Mutungamiri weAmerica VaJoe Biden vatanga zororo ravo repagore vari kuchitsuwa che St. Croix chiri kuma Caribbean asi chiri pasi penyika yeAmerica.
Zororo iri ndiro rekupedzisira raVaBiden vachiri mutungamiri wenyika sezvo VaDonald Trump, avo vakakunda musarudzo dzakaitwa mwedzi wapera vari kugadzwa musi wa 20 Ndira gore rinouya.
Nyanzvi yezvekudyidzana kwenyika dzapasi rose vachidzidzisa paDevry University kuOhio muAmerica, Muzvinafundo Elliot Masocha, vanoti zvakakosha kuti VaBiden vamboenda pazororo vasati vatambidza masimba kuna VaTrump vachiti zvinovapawo mukana wekuonekana nevamwe vavaishanda navo.
