Accessibility links

Breaking News

Highlanders Inotora Mukombe weEasyCall


bosso
bosso

Kunyange hazvo Highlanders ichibva muguta reBulawayo, muHarare mune mufaro mukuru mushure mekunge chikwata ichi chakarova Chicken Inn 1-0 nekutora mukomwe weEasycall Cup muBarbourfields neSvondo.

Vatsigiri vechikwata ichi vanga vachionekwa neMuvhuro vakapfeka nguwo nhema dzakasangana nechena kuratidza kukunda kwavakaita mushure megore rakatanga risina kumira zvakanaka kuchikwata ichi.

VaTichaona Jeko, avo vanogara muWarren Park muHarare, vanoti zvanga zvisingaite kuti gore rese ripere vachingochema semaimbirwo akaitwa nemuimbi ane mukurumbira, Killer T.

please wait

No media source currently available

0:00 0:02:46 0:00
Pekupinda Napo Kuti Muone Zvamuri Kuda

Bosso yakakunda Chicken Inn 1-0 nepenareti yakabva kuba Ralph Matema iyo murairidzi weChicken Inn, Joey Antipas, ari kuchema kuti yanga isiri penareti.

Mumwe mutsigiri wechikwata chine mukurumbira ichi, VaDannyboy Hamandishe, vanoti vari kufara zvikuru kurova Chicken Inn iyo ine mukombe weCastle Lager Premier Soccer League.

Mumwe mutsigiri weHighlanders, VaLovemore Majecha, vanoti kunyange zvanga zvakaoma gore rino, vapedza vachiratidza kuti vane mongo zvekuti gore rinouya vari kutarisira kutora mikombe yese iri munyika.

Mukukunda kwayo, Highlanders yakawana mari inoita iyo zviuru makumi masere zvemadhora, Chicken Inn ikawanawo zviuru makumi mashanu zvemadhora.

Izvi zviri kureva kuti mumwaka wenhabvu wakapera neSvondo, Chicken Inn yakawana mari inoita iyo zviuru zana nemakumi mashanu emadhora mushure mekupihwa zviuru zana apo vakatora mukombwe weCastle Lager Premier Soccer League.

XS
SM
MD
LG