Accessibility links

Breaking News

Refugees

Mugovera 2 Chikunguru 2022

Calendar
Chikunguru 2022
Svo Muv Chip Chit Chin Chis Mug
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
Mukuru weOperation Dudula Nhlanhla" Lux" Dlamini

Zvinhu hazvichisina kugadzikana zvekare muSouth Africa umo chikwata cheoperation dudula chisingadi kuti zvizvarwa zvedzimwe nyika dzemuafrica zvishande munyika iyi chave kuti chiri kuda kunoratidzira papark station mujohanesburg kuti zvizvarwa zveZimbabwe nedzimwe nyika zviripo zvidzingwe.

Nhengo dzeOperation Dudula dzave kufamba dzichivhara misika ine zvizvarwa zvekune dzimwe nyika ichipa nzvimbo zvizvarwa zveSouth Africa.

Asi zvinonzi kubatana kwakaita bato rinopikisa reef nezvizvarwa zveZimbabwe, Nigeria nedzimwe nyika kwemuAfrica kwakapa kuti vasabviswe neveOperation Dudula pamusika weYeoville unotengesa zvekudya kubva kune dzimwe nyika dzemuAfrica.

Izvi zviri kuuya apo vanotyaira maroti munyika iyi vari kutiwo vekunze vadzingwe.

Mutungamiri wenyika yeSouth Africa VaCyril Ramaphosa nemakurukota avo vakavimbisa havo kuchengetedza zvizvarwa zvekune dzimwe nyika izvi.

Asi mukuru weZimbabwe Exiles Forum VaGabriel Shumba vaudza Studio 7 kuti vari kushushikana nekushungurudzwa kwezvizvarwa zveZimbabwe nezvimwe zvemuAfrica zviri munyika iyi zviri kushanda zviri pamutemo uye zvimwe zviri muhupoteri.

VaShumba vatiwo kutsvaga hupoteri muSouth Africa kunonetsa nekuti zvinotora nguva yakareba uye vamwe vashandi vachida chiokomuhomwe.

Vamwe vari muhupoteri muSouth Africa vakaudza United Nations kuti vave kuda kuendeswa kune dzimwe nyika nenyaya yemhirizhonga.

Tongogara Refugee Camp

Zimbabwe yakabatana nedzimwe nyika nemusi weMuvhuro kucherechedza zuva revapoteri kana kuti World Refugee Day, gurukota rinoona nezvevashandi nekugara zvakanaka kwevanhu Muzvinafundo Paul Mavima vachiti hurumende yakazvipira kuchengetedza kodzero dzevapoteri vari muZimbabwe.

Vakativo hurumende inozviziva kuti zvakakosha kuti isimudzire hupenyu hwevanhu ava nekuvadzidzisawo mabasa emaoko anosanganisira madiridziro.

Bazi reUnited Nations rinoona nezvevapoteri reUN High Commission for Refugees rakabatana nehurumende mukucherechedza zuva iri kuTongogare Refugee Camp kuChipinge, Manicaland.

Zimbabwe ine vapoteri nevari kutsvaga hupoteri zviuru makumi maviri nemaviri zvine mazana matanhatu kana kuti 22, 600. Vazhinji vavo vanobva kuDRC, vamwe kuMozambique, Burundi neRwanda. Pasi rose vanh vari muhupoteri vadarika zana remamiriyoni kana kuti 100 milion zvichikonzerwa nehondo seiri muUkraine iyo iri kurwiswa neRussia.

United Nations yakatara kuti zuva iri richerechedzwa gore roga roga musi wa 20 Chikumi. Zimbabwe ine zvizvarwa zvakawanda zviri muhupoteri uye iyo iri kuchengetawo vamwe vapoteri kubva kune dzimwe nyika kuTongogara Refugee Camp.

Mumiriri webazi revapoteri muUnited Nations muZimbabwe VaAbdouyale Barry vakati ibasa remunhu wose kuona kuti kodzero dzevapoteri dzaremekedzwa. Vapoteri vari paTongogara Refugee Camp vaudza Studio 7 kuti vari kunetseka nekushaya magwaro ekufambisa.

Vapoteri vanobva kunyika dzakasiyana siyana vari paTongogara Refugee Camp vari kuchemachema nenyaya yekushaya mapepa ekufambisa.

Mumwe ari kuchema chema nekushaya magwaro ekufambisa ndiVaGabriel Nyirongo vanobva kuAngola vati vanoda kumbopota vachifambawo asi pasina magewaro acho zvinonetsa.

Mumwe mupoteri ati anonzi Prometheus Shimanga wekuMozambique anoti anoda magwaro aya panyaya rebhizinesi raari kuda kutanga.

VaMavima vaudzawo Studio 7 kuti pane hurongwa hwekugadzirisa nyaya iyi.

Vanhu vange vari pamhemberero idzi vashanyirawo zvirongwa zvemaoko zviri kuitwa nevari muhupoteri ava.

Rodhai zvimwe

XS
SM
MD
LG