Chikwata cheChiecken Inn chiri kuenderera mberi nekutungamira mumakwikwi eCastle Lager Premier Soccer League mushure mekukunda Chapungu 2-1.
Ma Game Cocks asiya chikwata chiri kutevera cheTriangle nemapoinzi mashanu sezvo chave nemapoinzi makumi maviri nemapfumbamwe.
Chikwata chine mukombe uyu cheDynamos chiri pachinhanho chechitatu nemapoinzi makumi maviri nematatu.
Dynamos yacho yakaita mangange 1-1 apo yakashanya kuNyamhunga Stadium kunotamba neZPC Kariba. Mangange aya haasi kufadza vatsigiri vechikwata ichi.
Asi vamwe vacho vakaita saVaTonderai Magavani vari kushingirira vachiti ivo pamberi need Mbare vaine chivimbo chekuti vanotora mukombe uyu zvekare.
Asi VaMagavani vanobvuma kuti vakaitirwa nyasha kubuda nepoindi kubva kuKariba.
Highlanders yakaitawo zvekare mangange 1-1 neHow Mine. Asi murairidzi weHow Mine, Luke Masomere, anoti vakabirirwa achiti iye penareti yakapihwa Highlanders yaive isingakodzeri.
Mimwe mitambo yeCastle Lager Premier Soccer League yakapera seizvi:
Buffaloes 3 Hwahwa 0
Hwange 1 FC Platinum 1
Triangle 2 Tsholotso 0
Caps United 0 Flame Lilly 0
Dongo 0 Harare City 3
Asi murairidzi weHarare City, Taurayi Mangwiro, anoti kunyange havo vakakunda pane basa guru kuti vakwanise kutora mukombe we League.
Kwatambwa mitambo gumi nemitatu zvikwata zviri pamusoro soro zvakamira seizvi.
Chicken Inn 29 points
Triangle 24 points
Dynamos 23 points
How Mine 22 points.
Zvikwata zviri pasi pasi ndeizvi:
Hwahwa 11 points
Tsholotsho 10 points
Flame Lilly 10 points and
Dongo 7 points
Mumutambo we rugby, Denford Mutambangira, ndiye apihwa basa rekutungamira chikwata chenyika chemaSables mumitambo iri kutevera.
Mutambangira ari kutsiva Daniel Hondo uyo akaregedza kutamba uyezve ave mumwe wevarairidzi vechikwata ichi.
Mutambangira ari kutanga basa rake svondo rino apo Zimbabwe iri kutamba neKenya mumakwikwi eAfrica Cup.