America Yotsigira Mitambo yeHIFA Iri Kuitwa muHarare

WASHINGTON —  Mitambo ye Harare Festival of The Arts, HIFA, yapinda muzuva rechipiri muHarare neChitatu mumiriri weAmerica muZimbabwe, Ambassador Bruce Wharton, vachirumbidza hukama hwenyika yavo neHIFA.

America iri kutsigira mamwe masangano anoshanda mukurwisa HIV/AIDS pasi pechirongwa chemutungamiri weAmerica chePEPFAR.

Vanoona nezvekufambiswa kwemashoko musangano re HIFA, Va Tafadzwa Simba, vanoti VaWharton vashanyira makambani ari kuratidza zviratidzwa zvawo ari muna First Street muHarare.

Vaimbi vane mukurumbira vechidiki vanosanganisira Jah Prayzah vange vari pamitambo yaitwa vachitsigira zvirongwa zvaparurwa naVa Wharton.

Mitambo iyi iri kuenderera mberi neChina. VaSimba vanoti neChina veruzhinji vanofanirwa kushanya nemhuri sezvo kune zvirongwa zvakarongerwa vechidiki kuti vaone pamwe nevabereki vavo.

VaSimba vanoti vaimbi vanobva munyika nekunze vachange vachifadza veruzhinji pamitambo ichaitwa muhurongwa hweHIFA kudzamara hwapera mukupera kwesvondo.

Hurukuro naVa Tafadzwa Simba