Zvizvarwa ZveZimbabwe Zviri muAmerica Zvopinda muGoredzva Zvichiita Zvakasiyanasiyana.

Zvizvarwa zveZimbabwe zvinogara muAmerica zviri kumirira kupinda mugoredzva zvichiita zvakasiyana siyana. Vamwe vanoti vachange vari kumakereke, vamwewo vari pamabasa, ukuwo vamwe vachiti vari kupinda nemabiko ekunwa nekufara nehama neshamwari vachipemberera.

Murongi wezvemitambo nemimhanzi, DJ Tau anoti vakawanda vatotanga kutandara vari kune imwe nzvimbo yekutandarira iri kuGaithersburg kuMaryland, uko kwavari kusangana nezvimwe zvizvarwa zvedzimwe nyika vachipemberera nekufara.

Chimwewo chizvarwa che Zimbabwe chiri muRaleigh kuNorth Carolina, Muzvare Mamoe, kana kuti Patience Murozvi vechikwata cheFashion Police Zimbabwe, vanotiwo mugore ra2019 vari kuronga kuenda kumusha mushure memakore makumi maviri nemaviri. Vanoti vari kutarisira zvikuru kuzuva iri.

Vazhinji vanoti gore ra2018 rakanga rakavaomera sezvo vaibatsira hama neshamwari kumusha nemari nezvimwe zvekubatsira nazvo.

Vazhinji vari kunze kwenyika vanoti vanoshuvira zvikuru kuti dai vaikwanisa vangadai vakaenda kumusha kunotambira zororo reKisimusi negoredzva vari pamwechete nehama neshamwari.

Embed share

Nyaya ina Evans Zininga

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:14 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player