisa gakava iri.
Mashoko aburitswa naVa Mudenda anoti mapoka maviri eMDC-T ari kunetsana nenyaya yekuda kudzinga nhengo dzawo pfumbamwe muparamende anofanira kuenda kumatare edzimhosva kuti vanopedzerana ikoko.
Divi riri kutsigira mutungamiri we MDC-T, Va Morgan Tsvangirai, rinoti riri kuda kudzinga nhengo dzeparamende pfumbamwe mudare reparamende dziri kupomera mhosva yekupinda musangano wekomiti huru yebato iri wakaitirwa ku Mandel Training Centre mu Harare musi wa 26 Kubvumbi wakanga washevedzerwa nemunyori mukuru webato iri, Va Tendai Biti, avo vakazodzingwa mubato ne national council iri kutsigira VaTsvangirai.
Va Biti vakazonyorera tsamba kuna Va Mudenda vachiti hapana nhengo yeparamende inofanira kudzingwa muparamende vachiti ndivo vane masimba semunyori mukuru webato rekunyora tsamba yekudzingwa kwenhengo dzeparamende.
Mutevedzeri waVa Tsvangirai, Muzvare Thokozani Khupe, vakazonyorerawo Va Mudenda tsamba vachiti Va Biti vakanga vakarasika sezvo vasisiri nhengo yebato ravo vachiti ivo semutungamiri we MDC-T muparamende ndivo vane kodzero yekunyora tsamba yekuti nhengo idzi dzidzingwe muparamende.
Asi Va Mudenda vati harisi basa reparamende rekuti ipindirane mumakatanwa anenge ari mumapato ezvematongerwo enyika nokudaro vati vaona zvakakodzera kuti nyaya iyi iongororwe nematare.
Va Jacob Mafume, avo vari kutaura vakamirira chikwata che MDC Renewal Team chiri kuda kuti Va Tsvangirai vasiye hutungamiriri hwebato iri, vati vafara zvikuru nedanho ratorwa naVa Mudenda.
Va Mafume vati Va Tsvangirai nevamwe vavo ndivo vanofanira kuenda kumatare sezvo vachiti ndivo vakambomiswa basa mumusangano.
Mutauriri we boka re MDC-T avo vari kutsigira Va Tsvangirai, Va Douglas Mwonzora, vati vafarawo nezvaturwa naVa Mudenda.
Va Mwonzora vati vachaenderera mberi nekubvisa nhengo idzi muparamende mumazuva mashoma ari kutevera.
Zvichitevera musangano wakaitwa naVa Biti nevamwe vavo ku Mandel Training Centre, Va Tsvangirai vakazoshevedzawo musangano we national council yebato ravo wakafanana newakashevedzerwa naVa Biti vakatora danho rekudzinga nhengo pfumbamwe muparamende pamwe nemubato ravo dzinosanganisira ivo Va Biti.
Dzimwe nhengo dzeparamende dzakadzingwa neboka raVa Tsvangirai dzinoti Va Solomon Madzore, Va Paul Madzore, Va Bhekthemba Nyathi, Va Willas Madzimure, Va Settlement Chikwinya, Va Reggie Moyo, Va Watchy Sibanda, Va Samuel Sipepa Nkomo pamwe na Amai Evelyn Masaiti.
Mashoko aburitswa naVa Mudenda anoti mapoka maviri eMDC-T ari kunetsana nenyaya yekuda kudzinga nhengo dzawo pfumbamwe muparamende anofanira kuenda kumatare edzimhosva kuti vanopedzerana ikoko.
Divi riri kutsigira mutungamiri we MDC-T, Va Morgan Tsvangirai, rinoti riri kuda kudzinga nhengo dzeparamende pfumbamwe mudare reparamende dziri kupomera mhosva yekupinda musangano wekomiti huru yebato iri wakaitirwa ku Mandel Training Centre mu Harare musi wa 26 Kubvumbi wakanga washevedzerwa nemunyori mukuru webato iri, Va Tendai Biti, avo vakazodzingwa mubato ne national council iri kutsigira VaTsvangirai.
Va Biti vakazonyorera tsamba kuna Va Mudenda vachiti hapana nhengo yeparamende inofanira kudzingwa muparamende vachiti ndivo vane masimba semunyori mukuru webato rekunyora tsamba yekudzingwa kwenhengo dzeparamende.
Mutevedzeri waVa Tsvangirai, Muzvare Thokozani Khupe, vakazonyorerawo Va Mudenda tsamba vachiti Va Biti vakanga vakarasika sezvo vasisiri nhengo yebato ravo vachiti ivo semutungamiri we MDC-T muparamende ndivo vane kodzero yekunyora tsamba yekuti nhengo idzi dzidzingwe muparamende.
Asi Va Mudenda vati harisi basa reparamende rekuti ipindirane mumakatanwa anenge ari mumapato ezvematongerwo enyika nokudaro vati vaona zvakakodzera kuti nyaya iyi iongororwe nematare.
Va Jacob Mafume, avo vari kutaura vakamirira chikwata che MDC Renewal Team chiri kuda kuti Va Tsvangirai vasiye hutungamiriri hwebato iri, vati vafara zvikuru nedanho ratorwa naVa Mudenda.
Va Mafume vati Va Tsvangirai nevamwe vavo ndivo vanofanira kuenda kumatare sezvo vachiti ndivo vakambomiswa basa mumusangano.
Mutauriri we boka re MDC-T avo vari kutsigira Va Tsvangirai, Va Douglas Mwonzora, vati vafarawo nezvaturwa naVa Mudenda.
Va Mwonzora vati vachaenderera mberi nekubvisa nhengo idzi muparamende mumazuva mashoma ari kutevera.
Zvichitevera musangano wakaitwa naVa Biti nevamwe vavo ku Mandel Training Centre, Va Tsvangirai vakazoshevedzawo musangano we national council yebato ravo wakafanana newakashevedzerwa naVa Biti vakatora danho rekudzinga nhengo pfumbamwe muparamende pamwe nemubato ravo dzinosanganisira ivo Va Biti.
Dzimwe nhengo dzeparamende dzakadzingwa neboka raVa Tsvangirai dzinoti Va Solomon Madzore, Va Paul Madzore, Va Bhekthemba Nyathi, Va Willas Madzimure, Va Settlement Chikwinya, Va Reggie Moyo, Va Watchy Sibanda, Va Samuel Sipepa Nkomo pamwe na Amai Evelyn Masaiti.
