HARARE —
Mapurisa arambidza vechidiki ve MDC-T kufora muHarare nemusi weMuvhuro pavanga vachida kucherechedza zuva reInternational Day of the African Child iro richacherechedzwa musi weMuvhuro mu Africa nepasi rose.
Tsamba iri mumawoko e Studio7 yanyora na Chief Superintendent N. Saunyama vanotungamira Harare Central District muchipurisa inoti nhengo dze MDC-T hadzisi kuzobvumidzwa kufora mu Harare ne Muvhuro sezvadzanga dzakaronga pamhemberero idzi neMuvhuro.
Va Saunyama vati vechidiki veMDC-T vachangobvumidzwa kuungana mu Harare Gardens vachiti mapurisa haasi kuzovabvumidza kufora kubva pamahofisi ekanzuru pa Town House kusvika mu Harare Gardens umo muchaitirwa mhemberero idzi.
Tsamba yaVa Saunyama haina kupa zvikonzero zvekuti sei mapurisa aramba kuti nhengo dze MDC-T dzifore.
Munyori weboka revechidiki mu MDC-T mupurovhinzi yeHarare, Va Denford Ngadziore, avo vanyorerwa tsamba iyi nemapurisa, vatsinhira kuti mapurisa avarambidza kuenderera mberi nekufora kwavanga vachida kuita.
Va Ngadziore vati vatosvitsa nyaya iyi kumagweta avo ayo atoenda kumatare kuitira kuti mapurisa arambidzwe nematare kuvhiringa hurongwa hwavo.
Zvisinei nekurambidzwa kwavaita kufora, Va Ngadziore vati vachaenderera mberi nehurongwa hwavo vachiti zvataurwa nemapurisa izvi zviri kunze kwebumbiro idzva remitemo yenyika.
Hatina kukwanisa kutaura naVa Saunyama pamwe nemutauriri wemapurisa, Amai Charity Charamba, sezvo mbozhanhare dzavo dzanga dzisingadairwe kuti tinzwe divi remapurisa panyaya iyi.
Zimbabwe iri kubatana nenyika dzemu Africa neMuvhuro mukucherechedza zuva reInternational Day of the African Child.
Zuva iri rakatanga kucherechedzwa nesangano reOrganization of African Unity, iro rava kunzi African Union muna 1991. Izvi zvakaitwa senzira yekucherechedza vana vechikoro vemu Soweto, South Africa, avo vakaratidzira kusafarira dzidzo ine rusarura munyika iyi muna 1976.
Mukuratidzira uku, mapurisa emu South Africa akapfura vamwe vevana ava vakafa. Izvi zvakashorwa nepasi rose zvikapawo kuti nyika dzepasi rose dzishoropodze zvakadzama hutongi hwerusarura, uho hwahazopera pakawana South Africa kuzvitonga muna 1994.
Tsamba iri mumawoko e Studio7 yanyora na Chief Superintendent N. Saunyama vanotungamira Harare Central District muchipurisa inoti nhengo dze MDC-T hadzisi kuzobvumidzwa kufora mu Harare ne Muvhuro sezvadzanga dzakaronga pamhemberero idzi neMuvhuro.
Va Saunyama vati vechidiki veMDC-T vachangobvumidzwa kuungana mu Harare Gardens vachiti mapurisa haasi kuzovabvumidza kufora kubva pamahofisi ekanzuru pa Town House kusvika mu Harare Gardens umo muchaitirwa mhemberero idzi.
Tsamba yaVa Saunyama haina kupa zvikonzero zvekuti sei mapurisa aramba kuti nhengo dze MDC-T dzifore.
Munyori weboka revechidiki mu MDC-T mupurovhinzi yeHarare, Va Denford Ngadziore, avo vanyorerwa tsamba iyi nemapurisa, vatsinhira kuti mapurisa avarambidza kuenderera mberi nekufora kwavanga vachida kuita.
Va Ngadziore vati vatosvitsa nyaya iyi kumagweta avo ayo atoenda kumatare kuitira kuti mapurisa arambidzwe nematare kuvhiringa hurongwa hwavo.
Zvisinei nekurambidzwa kwavaita kufora, Va Ngadziore vati vachaenderera mberi nehurongwa hwavo vachiti zvataurwa nemapurisa izvi zviri kunze kwebumbiro idzva remitemo yenyika.
Hatina kukwanisa kutaura naVa Saunyama pamwe nemutauriri wemapurisa, Amai Charity Charamba, sezvo mbozhanhare dzavo dzanga dzisingadairwe kuti tinzwe divi remapurisa panyaya iyi.
Zimbabwe iri kubatana nenyika dzemu Africa neMuvhuro mukucherechedza zuva reInternational Day of the African Child.
Zuva iri rakatanga kucherechedzwa nesangano reOrganization of African Unity, iro rava kunzi African Union muna 1991. Izvi zvakaitwa senzira yekucherechedza vana vechikoro vemu Soweto, South Africa, avo vakaratidzira kusafarira dzidzo ine rusarura munyika iyi muna 1976.
Mukuratidzira uku, mapurisa emu South Africa akapfura vamwe vevana ava vakafa. Izvi zvakashorwa nepasi rose zvikapawo kuti nyika dzepasi rose dzishoropodze zvakadzama hutongi hwerusarura, uho hwahazopera pakawana South Africa kuzvitonga muna 1994.