Sangano reZimbabwe Motor Sport Federation rinoti riri kufara zvikuru nehuwandu hwemadzimai ari mumutambo wekutyaira motokari uyo waiwanzoitwa nevarume vega.
Zimbabwe yakakunda nyika dzinoti Zambia, Kenya, Rwanda, neKenya pamakwikwi e Toyota Zimbabwe Challenge akapera muHarare neSvondo.
Mutyairi Jaime Whyte ndiye akatora mukombe.
Vanowona nezvekuburitswa kwemashoko musangano reZimbabwe Motor Sport Federation, Va Themba Mazvimbakupa, vanoti vane chivimbo chekuti munguva inotevera vatyairi vechidzimai ndivo vachawanika vachitora mikombe yepamusoro sezvo vari kusimbaradza maitiro avo mumakwikwi ekutyaira.
Makwikwi eToyota Zimbabwe Challenge akatanga muHarare neChishanu akapera neSvondo. Pange pane vatyairi makumi maviri nemumwe pakatanga makwikwi aya asi vatyairi vapfumbamwe ndivo vakakwanisa kupinda mumakwikwi ekupedzisira.
