WASHINGTON DC —
Kugadzikana kunenge kwadzoka mumasangano anomirira vashandi vehurumende zvichitevera kuwirirana kwaitwa nevamiriri vemasangano aya pamusangano wavaita muHarare apo pasharwa hutungamiri hutsva hweApex Council, hwevanhu vapfumbamwe vachamirira vashandi munhaurirano.
Mutungamiri weZimbabwe Teachers Association, Zimta, VaRichard Gundani, ndivo vasarudzwa sasachigaro mutsva weApex Council, vachitsiva VaDavid Dzatsunga, vakanga vasarudzwa gore rapera, avo vanonzi vazvipira kusiya chigaro kuitira kuti pave nekufambira mberi.
Amai Cecilia Alexander vePublic Service Association ndivo mutevedzeri waVaGundani, VaManuel Nyawu weTeachers Union of Zimbabwe vari munyori.
Masangano eZimta nePSA ari maviri akwanisa kuwana zvigaro zviviri zviviri, kuchitiwo Progressive Teachers' Union of Zimbabwe, Teachers' Union of Zimbabwe, College Lecturers Association of Zimbabwe, Civil Service Employees Association, neProfession and Technical Officers Association achiwana chigaro chimwechete chimwechete.
Mazita aya ave kuzoendeswa kuNational Joint Negotiating Council sezvinokurudzirwa nehurumende.
Masangano aya akanga apiwa maawa makumi mana nemasere nehurumende ekuti ange abuda nechikwata chichapinda munhaurirano ichi.
Sangano reCollege Lecturers Association of Zimbabwe rinoti ratambira zvabuda zvose mumusangano uyu kuburikidza nekubvuma kusiya chigaro kwaitwa naVaDzatsunga, senzira yekuti zvinhu zvifambe.
Kusavepo kwechikwata chinomirira vashandi munhaurirano pamwe nekurwira hutungamiri hweApex Council kunonzi kwakatadzisa vashandi vehurumende kuwedzerwa mari mukati memakore maviri nechidimbu apfuura.
Hatina kukwanisa kubata VaGundani kuti tinzwe kubva kuna sachigaro mutsva.
Asi munyori weProgressive Teachers Union of Zimbabwe, PTUZ, VaRaymond Majongwe, vanoti vanofunga kuti danho iri richabatsira kuti zvichemo zvevashandi zvichinzwikwa nehurumende sezvo pave nekutaura nezwi rimwe chete.
Mutungamiri weZimbabwe Teachers Association, Zimta, VaRichard Gundani, ndivo vasarudzwa sasachigaro mutsva weApex Council, vachitsiva VaDavid Dzatsunga, vakanga vasarudzwa gore rapera, avo vanonzi vazvipira kusiya chigaro kuitira kuti pave nekufambira mberi.
Amai Cecilia Alexander vePublic Service Association ndivo mutevedzeri waVaGundani, VaManuel Nyawu weTeachers Union of Zimbabwe vari munyori.
Masangano eZimta nePSA ari maviri akwanisa kuwana zvigaro zviviri zviviri, kuchitiwo Progressive Teachers' Union of Zimbabwe, Teachers' Union of Zimbabwe, College Lecturers Association of Zimbabwe, Civil Service Employees Association, neProfession and Technical Officers Association achiwana chigaro chimwechete chimwechete.
Mazita aya ave kuzoendeswa kuNational Joint Negotiating Council sezvinokurudzirwa nehurumende.
Masangano aya akanga apiwa maawa makumi mana nemasere nehurumende ekuti ange abuda nechikwata chichapinda munhaurirano ichi.
Sangano reCollege Lecturers Association of Zimbabwe rinoti ratambira zvabuda zvose mumusangano uyu kuburikidza nekubvuma kusiya chigaro kwaitwa naVaDzatsunga, senzira yekuti zvinhu zvifambe.
Kusavepo kwechikwata chinomirira vashandi munhaurirano pamwe nekurwira hutungamiri hweApex Council kunonzi kwakatadzisa vashandi vehurumende kuwedzerwa mari mukati memakore maviri nechidimbu apfuura.
Hatina kukwanisa kubata VaGundani kuti tinzwe kubva kuna sachigaro mutsva.
Asi munyori weProgressive Teachers Union of Zimbabwe, PTUZ, VaRaymond Majongwe, vanoti vanofunga kuti danho iri richabatsira kuti zvichemo zvevashandi zvichinzwikwa nehurumende sezvo pave nekutaura nezwi rimwe chete.
Your browser doesn’t support HTML5
Hurukuro naVaRaymond Majongwe