Vaimbova mutevedzeri wemutungamiri wenyika Amai Joyce Mujuru neMuvhuro vakaparura gwaro rine zvinangwa zvesangano ravo zvinonzi nevamwe munongedzo wekuda kupinda munyaya dzezvematongerwo enyika.
Gwaro iri rinonzi Blueprint to Unlock Investment and Leverage for Development kana kuti BUILD. Gwaro iri rinoti pasi pehutungamiri hwaamai Mujuru, Zimbabwe inenge ichiremekedza kodzero dzevanhu nemabhizimisi.
Rinotiwo pachavandudzwa mitemo yekuendesa hupfumi kuvatema uye kugoverwa kweminda zvakafanira kumwana wese weZimbabwe. Gwaro reBUILD iri rinotiwo richavandudza mashandiro ehurumende iyo vanoti yakakurisa uye iine makurukota akawandisa.
Amai Mujuru mugwaro iri vanotiwo vachakoshesa nyaya yekuumba komiti inoona nezvekupodzwa kwemaronda. Vanotiwo vachawandudza mitemo yakaita seyesarudzo nePOSA.
Mutauriri wesangano raamai Mujuru, VaRugare Gumbo vanoti kune kugeda geda kwemeno muZanu-PF sezvo nhengo dzebato iri dziri kuti hadzisi kufara nezviri kuitika mubato iri uye dzinoda kubatana nawo.
Your browser doesn’t support HTML5
Hurukuro naVaRugare Gumbo
Hatina kukwanisa kutaura nemutauriri weZanu-PF VaSimon Khaya Moyo.
Studio 7 yaitawo hurukuro nevamwe vagari vemuHarare nezvegwaro iri. VaDerek Muyambo vati zvaitwa naamai Mujuru zvakanaka asi vanebasa rekutsanangura zvirongwa zvavo kuvanhu.
Your browser doesn’t support HTML5
Mashoko aVaDerek Muyambo
Amai Winnet Mutema vanoti vafara sezvo amai Mujuru vari munhukadzi uye vati vanovatsigira.
Your browser doesn’t support HTML5
Mashoko aAmai Winnet Mutema
VaMarlven Mukundu vanoti muromo hauzarirwe nerwizi nekudaro vanoda kuona kuti zvataurwa naamai Mujuru zvichazdzikiswa here.
Your browser doesn’t support HTML5
Mashoko aVaMarlven Mukundu
Amai Tariro Macheka vanoti amai Mujuru vane basa rekuti gwara ravo ritambirwe nevanhu zvikuru kubva kumamisha.
Your browser doesn’t support HTML5
Mashoko aAmai Tariro Machaka
Verengai gwaro reBUILD
http://docs.voanews.eu/en-ZW/2015/09/08/40fc6862-13c2-4456-9cd1-7cba2461e782.pdf