Mumwe mutori wenhau muZimbabwe atongerwa kugara mujeri kwegore zvichitevera kuwanikwa aine mhosva yekutsikisa bepanhau rake asina rezenisi sezvinodiwa nemutemo we Access to Information and Protection of Pricay Act.
Patrick Chitongo wekuChiredzi azobvisirwa mwedzi mina nemutongi wedare ramajastiriti, VaTafadzwa Mhlanga.
Asi magweta aChitongo anoti achakwikwidza mutongo uyu kudare repamusoro.
Chitongo anonzi akatyora mutemo nekutsikisa bepanhau rinonzi the Southern Mirror asina rezinesi. Chitongo ange achipomerwa mhosva iyi nevamwe vatatu avo vazonzi havo havana mhosva.
Vachuchisi vehurumende, vachitungamirwa nachiedza muhwandavaka, vakati Chitongo haaifanira kutsikisa bepanhau asina rezinesi.
Asi Chitongo, uyo aimirirwa mudare nenhengo yeZimbabwe Lawyers for Human Rights, VaMartin Mureri, ainge audza dare kuti haana kutsikisa bepanhau asi kuti akangotsikisa bepa risingatengeswi, asi semufananidzo kana kuti “dummy” waizoshandiswa kuti vaendese kuZimbabwe Media Commission.
Your browser doesn’t support HTML5
Hurukuro naVaMartin Mureri