Accessibility links

Breaking News

Vatsigiri veMasvingo United Vobheja Kuti Vachakunda Mutoko Traders neSvondo


Masvingo residents
Masvingo residents

Kuchange kusingadaidzwe anonzwa neSvondo apo chikwata che Masvingo United chichakweshana neMutoko Traders mumutambo uri kutarisirwa nevagari vekuMasvingo kuti uchapinza chikwata chemumusha mavo muPremier Castle Soccer League gore rinouya.

Vakomana ve Una Una vakakwatura Melfort Football Club pakupera kwesvondo, ndokuisa mapoinzi matatu mubhegi ravo, izvo zvakapa kuti Masvingo United ibve yagara panhongonya yeDivision One League- Eastern Region.

please wait
Embed

No media source currently available

0:00 0:05:16 0:00
Pekupinda Napo Kuti Muone Zvamuri Kuda

Masvingo United yava kutamba neMutoko Traders neSvondo, uye inofanirwa kukunda kuitira kuti ibva yatora mukombe uyu, uye kupinda muCastle Lager Premier Soccer League gore rinouya.

Vatsigiri veMasvingo vanoti vane chivimbo chekuti vakomana vechikwata chavo vacharakasha chikwata che Mutoko Traders.

Mumwe mutsigiri wechikwata ichi, VaPeter Guyo, avo vanogara mumusha weRujeko, vanotiwo vatotanga kupemberera sezvo vari kuziva kuti vakomana ve Una Una vachatsvaira Mutoko Traders.

Vamwe vatsigiri veUna-Una vanoti ivo guta ravo iguru nokudaro rinofanirwa kuva nechikwata chemumusha chinotambawo nhabvu yemu Premier League.

Mumwe mutsigiri weUna Una Boys anogara kuRunyararo West, Muzvare Emilia Gonese, vari kupika kuti rwendo rwuno chikwata chavo chichange chichikwidzana nezvikwata zvepamusoro soro zvakaita seDynamos, Caps United, Highlanders, FC Platinum, Chicken Inn nezvimwe.

Mugari wekuMucheke, VaCosmas Nharo, vanoti chikwata chavo chiri kukunda mumutambo wasara mumwe chete uyu.

Asi vanoona nezvekufambiswa kwemabasa muchikwata che Masvingo United, VaPhilip Shumba, vanoti vatsigiri vavo ngavambopora vamirire kupera kwebhora remusi we Svondo kuti vazonyatsopemberera.

Masvingo Unted iri pamusoro nemapoinzi makumi matanhatu nemanomwe, ichiteverwa neMutare City, iyo ine mapoinzi makumi matanhatu nematanhatu, uye Hartley Academy, iyo ine maponzi makumi matanhatu nemashanu.

Zvikwata zvitatu zviri pamusoro izvi zvose zvine mukana wekutora mukombe, izvo zviri kupa kuti vamwe vatsigiri veUna Una vamirire pacharidzwa pembe yekuti bhora rapera neSvondo.

XS
SM
MD
LG