Sangano reWomen and Health Alliance International, WAHA, rabatana ne University of Zimbabwe muchirongwa chekubatsira vasikana nemadzimai vakatarisana nedambudziko rekutsemuka zvakanyanya munguva yekubatsirwa.
Chirongwa ichi chiri kuitirwa pachipatara che Harare Hospital kwemazuva mashanu kutanga neMuvhuro.
Mukuru wezvirongwa zveObstertric Fistula Campaign musangano re WAHA, Muzvare Priscilla Mabhande, vanoti pachange paine vana mazvikokota vekuvhiya vekunze kwenyika vachibatsirana nevemunyika mukugadzirisa dambudziko iri.
Madzimai ari kubatsirwa pachena pasi pechirongwa ichi.
Vanoda kupinda muchirongwa ichi vanokwanisa kufonera shangano re WAHA kana kutumira ma What'sApp panhamba dzemuZimbabwe dzinoti 0782 640 840 nhamba idzi zvakare 0782 640 840 kuitira kuti vanyorese mazita avo vozopinda mune zvimwe zvirongwa zvichatevera munguva inotevera.
Your browser doesn’t support HTML5
Hurukuro naMuzvare Priscilla Mabhande